Laurent Jalabert

Laurent Jalabert
	; (2007) Irudi gehiago
Bizitza
Jaiotza	Mazamet, 1968ko azaroaren 30a (57 urte)
Herrialdea	Frantzia
Familia
Haurrideak	ikusi Nicolas Jalabert;
Hezkuntza
Hizkuntzak	frantsesa
Jarduerak
Jarduerak	txirrindularia eta color commentator (en)
	Parte-hartzailea Espainiako Vuelta ; 1997ko Frantziako Tourra ; 2000ko Udako Olinpiar Jokoak ; 1996ko Udako Olinpiar Jokoak ; 1992 UCI Road World Rankings (en) (8.); 1995 UCI Road World Rankings (en) (1.); 1996 UCI Road World Rankings (en) (1.); 1997 UCI Road World Rankings (en) (1.); 1998 UCI Road World Rankings (en) (2.); 1999 UCI Road World Rankings (en) (1.); 2000 UCI Road World Rankings (en) (8.); 1991 UCI Road World Cup (en) (2.); 1992 UCI Road World Cup (en) (5.); 1997 UCI Road World Cup (en) (5.); 1990 UCI Road World Rankings (en) (57.); 1991 UCI Road World Rankings (en) (16.); 1993 UCI Road World Rankings (en) (14.); 1994 UCI Road World Rankings (en) (16.); 2001 UCI Road World Rankings (en) (21.); 2002 UCI World Road Rankings (en) (14.) ;
Pisua	68 kilogramo
Altuera	176 zentimetro
Enplegatzailea(k)	RTL (en) ; France Télévisions
Jasotako sariak	ikusi Urrezko Bizikleta (1995) ;
	laurent-jalabert.com

Laurent Jalabert (Mazamet, Frantzia, 1968ko azaroak 30), Jaja ezizena zuena, frantses txirrindulari ohi bat da, 1995eko Espainiako Itzulia eta 1997ko Munduko erlojupeko txapelketa irabazi zituena. Garai guztietako frantziar txirrindularirik hoberenetakotzat hartzen da. Garaipenak lortzeko erraztasuna nabari zitzaion, baita bere lankidetza pelotoian eta bere erregulartasuna espezialitate guztietan ere.

2009an Frantziako txirrindularitza hautatzaile bihurtu zen.

Biografia

Profesional bezala 1989an debutatu zuen, Toshiba talde frantziarrean; hor, txirrindulari azkar eta klasikomano on gisa nabari izan zen, bigarren postua lortuta 1991ko Munduko Kopan.

1992an Manuel Saizek bere taldea zen ONCErako fitxatu zuen; talde horretan eman zuen lehen urtean, Munduko errepide txirrindularitzako txapelketan bigarren postu bat lortu zuen (Gianni Bugnoren atzetik), baita Frantziako Tourreko erregulartasunaren sailkapena ere, beste garaipen batzuen artean. Hurrengo urtean bere eboluzio bikainean segitu zuen eta hemezortzi garaipen lortu. 1994ko Espainiako Itzulian zazpi etapa garaipen eginik harritu zuen jendea, baina urte horretako Frantziako Tourrean gertatu zen Jalaberten ibilbidean mugarria izan gertakari bat. Zuhurtzia handirik erakutsi ez zuen frantziar polizia bat errepidera hurbildu zen txirrindulariari argazki bat ateratzeko, eta horrek ezin izan zuen polizia saihestu eta lurrera larriki erori zen: erorketa honek ia hortz guztiak galarazi zizkion, beste kalte batzuen artean.

Dirudienez, erorketa horrek Jalabert bikaina handitu zuen, eta lehiatzera itzuli zenean, 1995ean, Jalabertek 30 garaipen lortu zituen denboraldi ikusgarri batean, kopuruarengatik ez ezik, kalitatearengatik ere bai. Jalabertek urte horretan Espainiako Itzulia eta bertako bost etapa irabazi zituen, nazioarteko egutegiko beste ospe handiko zenbait garaipenez gain, ziur aski bere denboraldirik hoberenean.

Ordutik aurrera, lehen mailako txirrindulari oso bat bezala aldarrikatu zen, bere palmaresean Munduko erlojupeko txapelketa nabarmentzen delarik, profesional bezala eman zituen bere azken urteetan sendotu zen espezialitatea.

2001ean Manolo Saizekin harremana hautsi zuen bederatzi urte elkarrekin eman ondoren eta Bjarne Riisekin joan zen CSC taldera, non bere azken bi denboraldiak oso modu duinean igaro zituen, bi Tourretan mendiko sailkapena, lortuz, baita beste 24 garaipen ere.

2002 amaieran erretiratu zen, profesional bezala 176 garaipen lortuta.

1996ko Atlantako Olinpiar Jokoetan eta 2000ko Sidneyko Olinpiar Jokoetan parte hartu zuen.

Erretiratu ondoren

Erretiratu ondoren, Look bizikleta markaren aholkulari izatera pasa zen, baita frantziar telebistarako komentarista ere.

Kirolak bere bizitzaren zati izaten segitu zuen, eta New Yorkeko maratoia 2005ean, Londresko maratoia 2006an eta Bartzelonako maratoia 2007an egin zituen; hor, bere markarik hoberena lortu zuen: 2:45:52. Orain triatloian dabil, eta 2007ko ekainak 24an Zuricheko Ironmanean estreinatu zen, 21. amaitu eta proba horretako gogorrena eta ospetsuena den Hawaiiko ironmanerako sailkapena lortu zuen.

2007ko urriak 13an Hawaiiko ironmanean parte hartu zuen: 76. postu ikusgarrian amaitu zuen (12. 35 eta 39 urte arteko adin taldean) 1787 lehiakideren artean eta 9:19:58ko denbora egin, Chris McCormackgarailearengandik ordu bete pasatxora.

