Henrietta Barnett
  | |
| Biografía | |
|---|---|
| Nacemento | 4 de maio de 1851 Clapham |
| Morte | 10 de xuño de 1936 (85 anos) Hampstead Garden Suburb |
| Causa da morte | doenza |
| Actividade | |
| Campo de traballo | Filantropía, práctica pedagóxica e Traballo social |
| Ocupación | escritora, pedagoga, urbanista, asistente social |
| Familia | |
| Cónxuxe | Samuel Augustus Barnett (1873–) |
| Premios | |
| Descrito pola fonte | A Historical Dictionary of British Women, (p.34) |
 | |
Henrietta Octavia Weston Barnett, nada o 4 de maio de 1851 e finada o 10 de xuño de 1936, foi unha reformadora social, pedagoga e escritora inglesa. Ela e o seu marido, Samuel Augustus Barnett, fundaron a primeira "universidade popular" en Toynbee Hall (no East End de Londres) en 1884. Tamén traballaron para establecer o modelo Hampstead Garden Suburb a principios do século XX.[1]
En 1884, os Barnett fundaron (e comezaron a vivir en) Toynbee Hall, unha pioneira colonia universitaria que recibiu o nome do distinguido historiador Arnold Toynbee,[2] recentemente falecido, quen avogara pola educación das clases traballadoras e a redución da división entre as clases sociais. En 1897, grazas aos esforzos dos Barnett, comezaron as exposicións anuais de préstamos de belas artes na próxima Galería Whitechapel. En 1903, Richard Tawney comezou a traballar con eles, co Children's Country Holiday Fund e coa Workers' Educational Association. William Beveridge e Clement Attlee tamén traballaron cos Barnett ao comezo das súas carreiras. Unha visita a Toynbee Hall inspirou a Jane Addams a fundar Hull House en Chicago.[3]
Notas
[editar | editar a fonte]- ↑ Arias Laurino, Daniela; Muxí Martínez, Zaida (2024). "Mujeres y paisaje. Recorridos por una práctica holística y el caso de Cataluña". Feminismo/s (44): 77–100. ISSN 1989-9998.
- ↑ "Barnett, Dame Henrietta Octavia Weston (1851–1936)". Oxford University Press. 2018-02-06.
- ↑ Diego, Carmen Verde (2021-10-28). "Jane Addams: origen del Trabajo social antiopresivo y reformista". European Journal of Pragmatism and American Philosophy XIII (2). ISSN 2036-4091. doi:10.4000/ejpap.2602.
