Bodh Gaya
Bodh Gaya बोधगया | |
|---|---|
Stad | |
 Die Mahabodhi-tempel in Bodh Gaya | |
  Bodh Gaya Ligging in Indië | |
| Koördinate: 24°41′42″N 84°59′33″O / 24.69500°N 84.99250°O | |
| Land |  Indië |
| Deelstaat | Bihar |
| Distrik | Gaya |
| Oppervlak | |
| • Stedelik | 20,2 km2 (7,8 vk. myl) |
| Bevolking | |
| • Stad | 48 184 |
| • Digtheid | 2 385/km2 (6 177/vk. myl) |
| Tydsone | UTC+5:30 (IST) |
| Poskode | 824231 |
Bodh Gaya (Hindi: बोधगया, Bodhgayā; letterlik: "plek van verligting", uit Sanskrit bodhi, "ontwaking", "verligting" en gaya, "huishouding", "woonplek") is 'n stad in die Indiese deelstaat Bihar met 'n bevolking van 48 184 in 2018, sowat 96 km suid van Patna. Bodh Gaya is die plek waar Siddhartha Gautama onder die Bodhi-boom gaan sit en verligting ontvang het, waarmee hy die Boeddha (die "verligte") geword het. Die Boeddha het na Bodh Gaya as een van vier plekke verwys wat Boeddhiste tydens 'n pelgrimstog sal besoek, die ander is Lumbini, sy geboorteplek; Sarnath, waar hy begin preek het; en Kushinagar, waar hy oorlede is. Gevolglik is Bodh Gaya 'n belangrike bedevaartsplek vir Boeddhiste.[1] Die Bodhi-boom bevind hom by die Mahabodhi-tempel. Volgens argeologiese opgrawings word die terrein sedert die Mauryaryk deur Boeddhiste gebruik.[2] Bodh Gaya se Boeddhistiese tempelkompleks is in 2002 deur Unesco as wêrelderfenisgebied gelys.
Verwysings
[wysig | wysig bron]- ↑ (en) Nandini Majumdar (2014). Banaras: Walks through India’s Sacred City (1 uitg.). Nieu-Delhi: Roli Books Pvt. Ltd. p. 158. ISBN 978-81-7436-916-1.
- ↑ (en) Lars Fogelin (2015). An Archaeological History of Indian Buddhism. Oxford University Press. p. 195. ISBN 9780199948239.
Eksterne skakels
[wysig | wysig bron]
Wikimedia Commons het meer media in die kategorie Bodh Gaya.- (en) Toerisme-inligting oor Bodh Gaya op Wikivoyage
- (en) (fr) Amptelike Unesco-bladsy
- (en) "Bodh Gaya". Encyclopædia Britannica. Besoek op 2 Augustus 2026.
Hierdie Indiëverwante artikel is 'n saadjie. U kan die Afrikaanse Wikipedia help deur dit uit te brei.
