Torturo

Torturo
Torturo
Aliaj projektoj
Torturo en Vikipedio
Torturo en Komuneja kategorio

Torturo estas kruela turmento (fizika aŭ morala), per kiu oni provas eltiri konfeson el akuzito aŭ pere de kiu oni iam punis kondamnitojn.

Citaĵoj

^{NOTO: Krom en la referencitaj citaĵoj, la tradukoj inkluditaj en tiu ĉi sekcio estas propraj de la vikicitaristo, kiu aldonis ilin.}

	« Torturo, kuraĝigita desupre, fariĝis fakto de la vivo [en okupita Irako]. Eble iu bona liberala apologiisto de Blair baldaŭ klarigos, kiel demokrata torturo estas multe pli bela ol aŭtoritata torturo. » — Tariq Ali

« Mi ankaŭ volus Dion, kiu ne permesus Inferon. Senfina torturo povas esti nur puno por senfina malbono kaj mi ne kredas ke senfina malbono povas esti dirita ekzisti eĉ en la kazo de Hitler. Cetere, se plej multaj homaj registaroj estas sufiĉe civilizitaj por provi forigi torturon kaj malpermesi kruelajn kaj nekutimajn punojn, ĉu ni povas atendi ion malpli de tute kompatema Dio? Mi sentas, ke se ekzistus postvivo, puno por malbono estus racia kaj kun limdato. Kaj mi sentas, ke la plej longa kaj plej malbona puno devas esti rezervita por tiuj, kiuj kalumnias Dion inventante Inferon. » — Isaac Asimov

	« Torturo estas sensenca perforto, naskita el timo... torturo kostas homajn vivojn sed ne savas ilin. » — Jean-Paul Sartre

	« La sola afero, kiun ni scias pri torturo, estas, ke ĝi neniam estis desegnita unue por atingi la efektivan veron de iu ajn; ĝi estis projektita en la plej malhelaj tagoj de la homa historio por produkti falsajn konfesojn por ekstermi politikajn kaj religiajn kontraŭulojn. Kaj tiel ĝi ĉiam funkcias: ĝi ricevas konfesojn sendepende de ilia precizeco. » — Andrew Sullivan

« Konstitucia respubliko dediĉita antaŭ ĉio al la protekto de libereco ne povas leĝigi torturon kaj resti konstitucia respubliko. Ĝi importas en si tumoron de pura tiraneco. »   « (angle) A constitutional republic dedicated before everything to the protection of liberty cannot legalize torture and remain a constitutional republic. It imports into itself a tumor of pure tyranny. » — Andrew Sullivan

	« Sekvu la voĉon de via koro, eĉ se ĝi kondukos vin for de la vojo de timemaj animoj. Ne fariĝu malmola kaj amara, eĉ se la vivo torturas vin kelkfoje. Nur unu afero gravas: vivi sian vivon bone kaj feliĉe... » — Wilhelm Reich

« [pri enketado kun torturado] Kaj oni komencis malkaŝi la veron. Se vi ne havas ŝnuregojn anstataŭ nervojn, do neniam iru apud loko kie estas malkaŝata la vero, kaj se vi tamen ne povas eviti ĝin, do hastu preteriri ĝin je la tempo, kiam tie okazas nuraj admonoj, do kruda insultado kaj vangofrapoj. Hastu preteriri, ĉar post unu minuto aŭdiĝos kriegoj, tiaj kriegoj ke ili preter viaj oreloj kvazaŭ akra segilo glitos laŭ via koro kaj por jardekoj restos en via memoro, kuru plej rapide, ĉar nun la enketistoj postulos vodkon kun salo, surverŝos la turmentitan per vergoj korpon de la pridemandata persono kaj komenciĝos novaj turmentoj. »   « И начали открывать истину. Если у вас не канаты вместо нервов, то не ходите никогда мимо того места, где открывается истина, а если вам уж нельзя миновать его, то спешите пройти в то время, когда там происходят одни только увещевания, то есть грубая брань и пощёчины. Спешите же пройти, а то ещё минута — и раздадутся вопли, такие вопли, что они, минуя ваши уши, как острая пила скользнут по вашему сердцу и на десятки лет останутся в вашей памяти, бегите скорее, а то сейчас следователи спросят водки с солью, польют истерзанное розгами тело допрашиваемого и начнутся новые истязания. » — Miĥail Znamenskij, Malaperintaj homoj [1872]

Ernesto Sábato

	« Kiam viroj volis imagi inferon, nenion alian ili kreis krom torturo. » — Ernesto Sábato

	« La imperativo ne torturi devas esti fakta, ne hipoteza; torturo estas absoluta malbono, ne relativa; ne ekzistas bonaj aŭ malbonaj torturoj. » — Ernesto Sábato