Fritz the Cat é unha tira cómica creada por Robert Crumb. Ambientada nunha cidade de animais antropomorfos, a tira céntrase en Fitz, un gato artista que frecuentemente anda en aventuras salvaxes moitas veces envolto en asuntos sexuais. Crumb empezou a debuxar este personaxe de novo na súa casa, e tornouse na súa máis famosa creación.
A tira apareceu nas revistas Help! e Cavalier. Logo gañaría fama en publicación asociadas coa escena do cómic underground entre 1965 e 1972, sendo un dos seus máximos expoñentes.
A tira obtivo aínda máis fama cando se fixo unha película, no debut como director do animador Ralph Bakshi. Foi o primeiro filme de animación en recibir a clasificación X nos Estados Unidos, e o maior éxito do cine independente animado até a data.
Crumb deixou a tira en 1972 tras discrepancias cos realizadores. Publicou unha historia onde Fritz era asasinado por unha ex-moza. Un segundo filme, The Nine Lives of Fritz the Cat, foi feito en 1974, pero sen a implicación nin de Bakshi nin de Crumb.
