Obed
| Obed | ||
 | ||
| Obed as poppe ôfbylde troch Michelangelo yn 'e Sixtynske Kapel | ||
| Persoanlike gegevens | ||
| folk | Israeliten (stamme fan Juda) | |
| Famylje | ||
| heit | Boäz | |
| mem | Ruth | |
| bern | Isaï | |
| Bibelske rol | ||
| perioade | 11e iuw f.Kr. | |
| bekend fan | pake fan David, soan fan Ruth en Boäz; treast foar Noömy | |
| neamd yn | Ruth 4; 1 Kroniken 2:12; Mattéus 1:5; Lukas 3:32 | |
| religieuze tradysje | joadedom; kristendom | |
Obed (Hebriuwsk: עוֹבֵד) is in bibelsk persoan út it Alde Testamint. Hy is foaral bekend as de soan fan Boäz en de Moäbityske Ruth. Obed wurdt yn 'e Bibel neamd as de heit fan Isaï en de pake fan kening David.
It ferhaal fan Obed
[bewurkje seksje | boarne bewurkje]Obed waard berne yn Betlehim út it houlik fan Boäz en Ruth. Syn berte wie in wichtich momint yn it boek Ruth, om't it de fuortsetting fan 'e famyljeline fan Elimêlek betsjutte, de ferstoarne man fan Noömy. Doe't Obed berne waard, seinen de froulju fan Betlehim tsjin Naomi dat it bern har wer fleur yn it libben jaan soe en har op har âlde dei fersoargje soe. Noömy naam it bern op har skurte en brocht him fierder op as wie it har eigen. De buorfroulju joegen him de namme Obed.
Betsjutting en stambeam
[bewurkje seksje | boarne bewurkje]De namme Obed betsjut "tsjinner" of "hy dy't oanbidt". Syn histoaryske en teologyske betsjutting leit benammen yn syn plak yn 'e stambeam fan 'e Israelityske keningen. As de pake fan kening David is Obed in streekrjochte foarfaar fan 'e messiaanske line. Yn it Nije Testamint wurdt syn namme dan ek neamd yn 'e stambeam fan Jezus, lykas dy te finen is yn it Evangeelje fan Mattéus (1:5) en it Evangeelje fan Lukas (3:32).
| Boarnen, noaten en/as referinsjes: | ||
|
It ferhaal fan 'e berte fan Obed stiet beskreaun yn Ruth 4:13-22. Syn namme komt ek foar yn 'e stambeam fan 1 Kroniken 2:12 en yn 'e evangeeljes fan Mattéus en Lukas.
|
