Wikipedia:Dubbelsinnige onderwerpe

'n Artikel is bedoel om 'n enkele en spesifieke onderwerp te dek. Daar is egter gevalle waar dieselfde naam na verskeie verskillende onderwerpe kan verwys, en daardie verskillende onderwerpe moet as verskillende artikels gedek word. Daar is ook gevalle waar na 'n enkele onderwerp met verskeie verskillende name verwys word, wat steeds as 'n enkele artikel gedek moet word. Vermy die verwarring van 'n artikel se onderwerp met sy naam; wees versigtig dat jy nie die onderwerp verloor as gevolg van teenstrydige terminologie nie.

Die bepaling van die omvang van 'n artikel se onderwerp word gelei deur verskeie Wikipedia-riglyne en -beleide. Die Wikipedia:Dubbelsinnigheid riglyn vertel ons beste praktyke wanneer een soekterm na meer as een onderwerp verwys. Die Wikipedia:Ensiklopediese relevansie riglyn sê vir ons dat sommige onderwerpe nie geskik is vir 'n losstaande artikel nie, maar wel geskik kan wees vir 'n aanstuur of versmelting aan 'n ander artikel. Die Wikipedia:Titelriglyne beleid sê vir ons hoe om daardie artikels so te titel dat die onderwerp se naam herkenbaar, natuurlik, presies, bondig en konsekwent is. Laastens, die Wikipedia:Verifieerbaarheid beleid sê vir ons dat alle inligting gegrond moet wees op verwysings na betroubare en onafhanklike sekondêre bronne, insluitend die opskrif vir die onderwerp self.