Lev Trockji
Lev Davidovič Trockij (par rus Лев Давидович Троцкий, par solit trasliterât ancje come Trotsky o Trockij; nassût col non di Lev Davidovič Bronštejn ai 7 di novembar dal 1879 – muart ai 21 di avost dal 1940) e fo un politic, rivoluzionari e teoretic marxist rus e sovietic.
Personaç di prin nivel tal svolgiment de Rivoluzion russe, al fo il cjâf dal Soviet di Petrograd tal cors de Rivoluzion di otubar dal 1917. In tal prin guvier bolscevic al fo Comissari dal Popul par i Afârs Forescj (firmant la Pâs di Brest-Litovsk) e, soredut, Comissari par la Vuere, deventant il fondatôr e il cjâf de Armade Rosse in te Vuere civîl russe.
Dopo de muart di Lenin, al fo mitût in bande e slontanât politicamenti par man di Iosif Stalin, costrinzût al esili e in ultim copât par ordin dal regjim stalinist in Messic.
Biografie
[cambie | modifiche il codiç]I prins agns e la azion rivoluzionarie
[cambie | modifiche il codiç]Nassût in Ucraine intune famee di ebreos benestants , al aderîs a lis ideis di Karl Marx daspo' il sô trasferiment a Nikolaev tal 1896. Par vie de so ativitât politiche, al fo narestât dal guvier zariste, mandât in Siberie e costret a scjampâ tal forest cul non fint di "Trockij" (che al jere il non di un so carcerîr a Odessa).
Tal 1905, al inizi de prime rivoluzion russe, al torne in Russie e al fo elet cjâf dal Soviet di Petrograd. Cuant che la rivoluzion e colà, al fo inarestât dal gnûf ma al rivà a scjampâ un'altre volte tal forest, vivint in Europe e tai Stâts Unîts di Americhe.
Il 1917 e la Vuere civîl
[cambie | modifiche il codiç]In tal Mai dal 1917, cul rivament de Rivoluzion di fevrâr, al tornà in Russie. Ancje se in passât al veve vût b discussion cuns Lenin, al entrà tal Partît Bolscevic e al devente un dai principâi protagoniscj de insurezion armade de Rivoluzion di Otubar.
Cuant che la vuere civîl tache tal 1918, Lenin al assegne a Trockij il comant des fuarcis armadis. Cun mût fèr e une discipline di fiar, Trockij al transforme un grup di volontaris disorganizâts intune machine di vuere potente (l'Armade Rosse) che e rivà a scunfîgi i Blancs e a salvâ il guvier bolscevic.
La lotte cun la burocrazie e l'esili
[cambie | modifiche il codiç]Cun la malatie e la muart di Lenin tal 1924, Trockij al deventà il cjâf de "Oposizion di cjampe" cuintri de linie di Stalin. Trockij al sostignîve la teorie de "Rivoluzion permanente" (la linie che il socialisim in Russie no al varès podût tignî cence la rivoluzion tal rest de Europe), intant che Stalin al proponeve le idee dal "Socialism intun sôl Paîs". Il scuintri cun la linie puartade indenant da Stalin rive al sô colm, Stalin, par mieç de burocrazie dal Partît, al cjapà dut il podê: tal 1927 Trockij al fo slontanât dal Partît,mitût in bande , e tal 1929 esiliât de URSS e tal 1932 privât de citadinanze sovietiche.
La muart in Messic
[cambie | modifiche il codiç]Ancje se esiliât, Trockij al continue a scontrâsi cuintri Stalin, fondant la Cuarte Internazionâl tal 1938. Si stabilîs cun la sô femine a Citât dal Messic, dulâ al jere stât invitât de pitore Frida Kahlo e dal sô om ,il pitôr muralist Diego Rivera.In te sô cjase messicane , Trockji al lavore a une "Quarte Iternazionâl" cuintri la "Tiarce Internazionâl" di Stalin , al ven visitât da amiradôrs come Andre' Breton , al lavorave ai sô scrits.Il 24 di Mai dal 1940 Trockji al scjampe a un atentât de bande di un grup di oms sostenitôrs di Stalin , comandâts dal pitôr muraliste David Alfaro Siqueiros sostenidôr dal URSS. Ancje se al viveve protèt , ai 20 di avost dal 1940, un agent de polizie segrete sovietiche (NKVD), il spagnûl Ramón Mercader, al entrà in de so cjase e al colpìs Trockij tal cjâf cuntun pichèt par la glace. Trockij al mûr le dì daspo'. Daspo' jessi scjampât , Mercader al ven arestât. Al sarâ condanât a vincj agns di preson , ma al sarâ liberât , par cjatâ ospitalitât a Cuba. Il guviâr messican al pense ai funerâi , che al viôt une grande partecipazion di citadins. Al ven soterât dongje cjase sô tal Messic e le sô cjase divignarâ un museu.
Judizi storîc
[cambie | modifiche il codiç]Il judizi storîc parsore Trockji al sara' vonde bon in dut il mont , soredût da personalitâts no comunistis par la sô oposizion a Stalin , ma al reste criticât dai sostenitôrs dal anarchisim e dai libertaris par vie dal intervent militâr cuintri le revuelte di Kronštadt. In pôs si ricuardin de sô oposizion cuintri le Massonerie
Opris principâls
[cambie | modifiche il codiç]- La me vite (Autobiografie)
- Storie de Rivoluzion russe
- La Rivoluzion tradide
