Louis Valtat

Louis Valtat
	; Irudi gehiago
Bizitza
Jaiotza	Dieppe, 1869ko abuztuaren 8a
Herrialdea	Frantzia
Bizilekua	Versailles
Heriotza	Paris, 1952ko urtarrilaren 2a (82 urte)
Familia
Ezkontidea(k)	Suzanne Valtat (en)
Hezkuntza
Heziketa	Arte Ederren Goi Eskola Nazionala ; Académie Julian (en) ; Lycée Hoche (en)
Hizkuntzak	frantsesa
Irakaslea(k)	Jules Joseph Lefebvre
Jarduerak
Jarduerak	margolaria, grabatzailea eta marrazkilaria
Lantokia(k)	Amsterdam
Lan nabarmenak	ikusi Q17491428 ; Q17491595 ; Q17493777 ;
Jasotako sariak	ikusi Ohorezko Legioko zalduna (1927) ;
Mugimendua	fauvismoa; postinpresionismoa
Genero artistikoa	erretratua; paisaia margolaritza
	valtat.com

Louis Valtat (Dieppe, 1869ko abuztuaren 8a – Paris, 1952ko urtarrilaren 2a) frantziar margolari eta grabatzailea izan zen.

Valtat Normandian jaio zen, ontzigile aberatsen familia batean, eta haurtzaroa Versaillesen eman zuen, non arteaz interesatu baitzen. 1887an Parisera joan zen École des Beaux-Arts-en ikastera. Académie Julianen ere ikasi zuen eta Maurice Denis, Pierre Bonnard eta Édouard Vuillarden lagun egin zen. 1890. urtean estudio bat ireki zuen Parisen eta 1893. urtean erakutsi zuen lehen aldiz Artista Independenteen Aretoan. Garai honetako margolanetan inpresionismoaren argia eta puntillismoaren kolore puntuak ikus daitezke.

Valtatek 1894an Henri Toulouse-Lautrecekin lan egin zuen antzerki-dekoratuak egiteko. Tuberkulosiak jota, neguak Mediterraneoko kostaldean igaro zituen eta Henri Matisse eta Paul Signacen laguna izan zen. Valtatek kolorearen erabilera areagotu zuen eta fauvismora hurbildu zen, baina taldeko kide izatera iritsi gabe. Bere lanen motiboetan loreak, paisaiak, bizitza garaikideko eszenak eta grabatuak zeuden.