Friedrich Fröbel

Friedrich Fröbel
Biografía
Nacemento	21 de abril de 1782 ; Oberweißbach
Morte	21 de xuño de 1852 (70 anos); Marienthal
Lugar de sepultura	Cemetery Schweina (en)
Relixión	Luteranismo e reformed (en)
Educación	Universidade de Jena
Actividade
Ocupación	pedagogo, escritor, mestre, escritor de non ficción, futbolista
Profesores	Johann Heinrich Pestalozzi
Deporte	fútbol
Obra
Arquivos en	Staatsbibliothek zu Berlin ; Friedrich Fröbel Museum (en) ; archive of the Research Library for the History of Education (en) ; Bibliothek für Bildungsgeschichtliche Forschung ;
Familia
Cónxuxe	Luise Fröbel
Pais	Johann Jakob Fröbel e Jakobine Eleonore Friderika Hoffmann
Irmáns	Carl Poppo Fröbel; Johann August Gotthelf Fröbel; Johann Michael Christoph Fröbel; Johann Christian Ludwig Fröbel; Juliana Dorothea Wilhelmine Fröbel; Johann Friedrich Traugott Fröbel; Johanna Sophie Carolina Fröbel
Descrito pola fonte	Hamburgische Biografie; Allgemeine Deutsche Biographie; Dicionario Enciclopédico Brockhaus e Efron

Friedrich Wilhelm August Fröbel, nado en Oberweissbach (Turinxia) o 21 de abril de 1782 e finado en Marientha o 21 de xuño de 1852, foi un pedagogo alemán. Foi o creador da educación preescolar e do concepto de xardín de infancia. É coñecido como o "pedagogo do Romanticismo".

Traxectoria

Froebel pasou a infancia xunto ao seu pai e a súa pouco benévola madrasta. Ao cabo dunha estanza de cinco anos na casa dun tío, empezou aos quince a traballar cun inspector forestal e dedicouse, como autodidacta e de xeito desordeado, ao cultivo de varias ciencias: cartografía, matemáticas, botánica, arquitectura, contabilidade e agrimensura.

Descubriu a súa vocación polo maxisterio en 1805, nunha escola secundaria de Frankfurt onde se decatou das novidosas ideas pedagóxicas de Pestalozzi. Máis tarde traballou con el en Suíza, onde desenvolveu a súa teoría educativa. Dende 1806 Fröbel foi o mestre e preceptor dos tres fillos dunha familia nobre de Frankfurt.

Creou o termo «xardín de infancia» (en alemán, Kindergarten), centrando a súa actividade en animar o crecemento mental natural dos pequenos a través da actividade e o xogo. Para isto, creou material didáctico específico para nenos, ós que chamou "dones", e se preocupou da formación das nais, convencido da grande importancia destas no crecemento dos suxeitos. O neno é considerado o principal protagonista da súa propia educación. Estableceu o seu primeiro xardín en Bad Blankenburg en 1837. Pretendía que nestes xardíns de infancia o neno:

xogase ó aire libre en contacto permanente coa natureza.
rexeitase todo tipo de coacción e autoritarismo por parte do educador.
busque unha educación integral entre a da escola e a familia.

Cando xa publicara sete libros, en 1826 resumiu as súas ideas no libro Die erziehenden Familien.

Legado

Frank Lloyd Wright declarou estar influenciado por Fröbel.
En Pontevedra hai un colexio de ensino primario que leva o seu nome.