Piirissaar

Piirissaar
Piirissaar
Datu orokorrak
Altitudea	4,2 m
Mota	Aintzira-uhartea
Azalera	7,8 km²
Geografia
Koordenatuak	58°22′30″N 27°30′30″E / 58.375°N 27.5083°E
Herrialdea	Estonia
Konderri	Tartu konderria
Landa-udalerria	Tartu landa-udalerria
Ur-gorputza	Peipus

Piirissaar (antzina Borka, errusieraz: Пийриссаар, Пийрисар, Желачек, Межа, Порка, translit.: Piirissaar, Piirisar, Zhelatxek, Mezha, Porka^[1], alemanez: Porka) Peipus aintziran dagoen Estoniako uharte bat da. Uhartea Tartuko konderrian dago eta izen bereko landa-udalerriaren administraziopean dago 2017az geroztik, Estoniako administrazioaren berrantolaketaren ondoren.^[2] 2017ko lurralde-erreformaren aurretik, uharteak Piirissaare landa-udalerria osatzen zuen.

Uharteak 7,5 km²-ko azalera du eta Estoniako hamabigarren uharterik handiena da. Nolanahi ere, Peipsi aintzirako uharterik handiena da. Herrialdearen ekialdean kokatuta, Estonia eta Errusia arteko mugatik hurbil dago.

Uhartean hiru herrixka daude: Piiri, Saare eta Tooni. Biztanleriak nabarmen egin du behera, 1920ean 700 biztanle inguru izatetik 2006an 86 lagun izatera pasa zen. Uharteko biztanleen jarduera ekonomiko nagusiak arrantza eta tipula-laborantza dira.

Erakargarri turistikoak

Arkitekturari dagokionean, uharteko erakargarri turistiko nagusiak Tooni herrixkako Piirissaareko San Petri eta San Paulo eliza ortodoxoa (estonieraz: Piirissaare Peeter-Pauli kirik) eta Saare herrixkako Piirissaareko Sinestun Zaharren otoitz-etxea (estonieraz: Piirissaare vanausuliste palvemaja) dira.