Pikachu

Pikachu (non origjinâl gjaponês: ピカチュウ Pikachū) al è un Pokémon de prime gjenerazion, mascotte dal franchise gjaponês Pokémon di Game Freak Inc. e Nintendo. Al è di tip Electric (ven a stâi eletric) e il so numar identificatîf tal Pokédex al è 0025. Tai media dal franchise, Pikachu al evoluzione di Pichu rivant a un specific nivel di felicitât e daspò al si evoluzione ancjemò in Raichu cuant che il zuiadôr al dopre su di lui l’imprest Thunder Stone (a la letare Piere dal Ton).

Pikachu (a çampe) cun la sô pre-evoluzion Pichu intun Game-Boy Color personalizât.

Ideât dal team di designer de Game Freak (di une idee di Atsuko Nishida), Pikachu al fa la sô prime aparizion tal 1996 tai videozûcs Pokémon Red e Pokémon Blue e al si cjate in cuasi ducj i videozûcs de serie. Daspò di jessi stât sielzût tant che personaç principâl de serie animade Pokémon in bande al uman Ash Ketchum, al è diventât la mascotte uficiâl dal franchise. Al è presint in ducj i film dai Pokémon, tal Pokémon Trading Card Game (il zûc di cjartis colezionabils uficiâl), dulà che al è il Pokémon plui rapresentât in assolût, e in diviers mangas derivâts de serie. Al è par prionte protagonist di doi videozûcs de serie principâl Pokémon Yellow e Pokémon: Let's Go, Pikachu! e trê spin-offs (Pokémon Dash, Hey You, Pikachu! ePokéPark Wii: Pikachu's Adventure).

Etimologjie

Il non Pikachu al è la union di dôs onomatopeis in gjaponês: ピカピカ pikapika (sun di une lusigne eletriche) e チューチュー chūchū (sun che al rapresente une glatide, la vôs des surîs, bestie che e je stade di ispirazion per realizazion dal Pokémon).

No cate la someance, al è stât confermât che il non nol derive dai Pikas, roditôrs americans.