ئاپتور: چاڭ ديەنشۆ
5-ئاينىڭ 21-كۈنى، شىنجاڭ تارباغاتاي ۋىلايىتىنىڭ تولى ناھىيەسىدىكى شازى كۆلىدە، قىزىل پۇتلۇق لايخورەكلەر بۇ يەردە قالتىس «ئېلىشىش ئويۇنى» قويماقتا ئىدى. باش ياز قىزىل پۇتلۇق لايخورەك كۆپىيىدىغان پەسىل بولۇپ، ئەركەك لايخورەكنىڭ تەۋەلىك ئېڭى ئىنتايىن كۈچلۈك، جورا تالىشىش ۋە كۆپىيىدىغان تەۋەلىك تالىشىش ئۈچۈن، ئۇلار تېيىز ساھىلدا كەسكىن تىركىشىدۇ. كامېرادا، قىزىل پۇتلۇق لايخورەكلەر قاناتلىرىنى قېقىپ بوشلۇققا كۆتۈرۈلەتتى ياكى تۇمشۇقى ۋە تىرنىقىنى ئىشلىتىپ تۇتۇشاتتى، ئەتراپتا قاتمۇقات بۇژغۇنلار چاچرايتتى؛ قىزغۇچ سېرىق رەڭلىك ئۇزۇن پۇتلىرى بىلەن قوڭۇر ئاق رەڭ ئارىلىشىپ كەتكەن پەيلىرى سۈپسۈزۈك سۇ يۈزىدە ئەكس ئېتىپ، تەبىئىي دالىنىڭ گۈزەل مەنزىرىسىنى نامايان قىلىپ تۇراتتى. دۆلەت تەرىپىدىن «ئۈچ بار» قوغدىلىدىغان ھايۋان بولۇش سۈپىتى بىلەن، قىزىل پۇتلۇق لايخورەكنىڭ جانلىق سىيماسى شازى كۆلى ئېكولوگىيە-مۇھىتىنىڭ سىجىل ياخشىلىنىۋاتقانلىقىنى ئىسپاتلىدى.
(ئاپتورنىڭ خىزمەت ئورنى: تولى ناھىيەلىك يۇغۇرما تاراتقۇ مەركىزى)
«ئۆگىنىش كۈچلۈك دۆلىتى» ئۆگىنىش سۇپىسىدىن ئېلىپ تەرجىمە قىلىندى
