يونانى

	ثقافه
اكل\|اعياد\|شخصيات خياليه; اثار\| اغانى\| رقص; لغات\|عقيده دينيه\| اساطير	سواحيلى

يونانى
يونانى
المتكلمين
النسب	; ; ; ; ; ; ; ; ; ; ; ; ; ;
لغه رسميه فى
الاسم الاصلى
ازمنه	فعل ماضى ‏
السكان الاصليين لـ	البانيا ، واليونان ، قبرص
نظام الكتابه	الحروف اليونانيه
ISO 639-5	grk
	تعديل

اليونانى ( لونا غلط:not enough memory اليونانية (بالهيلينية: elliniká^ⓘ هيا لغة نشأت فى اليونان ، و تنتمى للفرع الهيلينى من اللغات الهندو-أوروبية . هيا اللغة الهندو-أوروبية اللى ليها التاريخ الموثق الأطول، علشان فيها اكتر من 3400 عام من الأدلة المكتوبة. نظام الكتابة اللى استخدمته طول معظم تاريخها، اللى لسه تستخدمه لحد االنهارده ، هو الأبجدية اليونانية . و استخدمت قبل كده أنظمة تانيه، زى الكتابة الخطية ب و الأبجدية المقطعية القبرصية . اليونانى تحتل مكانةً بارزةً فى تاريخ اوروبا والحضارة الغربية والمسيحية . وتشمل تراث الأدب اليونانى القديم أعمال ليها اهميه بالغة وتأثير كبير على التراث الأدبى الغربى اللاحق، زى ملحمتى الإلياذة والأوديسة . كما اتكتب ت كتير من النصوص التأسيسية للفلسفة الغربية باللغة اليونانية، زى حوارات أفلاطون ومؤلفات أرسطو . أما العهد الجديد من الكتاب المقدس فقد اتكتب باليونانية الكوينية ، هيا اللغة اللى لسه بتتعمل بيها طقوس كتير من الطوايف المسيحية (و بالخصوص الكنيسة الأرثوذكسية والطقوس البيزنطية للكنيسة الكاثوليكية ). و لجانب النصوص اللاتينية و تقاليد العالم الرومانى ، المتأثرة بشدة بالمجتمع اليونانى القديم، بتشكل دى اللغة أساس علم الدراسات الكلاسيكية .

اليونانى او الجيريجى او الاغريقى ، لغه قايمه بذاتها ضمن عيلة اللغات الهيندو-أوروبيه. معظم الناس اللى عايشه فى دولة اليونان و جزيرة قبرص بيتكلمو يونانى. فيه كمان ناس تانيه كتير بتتكلم يونانى عايشه كأقليات فى دول تانيه زى دول البلقان و البانيا وسواحل البحر الأسود و شرق المتوسط. اتطور اليونانى الحديث من اليونانى النموذجى فى المناطق الهيلينيه.

نظام الكتابة الأساسى لليونانى هو الألف-بيه الاغريقى، هيا أبجديه متكونه من 24 حرف بيمثلو أصوات مختلفة، منهم 20 حرف مستمدين بشكل أساسى من الألف-بيه بتاعة الفينيقيين، اللى هيا مستمده من الألف-بيه البروتو-سيناويه اللى هيا مستمده من الرموز الهيروغليفيه المصريه.

من أهم الناس اللى كتبت باللغة اليونانيه علا مر التاريخ الشاعر هوميروس اللى كتب الالياذه و الأوديسا باليونانيه الكلاسيكيه، و المؤرخ هيرودوتوس اللى كتب الكتاب المشهور بتاعه، هيستوريا Historia، باللغه اليونانييه برضه.

تاربخ اللغه اليونانى فى العصر قبل الكلاسيكى

اللغة اليونانيية القديمة تعتبر من أقرب اللغات للغه البروتو هندو-اوروبية Proto-Indo-European Language. فيه نظريات كتير حولين ازاى البروتو هندو-أوروبية انتشرت فى اوروبا واتطورت للغات الاوروبية المختلفة زى الاغريقى القديم بلهجاته المختلفة.

قبل ما اليونانيين يتبنو الأبجديه اليونانييه، شعوب اليونان كانت بتستخدم نظم كتابة مختلفه عن الأبجدية، أهمها نظام الكتابه الخطى ب Linear B اللى كان مستخدم فى الحضارة الموكيانية، هيا الحضاره اللى سبقت الحضارة اليونانية الكلاسيكية.

تاربخ اللغه اليونانيه فى العصر الكلاسيكى

بداية من القرن التامن ده العصر اللى ابتدت فيه الحضارة اليونانية فى الازدهار و هو ده العصر اللى ظهر فيه هوميروس الشاعر. الجاليات اليونانيه انتشرت حوالين البحر المتوسط و نقدر نشوف تأثيرهم الكبير علا فينيقيا و علا مصر فى عصر العيله 26 (بتاعة الفرعون ابسماتيك الاول) قبل ما مصر تروح فى الرجلين و تحتلها فارس لأول مرة (العيله 27).

