Mary Philips

C'l artìcul chè 'l è scrit in Miranduléś

La Mary Philips (New London, 23 ad Śnar dal 1901 - Santa Mònica, 22 'd Avrìl dal 1975, a s lèś [ˈmæri ˈfɪləps] in ingléś), l'è stada n'atōra americàna.

Uriginària dal Connecticut, la Philips l'à tacâ la sò caréra da atōra a teàtar in dal 1918, laurànd a Broadway in fiṅ a 'l 1944 purtànd su 'l palc òvri cuma Al pustèṅ al sòna sèmpar dó vòti o Pui tut al dméndghi.

In dal 1932 l'à tacâ a recitàr anc a 'l cìnema, tulénd part a i drama L'angelo della vita, cun la Loretta Young, e Addio alle armi, in di pagn dl'infarméra amìga dl'Helen Hayes inamuràda dal suldâ Gary Cooper. In dal 1937 l'à tòlt part a Ali nella bufera, cun Ray Milland, a Vivo per il mio amore, a fiànc dla Bette Davis e 'd Henry Fonda, a La sposa vestiva di rosa, cun prutagunìsta la Joan Crawford, e a La donna che voglio, sèmpar cun la Crawford e Spencer Tracy.

In di an Quarànta a l'ém vista in dal drama Le schiave della città (1944), insém a la Ginger Rogers e a Ray Milland, in dla cumèdia Non parlare baciami!, cun la Shirley Temple, e in dal thriller Femmina folle (1945), in di pagn dla màdar dla Gene Tierney. In dal dòp guèra 'l à incruśâ William Holden in dal cumèdi 60 lettere d'amore (1947) e Abbasso mio marito (1949).

I sò ùltim lavōr su i schérum grand i èṅ stâ al drama rumàntig La conquistatrice, a fiànc ad George Sanders, la cumèdia A.A. criminale cercasi, insém a la Mona Freeman, e 'l peplum Il principe coraggioso (1954), cun James Mason, la Janet Leigh e Robert Wagner.

Da 'l 1928 a 'l 1937 l'è stada spuśàda cun Humphrey Bogart par pò tōr 'l an dòp 'l atōr e regìsta Kenneth MacKenna cuma marè. Chi lò 'l è armàś sèg in fiṅ a la sò mòrt in dal 1962. La Philips la s à lasâ a stanta-quàt'r an p'r un cànc'r a i palmòṅ.

Filmugrafìa

1932 - L'angelo della vita (Life Begins), regìa ad James Flood e 'd Elliott Nugent
1932 - Addio alle armi (A Farewell to Arms), regìa ad Frank Borzage
1937 - Matrimonio d'occasione (As Good as Married), regìa 'd Edward Buzzell
1937 - Ali nella bufera (Wings Over Honolulu), regìa ad H.C. Potter
1937 - Vivo per il mio amore (That Certain Woman), regìa 'd Edmund Goulding
1937 - La sposa vestiva di rosa (The Bride Wore Red), regìa dla Dorothy Arzner
1937 - La donna che voglio (Mannequin), regìa ad Frank Borzage
1944 - Le schiave della città (Lady in the Dark), regìa ad Mitchell Leisen
1945 - Capitano Eddie (Captain Eddie), regìa ad Lloyd Bacon
1945 - Bionda incendiaria (Incendiary Blonde), regìa ad George Marshall
1945 - Non parlare baciami! (Kiss and Tell), regìa ad Richard Wallace
1945 - Femmina folle (Leave Her to Heaven), regìa ad John M. Stahl
1947 - 60 lettere d'amore (Dear Ruth), regìa ad William D. Russell
1949 - Hai sempre mentito (A Woman's Secret), regìa ad Nicholas Ray
1949 - The Life of Riley, regìa 'd Irving Brecher
1949 - Abbasso mio marito (Dear Wife), regìa ad Richard Haydn
1951 - La conquistatrice (I Can Get It for You Wholesale), regìa ad Michael Gordon
1951 - A.A. criminale cercasi (Dear Brat), regìa ad William A. Seiter
1954 - Il principe coraggioso (Prince Valiant), regìa 'd Henry Hathaway

Culegamènt estéran

(IT) Filmugrafìa su 'l IMDb

Àtar prugèt

Wikimedia Commons contiene file multimediali su Mary Philips