2009an Frantziako errepide txirrindularitzako hautatzaile bihurtu zen.

Palmaresa

1989

Armorikako Tourra eta etapa 1
Tour de Limousin

1990

Paris-Bourges, eta etapa 1
La Sartheko zirkuituko etapa 1

1991

1992

2. Munduko Txirrindularitza Txapelketan
Frantziako Tourreko etapa 1 eta puntukako sailkapena
3 etapa Setmana Catalanan
3 etapa Burgosko Itzulian
Etapa 1 Euskal Bizikletan
9. Milan-San Remon

1993

1994

7 etapa Espainiako Itzulian, eta puntukako sailkapena
etapa 1 Euskal Herriko Itzulian
etapa 1 Midi Libreren Sari Nagusian
etapa 1 Setmana Catalanan
10. Milan-San Remon

1995

4. Frantziako Tourrean, puntukako sailkapena eta etapa 1
Espainiako Vuelta, Mendiko sailkapena , Puntukako sailkapena eta 5 etapa
Paris-Niza, eta etapa 1
Kataluniako Itzulia, eta 2 etapa
Nazioarteko Kriteriuma, eta 2 etapa
etapa 1 Valentziako Itzulian
etapa 1 Mallorcako Itzulian
etapa 1 Galiziako Itzulian
etapa 1 Midi Libreren Sari Nagusian
Milan-San Remo
Udaberriko Klasikoa
Flèche Wallone
Week-End Ardenais
UCI Rankinga
Boucles de l'Aulne

1996

Espainiako Itzuliko puntukako sailkapena , eta 2 etapa
Valentziako Itzulia, eta etapa 1
Paris-Niza, eta etapa 1
Midi Libre, eta 2 etapa
Route du Sud
Etapa 1 Euskal Herriko Itzulian
Haribo klasikoa
Alpeetako Klasikoa
UCI Rankinga
2. Nafarroako Sari Nagusian
9. Lombardiako Giroan

1997

Munduko Erlojupeko txapelketa
Espainiako Itzuliko puntukako sailkapena , eta 2 etapa
Paris-Niza, eta 2 etapa
Burgosko Itzulia, eta etapa 1
Mallorcako Itzulia, eta etapa 1
Montjuïceko Igoera, eta 2 sektore
2. Euskal Herriko Itzulian eta 2 etapa
2. Gaztela eta Leongo Itzulian eta etapa 1
Lombardiako Giroa
Flèche Wallone
Milan-Turin
Route Adélie
UCI Rankinga
Boucles de l'Aulne

1998

Frantziako errepideko txirrindularitza txapelketa
2 etapa Asturiasko Itzulian
3 etapa Suitzako Itzulian
2. Euskal Herriko Itzulian eta 2 etapa
3. Euskal Bizikletan eta 2 etapa
Alpeetako Klasikoa
Haut-Varreko Tourra

1999

4. Italiako Giroan, puntukako sailkapena eta 3 etapa
Setmana Catalana, eta etapa 1
Euskal Herriko Itzulia, eta 2 etapa
Romandiako Tourra, eta 3 etapa
2. Suitzako Itzulian eta etapa 1
Ordiziako Klasika
UCI Rankinga

2000

2001

2 etapa Frantziako Tourrean, mendiko sailkapena eta lehiakortasunaren sailkapena
Donostiako Klasika
Polynormande

2002

Frantziako Tourreko mendiko sailkapena , eta lehiakortasunaren saria
etapa 1 Paris-Nizan
Donostiako Klasika
Haut-Varreko Tourra
CSC Classic
Agostoni Kopa
2. Fourmiesko Sari Nagusian

Sailkapen orokorra itzuli handietan

Itzuli Handia	1990	1991	1992	1993	1994	1995	1996	1997	1998	1999	2000	2001	2002
Italiako Giroa	—	—	UT	—	—	—	—	—	—	4	—	—	—
Frantziako Tourra	—	71	34	—	UT	4	UT	43	UT	—	54	19	42
Espainiako Vuelta	70	—	—	35	75	1	19	7	4	UT	—	—	—
Munduko Txapelketa	6	UT	2	15	—	—	7	11	—	—	UT	—	130
Munduko Erlojupeko Tx	—	—	—	—	—	—	—	1	—	—	UT	—	—

Legenda
—	Ez zuen parte hartu
DSK	Deskalifikatua
UT	Utzi

Taldeak

Bitxikeriak

Eddy Merckx eta Tony Romingerren ondoren Itzuli Handi bateko edizio batean sailkapen nagusia, mendiko sailkapena eta puntukako sailkapena irabazi zituen hirugarren txirrindularia izan zen. 1995eko Espainiako Itzulian lortu zuen.
Eddy Merckx, Djamolidine Abdoujaparov eta Alessandro Petacchirekin batera, hiru Itzuli Handietan (Espainiako Itzulia, Italiako Giroa eta Frantziako Tourra) puntukako sailkapena irabazi duten lau txirrindulari bakarrak dira.
Haren anaia gazteena Nicolas Jalabert ere txirrindulari profesionala da.

Aitorpenak

Urrezko Bizikleta (1995)
- 2. Urrezko Bizikletan (1997)
Frantziako Urrezko Bizikleta (1992, 1995, 2002)
- 2. Frantziako Urrezko Bizikletan (2001)
- 3. Frantziako Urrezko Bizikletan (1997, 1999)
Urrezko Mendrisioa (1995)

Kanpo estekak

(Frantsesez)Webgune ofiziala

Datuak: Q13485
Multimedia: Laurent Jalabert / Q13485

Aurrekoa
Tony Rominger

Espainiako Vueltako garailea
1995

Ondorengoa
Alex Zülle