Kishiwada

Kishiwada
Japana nomo	岸和田市
	; Loko de Kishiwada en Osaka, Japanio.
speciala urbo de Japanio • urbego
	Loko
Lando	Japanio
Regiono	Kansajo
Gubernio	Osaka
Municipokodo	272027
	Fizikaj karakteraĵoj
Areo	72.24 km²
	Loĝantaro (2021)
Tute	188 015
Denseco	2 603/km²
	Simboloj
	; Blazono de Kishiwada
	Urbodomo de Kishiwada
	Oficiala retpaĝo: Oficiala retejo
	v • d • r

Kishiwada
Flago	Blazono
speciala urbo de Japanio, urbego [+]
Lando	Japanio
gubernio	Gubernio Osako
Koordinatoj	34° 28′ N, 135° 22′ O (mapo)34.460527777778135.37091666667Koordinatoj: 34° 28′ N, 135° 22′ O (mapo) [+]
Akvokolektejo	72,24 km² (7 224 ha) [+]
Areo	72,24 km² (7 224 ha) [+]
Loĝantaro	188 015 [+] (1-a de marto 2021)
Horzono	UTC+9
	Kishiwada (Japanio)
	Kishiwada (Japanio)
	Vikimedia Komunejo: Kishiwada, Osaka [+]
	En TTT: Oficiala retejo [+]
	v • d • r

Kishiwada (japane 岸和田市, en rondaj kanaoj きしわだし, latinliterio laŭ sistemo Hepburn Kishiwada-shi) estas urbego kaj marhaveno en Japanio. Ĝi situas en la gubernio Osako, en la regiono Kansajo, kaj geografie troveblas en la centro de la insulo Honŝuo, la plej granda el la insuloj de Japanio. Laŭ la stato de 2021 en la urbo vivis 188 015 loĝantoj sur areo de 72,24 kvadrataj kilometroj, kio rezultigas loĝdenson de 2 603 loĝantoj/km².

La teritorio havas komunan limon kun Kacuragi, Kinokawa, Izumi, Kaizuka kaj Tadaoka.

Demografio

En 2022 Kishiwada havis populacion de 190 853. En la 1950-aj jaroj la urbo atingis la internacian kvalifikon urbego (pli granda, ol cent mil), sed laŭ la japana kvalifiko estas speciala urbo.

Geografio

Kishiwada situas inter maro kaj montoj ĉe profundo de golfo. Izumi (Osaka) troviĝas nur 6, gubernia sidejo Osako 28, Kobeo 30, Vakajamo 32, Akashi 40, ĉefurbo Tokio 405 kilometrojn aere.

Historio

La areo de nuna Kishiwada estis loĝita ekde la antikvaj tempoj, eĉ multaj tumuloj estis trovitaj. La loko estis menciita en 1337, kiel bieno ĉirkaŭ 1400. Kiel strategia loko, fortikaĵo konstruiĝis por kontroli la vojon inter Osako kaj Vakajamo, krome iom for la havenon en 1597. Oni aranĝis festivalon ekde 1703. Kishiwada oficiale fondiĝis moderna municipo en 1889, poste estis levita urbo en 1922, fine speciala urbo en 2002 kun pliigita aŭtonomio.

Ekonomio

Historie oni kultivis kotonojn en la municipo kaj oni kreis fadenojn kaj tukojn. La teksa industrio estas la centro de la industrio, sed iom poste multe da fabrikoj malaperis pro konkurenco de la transmaraj produktoj. En 1966 Kishiwada establis industriajn parkojn por altiri la pezan industrion. La plej sukcesa estis la vitra lensproduktado, ĉirkaŭ 1980 70 lensfabrikoj funkciis.

Eduko

En Kishiwada la plej altnivela eduko okazas en mezlernejoj. Post tio eblas daŭrigi la edukon ekzemple en la gubernia universitato de Osako, 17 kilometrojn norden, aŭ en la universitato de Osako, 46 kilometrojn norden.

Klimato

Kishiwada situas en humida subtropika klimato (Cfa) laŭ la klimata klasifiko de Köppen. La meza jara temperaturo estas 14,5 °C. La jarpluvo averaĝas 1475 milimetrojn, signifa neĝado neniam okazas.