Talêt
| Talêt di Milêt | |
|---|---|
 Incision del 1880 che rapresente Talêt |
|
| Nazionalitât | Grêche |
| Date di nassite | 624 a.C. circa |
| Lûc di nassite | Milêt, Grecie antighe |
| Date de muart | 546 a.C. circa |
| Lûc de muart | Milêt, Grecie antighe |
| Attivitât / Tipologie | Filosof, matematic e astronom |
| Oparis principâls | Teorem di Talêt, Teorem di Talêt (gjeometrie elementâr), Scuele miletiche |
| Notis | Considerât il prin filosof de tradizion ocidentâl e un dai Siet Savîs de Grecie |
Talêt (cognossût ancje come Talêt di Milet; in grêc antîc: Θαλῆς, Thalês; nassût viers il 624 p.d.C. a Milet – muart viers il 546 p.d.C. a Milet) al è stât un filosof, astronom e matematic grêc antîc. Al è considerât un dai ‘‘‘Siet savis de Grecie’’’ e, daur di chel che al dîs Aristotel, il prin filosof de storie de civiltât ocidentâl. Al à vût il grant merit di jessi stât il prin a cirî di spiegâ il mont e i fenomens naturâi cence doprâ la mitologjie, ma doprant le rèson e le oservazion.
Biografie e Pinsîr
[cambie | modifiche il codiç]
Talêt al è nassût a Milet, une impuartante colonie greche su la cueste dal Ioni (in chê che vuê e je la Turchie). De sô vite no si sa cuissà ce di sigûr, ma lis testemoneancis antighis a contin ch'al jere un om di grande culture e ch'al à fat diviers viaçs in Egjit e a Babilonie, dulà ch'al à podût imparâ lis primis nozions di matematiche e di astronomie.
In te sô vision filosofiche, Talêt al à cirît il principi origjinari (archè) di dutis lis robis, o ben l'element fondamentâl di dulà che dut al nâs e al torne. Al à identificât chest principi te aghe, sostignint che la aghe e je la fonde de vite e che la Tiere e sta in ecuilibri parsore dal ocean.
In plui de filosofie, Talêt al è innomenât pe sience. In matematiche, il so non al è leât a un impuartant teoreme di gjeometrie su lis liniis paralelis e su lis proporzions dai trianguls. In astronomie, al à puartât in Grecie lis cognossincis orientâls e al è famôs soredut par vê previodût cun precision une eclìs di soreli (probabilmentri chê dai 28 di Mai dal 585 p.d.C.).
Oparis
[cambie | modifiche il codiç]Di Talêt no je rivade fin a nô nissune opare scrite, e nol è nancje sigûr che lui al vedi mai butât jù alc par scrit. Dutis lis informazions sul so cont, sul so pensîr e su lis sôs scuviertis a vegnin di autôrs vignûts plui tart, soredut Aristotil, Erodut, Proclu e Diogene Laerzi. Lis sôs ideis a àn fat di fonde pe scuele filosofiche di Milet, purtade indevant dai siei scuelârs Anassimandri e Anassimene.
