Sambucus ebulus
| Sambucus ebulus | |
|---|---|
 | |
| Denominacions populars | |
chau / chebo, yebo, yabo, chebera, cheflo / chefle, pudimán / pudimal, pudremans, putiera, fallanastro / follanastro, sabuco borde, sabuquero baixo | |
| Clasificación cientifica | |
| Plantae | |
| Tracheobionta | |
| Magnoliophyta | |
| Magnoliopsida | |
| Asteridae | |
| Dipsacales | |
| Adoxaceae | |
| Sambucus | |
| S. ebulus | |
| Descripción | |
Sambucus ebulus Carlos Linneo, | |
O chau[1][nota 1] u cheflo[1][2][nota 2] (nombre cientifico Sambucus ebulus), tamién dito pudimán[1][nota 3], ye una especie vechetal d'o chenero Sambucus y d'a familia Adoxaceae.
Características
[editar | modificar o codigo]Creixe dica 1-2,5 m d'altaria, con tallos erectos, usualment sin brancas, en grans grupos por un espardiu y perenne sistema de rizomas soterranyos. As fuellas son opuestas y imparipinnadas de 15-30 cm de largaria, con 5-13 foliolos de borde atrallau con aroma fedient. Os tallos rematan en un corimbo de 10-15 cm de diametro con a saber-las flors blancas que fan buena oloreta (ocasionalment rosas). O fruito ye una baya, de color negra, chicota y globosa de 5-6 mm de diametro. Os fruitos verdes se caracterizan por estar muit toxicos.
Usos
[editar | modificar o codigo]Posee propiedades sudorificas, diureticas y laxants.[3]
Nombres
[editar | modificar o codigo]Se conoixe como chau[1][2] en as comarcas de Sobrepuerto y Sarrablo y chebo[1][2] en Fuents d'Ebro y Luesia, rechistrando-se as variants yebo[1][2] en Abai y Barós y yabo[1][2] en Fago y Puyarruego. Ye documentada tamién a forma chebera[1]. En a val de Chistau se diz cheflo[1][2][nota 4] y en zona de Turbón y en localidaz como Benás y Espés ye cheulo[2].
En aragonés ribagorzano se troban formas como pudimán[1][2] documentada en La Puebla de Castro, Santalecina, pudimal[1][2] en Estadilla, Estada y Olbena y pudremans[1][2] en Capella y Torres. En Ribagorza tamién se rechistran putiera[1][2] y follanastro[1][2][nota 5].
S'han puesto documentar atras denominacions como sabuco borde[1][2] en Nogueruelas, sabuqueret[2] en Sarrablo, sabuquillo[2] en Echo y sabuquero baixo[1].
Notas
[editar | modificar o codigo]Referencias
[editar | modificar o codigo]- 1 2 3 4 5 6 7 8 9 10 11 12 13 14 15 16 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- 1 2 3 4 5 6 7 8 9 10 11 12 13 14 15 (an) Libro de as matas y os animals; Dizionario aragonés d'espezies animals y bechetals. Rafel Vidaller Tricas. Ediciones La Val de Onsera. ISBN 978-84-8986-235-7. 2004.
- ↑ (es) En Infojardín
| Control d'autoridaz |
|
|---|
Datos: Q158515
Multimedia: Sambucus ebulus / Q158515
Especies: Sambucus ebulus
