Tom Gehrels
 |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Tom Gehrels | ||
|---|---|---|
 L'astronomo Tom Gehrels. | ||
| Información personal | ||
| Calendata naiximiento: | 21 de febrero de 1925 | |
| Puesto naiximiento: |
 Haarlemmermeer (Holanda Septentrional, Países Baixos) | |
| Calendata muerte: | 11 de chulio de 2011 | |
| Puesto muerte: |
 Tucson (Arizona, Estaus Unius) | |
| Edat: | 86 | |
| Ocupación: | Astronomo | |
| Alma Máter: |
Universidat de Leiden Universidat de Chicago | |
| Fillos: | Neil Gehrels | |
Tom Gehrels, naixiu de Haarlemmermeer (Holanda Septentrional, Países Baixos) o 21 de febrero de 1925 y muerto en Tucson (Arizona, Estaus Unius) l'11 de chulio de 2011, estió un astronomo neerlandés (encara que posteriorment adquirió la nacionalidat estausunidense) que ha trreballau en o campo d'os asteroides, en relación mas que mas con os asteroides amanaus a la Tierra, estando lo descubridor de mas de 4.000 asteroides. Formau en as universidatz de Leiden y Chicago, treballó cuantas anyadas ta la Universidat d'Arizona y recibió lo Premio Harold-Masursky en l'anyo 2007 por a suya contribución excepcional a la ciencia planetaria. Antiparte, ye lo pai de l'astrofisico Neil Gehrels.
En la Universidat d'Arizona estió un d'os impulsors d'o prochecto Spacewatch, adedicau mas que mas a la rechira d'os asteroides amanaus a la Tierra. Ha estau lo descubridor de muitos cometas, incluyindo-ie los cometas periodicos 64P/Swift-Gehrels (con Lewis Swift), 78P/Gehrels, 82P/Gehrels y 90P/Gehrels, que portan o suyo nombre, y tamién d'alto u baixo 5.000 asteroides, en destacando los asteroides Apolo (1864) Daedalus) y (5011) Ptah y l'asteroide Amor (4587) Rees, amás de decenas d'asteroides de tipo troyano). La mayor parte d'os suyos descubrimientos son de conchunto con o matrimonio de neerlandeses Cornelis Johannes van Houten y Ingrid van Houten-Groeneveld, que treballaban en a Universidat de Leiden y a qui Gehrels ninviaba en o marco d'o sondeyo Palomar-Leiden las placas que feba con o telecopio de 48 pulgadas de l'observatorio Palomar ta que éls las analizasen. L'asteroide (1777) Gehrels recibe lo suyo nombre en a suya honor.
Mientres a Segunda Guerra Mundial, Tom Gehrels fació parte d'a resistencia neerlandesa y con posterioridar formó parte de l'equipo que entrevistó a los supervivients d'os presoneros politicos forzaus a treballar ta lo Tercer Reich en a fabricación d'as bombas volants V1 y V2 baixo la supervisión de Werner von Braun, y afirmaba que lo mal tracto a los presoneros yera responsabilidat en gran parte de von Braun, encara que las biografías edulcuradas l'amagasen.
Obras
[editar | modificar o codigo]- 1990: Tom Gehrels: On the Glassy Sea: An Astronomer's Journey, Nueva York, Amer Inst of Physics, 340 p. (ISBN 0-88318-598-9)
- 1994: Tom Gehrels, Mildred Shapley Matthews y A. M. Schumann: Hazards due to Comets and Asteroids, University of Arizona Press, 1.300 p. (ISBN 978-0-8165-1505-9).
Vinclos externos
[editar | modificar o codigo]
Se veigan as imáchens de Commons sobre Tom Gehrels.
| Control d'autoridaz |
|
|---|
Datos: Q312255- Multimedia: Tom Gehrels / Q312255