بزوغ الأدب الاغريقى و انتشاره حوالين المتوسط واستخدامهم أبجدية سهلة القراية (الأبجدية الفينيقية) خللا لليونان هويه قويه تقدر تقاوم بيها الاستعمار الفارسى، لحد ما قام الاسكندر الاكبر و خلص العالم من الغلاسة بتاعتهم.

تاريخ اللغه اليونانيه فى العصر الهلينيستى

فى العصر الهلينيستى ثقافات وحضارات كتير حولين البحر المتوسط اتأثرت جامد باللغة اليونانيية اللى كانت تعتبر لغة الفن و الثقافة بعد عصر الاسكندر. مصر اتبنت اللغة اليونانيية الكوينيه Koine Greek كلغة رسمية فى عصر العيله الـ 33، عيله البطالمة اللى حكمت من اسكندرية.

اسكندريه نفسها بقت أهم مركز ثقافى للثقافه اليونانيه فى الوقت ده. ناس كتير اتولدت أو عاشت فى اسكندريه زى اقليدس، بيثاجوراس، ايراتوستينوس، مانيتون كلهم كتبوا مصنفاتهم باللغة اليونانيية. الأسطورة بتقول ان الفرعون بطلميوس التانى فيلاديلفوس هو اللى أمر بترجمة الكتاب المقدس للغه اليونانييه، و كانت النتيجه هيا الترجمه السبعينيه المشهوره.

بعد موت كليوباترا، مصر بحكم الواقع بقت جزء من الامبراطوريه الرومانيه، و كان الجزء الشرقى من الامبراطورية (زى مقاطعة مصر، مقاطعة اليهودية والجليل، سوريا، الأناضول، اليونان والبلقان) لازالوا بيتكلموا وبيستخدموا اللغة اليونانيية كلغة رسمية، أما الجزء الغربى من الامبراطورية، بما فيه روما وايطاليا كان بيستخدم اللغة اللاتينية.

عصر الدولة البيزنطية

بعد انقسام الامبراطوريه الرومانيه. اللغه اليونانييه بقت لغة رسمية للدولة البيزنطية، وكسبت اللغه شعبيه كبيره فى العالم المسيحى الشرقى وده لان الأناجيل القانونية و كتب العهد الجديد كانت مكتوبة باللغة اليونانيية. اللغة اليونانيية أثرت فى الشعوب اللى تبع الدوله البيزنطيه بشكل كبير، المصريين نفسهم بقوا يستخدموا مصطلحات اغريقية كتير فى لغتهم المحكية، واللى بقت اسمها اللغة القبطيه، وكلمة قبطى نفسها مستمدة من الكلمة الأغريقية ايكوبتوس بمعنى مصر.

وبعد الغزو العربى لمصر و كنعان و سوريا وبلاد العراق وفارس، ابتدا الضعف والانحدار ينهش فى لحم الدوله البيزنطيه. تعداد السكان وحجم الأراضى والمستعمرات فى الدولة البيزنطيه قل بشكل كبير، و علشان كده عدد اللى بيتكلمو باللغة اليونانيية قل كتير. و فى العالم الاسلامى، انتصرت الدولة الأموية على أعداءها بعد الفتنة الكبرى، و كانت الضربة القاضية للغة اليونانيية فى العالم الاسلامى لما قرر الخليفة عبد الملك بن مروان استخدام اللغة العربية كلغة رسمية فى الدواوين، ومنع استخدام اللغة اليونانيية خالص مالص.

العصر العثمانى

الدولة البيزنطية فضلت تعانى من هجمات المسلمين عليها لحد ما قامت الدوله العثمانيه و بقت كونستانتينوبوليس و اليونان و ألبانيا و البلقان تحت الحكم العثمانى. شعوب اليونان والبلقان عانت كتير من الاضطهاد والمذابح تحت الحكم العثمانى و فضلت تقاوم و قدرت تحافظ علا اللغه اليونانييه لحد ما اليونان اتحررت من الحكم العثمانى وقامت امبراطورية اليونان. اللغه اليونانيه الحديثه هيا آخر طور للغة اليونانيية، و لازالت لغه حيه و بستخدم بشكل يومى فى اليونان بفضل مقاومة اليونانيين للسطوه العثمانيه علا مر التاريخ.

نظم الكتابه

قبل الأبجديه

قبل ما يقولو يللا نخترعو الأبجديه، شعوب اليونان كانت بتستخدم نظام رمزى اسمه Linear B، والكلام ده نقدرو نشوفوه فى المخطوطات اللى تاريخها يرجع للقرن الـ 15 قبل الميلاد ع الأقل، يعنى كان بيستخدم كنظام كتابه أساسى أيام الحضاره الموكيانيه، عشان كدة الطور ده من اللغه اسمه اللغه اليونانييه الموكيانية. النظام ده محدش عرف يفك شفرته لحد سنة 1950 ميلاديه، و ده ساعد علما اللغه انهم يعرفو اللغه اليونانييه الموكيانيه أكتر و يدرسو ازاى اتطورت لليونانييه الكلاسيكية، مش كدا و بس، ده كمان ساعد كتير فى وضع الأساس للنظريه الحديثه: نظرية اللغه البروتو هندو-أوروبيه.

