Toltek
Toltek zıwanê inan de Wirrarika/Merdumê İlimi jew şar u medeniyeto ke gorey mordemşınasan (Antropolog) ra seserranê 9. - 12. miyan de Amerikay Veroci de biyo.
Sûka Tolteki kamca de vıraziyawa?
[bıvurne | çımeyi bıvurne]Ewro ra hezar serre aver erdê Meksikay veroci de sûka Tolteki veciyae meydan. Spritualizm karê Toltekıcan sero biyo. Sûka Teotihuacan sûka Toltekunia sero biya. Ewro ki Meksika u cayanê Amerika'ê binan de Tolteki esti. Heta istılay Ewropayıcan Tolteki uca de cıwiyaê. İstılay Ewropayıcan ra dıme sûkê Tolteki biyê xırabey. Ê xeylê cayanê mıxtelıfna ro biyê vıla u biyê letey, zey: Wirrarika, Aztek u Maya. Toltekıcan sûkanê inan rê piramidi vıraştê. Tolteki cenıki inanê ke be spritualizm ra gırey xo biyo, inan rê cenıki ilmi, cıwamêrdê ke be spritualizm ra gırey xo biyo, inan rê cıwamêrdê ilmi vato. Kamo ki spritualizm musao, cı rê Nagual vaciyao. İşğal u istılay Ewrupayıcan ra dıme şarê Toltekan be zor u zerpe ra dinê xo vırnao u biyê Xıristiyanê Katoliki. Ewro zehf şenık Toltekıci qıtay Amerika de cıwiyenê.
Medeniyetê Tolteki
[bıvurne | çımeyi bıvurne]Medeniyetê Tolteki medeniyetê do kehano u zehf rew est biyo. Tebiet, heywani, resnaoği, roc, aşme medeniyetê Toltekıcan de ziyargeyê. Toltekıci xo yew parçey kainati vênenê. Toltekıcan de ceniy u cıwamêrdi ciya nêbeni. Zıwanê Toltekıcan de qandê vatey O/A (zemirê şexsi'o neri u mayki) tenya jew zemir esto. Çûnke gorey Toltekıcan her çi bêcınsiyeto. Toltekıcan de Roc u Va cıwamêrdi temsil kenê, Dınya u Awe cenıke temsil kena. Sembol u figurê Toltekıcan Quetzalcoatl biyo u Quetzalcoatl yew maro ke mûyê cı estê. No sembol hem zeman de qıtay Atlantisi ki temsıl keno. Toltekıcan de peyğember ya ci jew dino esasi çıniyo u gorey inan gani inan rê ci çınê bo. Kam ke nêweşo/nêweşa, ey/ay kenê weş, ey/ay rê Curandera (Weşkerdoğ) vaciyao.
Medeniyetê Tolteki de terimi
[bıvurne | çımeyi bıvurne]- Nagual = Musayoğ u Roşniye
- Tonal = Astare
- Mitote = Dumano ke mezgê merduman de esto
Bıvenên
[bıvurne | çımeyi bıvurne]