الأبجديه اليونانى

ده جدول الأبجدية وازاى بيتنطق دلوقت.

الأبجديه اليونانييه الحديثه
الحرف الكبير	الحرف الصغير	الاسم	النطق الحديث
Α	α	ألفا	[a]
Β	β	بيتا\ڤيتا	[v]
Γ	γ	جاما	[ɣ] ~ [ʝ]
Δ	δ	دلتا\ذلتا	[ð]
Ε	ε	ابسيلون	[e]
Ζ	ζ	زيتا	[z]
Η	η	ايتا	[i]
Θ	θ	ثيتا	[θ]
Ι	ι	يوتا	[i] - [ʝ]
Κ	κ	كابا	[k]
Λ	λ	لامبدا	[l]
Μ	μ	ميو	[m]
Ν	ν	نيو	[n]
Ξ	ξ	اكساي	[ks]
Ο	ο	أوميكرون	[o]
Π	π	باي	[p]
Ρ	ρ	رو	[r]
Σ	σ/ς	سيجما	[s] - [z]
Τ	τ	تاو	[t]
Υ	υ	أوبسيلون	[i]
Φ	φ	فاي	[f]
Χ	χ	خاي\شاي	[x] ~ [ç]
Ψ	ψ	ابساي	[ps]
Ω	ω	أوميجا	[o]

نلاحظ من الجدول ان الحروف المتحركة بقت شبه بعضها اوى فى اليونانى الحديث والناس مبقتش تفرق بينهم، مثلا ايتا ويوتا و ايبسيلون تقريبا شبه بعض فى معظم الكلمات، و أوميكرون و أوميجا مبقاش بينهم فرق.

الجدول اللى جاى ده بقى بيوضح ازاى الرموز الهيروغليفية اتطورت للأبجدية اليونانية وما يقابلهم فى اللغات التانية.


فينيقي	اغريقي	لاتيني	عربي
Α	A	أ	ألفا بالعربى اسمه ألف
Β	B	ب	بيتا بالعبرى بيت وبالعربى باء
Γ	C - G	جـ	جاما بالعربى اسمه جيم
Δ	D	د	دلتا بالعربى دالت وبالعربى دال
Ε	E	هـ	وده سبب ان ابسيلون بتتنطق هاء فى بداية كلمات كتير زى هيلين بدل ايلين
F - Υ	F - Y	و	أوبسيلون كانت بتتكتب F وتتنطق واو، دلوقت F بقت تتنطق فاء فى اللاتيني
Ζ	Z	ز	زيتا - فى اللاتينى حاطوا G مكانها والـ Y-Z اتنقلوا للآخر
Η	H	ح	ايتا، اليونانيين مش بينطقوا الحاء فحولوها لحرف متحرك
Θ	-	ط	ثيتا، كانت بتتنطق تاء مهموسة
Ι	I	ى	يوتا، بتتنطق زى الـ ى فى بداية الكلمة وكحرف متحرك فى نص الكلمة
Κ	K	كـ	كابا Kappa - اسمها كاف بالعربى لان p بتتنطق فاء فى اللغات السامية
Λ	L	لـ	لامبدا اسمها لام بالعربي
Μ	M	م	ميو اسمها ميم بالعربي
Ν	N	ن	نيو اسمها نون بالعربي
Ξ	-	سـ	اكساى، اليونانيين حولوا الحرف ده من s لks.
Ο	O	ـعـ	أوميكرون، اليونانيين مش بينطقوا العين فحولوها لحرف متحرك و كان اسمه أو
Π	P	ف	باى p، وزى ما قولنا الـ p بتتنطق فاء فى اللغات السامية
Ϻ	-	صـ	صان San، تقلبها على جنبها تبقى سيجما. حرف مندثر.
Ϙ	Q	ق	كوبا Koppa - اسمها قاف بالعربى لان p تتنطق فاء، حرف مندثر.
Ρ	R	ر	رو اسمها راء بالعربي
Σ	S	شـ	سيجما - نلاحظ السين والشين عموما بيتبدلوا بين اللغات المختلفة
Τ	T	ت	تاو اسمها تاء بالعربي

الأبجديات التانية

على مر التاريخ فيه ابجديات كتير تانية استخدمت لكتابة اليونانيية:

الأبجدية اللاتينية زى ما هو متوقع، وده بداية من العصر الرومانى لحد انهاردة تقريبا، ولسة فيه ناس بتكتب الكلمات الاغريقى باللاتينى.
الأبجدية العبرية استخدمها اليهود الرومانيوت اللى بيتكلموا يونانى.
الأبجدية القبطية استخدمها المصريين المسيحيين لكتابة المصطلحات المسيحية اليونانية (وكتابة اللغة القبطية عموما).
الأبجدية العربية استخدمها المسلمين اليونان فى جزيرة كريت لكتابة لغتهم.

شوف كمان

جدول اللغات

مراجع

لونا غلط:not enough memory

لينكات برانيه

لونا غلط:not enough memory

لونا غلط:not enough memory

فيه فايلات فى تصانيف ويكيميديا كومونز عن:

يونانى

لونا غلط:not enough memory