Jeju

Jeju
Nome orixinal     제주도 (ko)  Nome oficial 제주특별자치도 (ko) dende 2006 제주도 (ko) ata 2006
Instancia de provincia especial autónoma de Corea do Sur
Características  Lingua usada Lingua jeju lingua coreana
Implicados  Xefe do goberno Cargo: Gobernador de Jeju  Órgano lexislativo concello de Jeju  Órgano executivo goberno provincial de Jeju  Ten en propiedade Jeju Baseball Stadium (en)
Localización  Situado en  Corea do Sur  Capital Jeju  Contén división administrativa Jeju Seogwipo  Irmandado con Santa Rosa  OpenStreetMap  Coordenadas 33°22′00″N 126°32′00″L
Cifras e dimensións  Poboación 676.375 (2022) censo 670.837 (2024) censo  Anchura    31 km  Lonxitude    73 km  Superficie    1.848 km²  Altitude    1.950 m  Punto máis alto    1.947,06 m Halla-san  Fuso horario    UTC+09:00
Fontes e ligazóns OpenStreetMap 2398560 Freebase /m/01rffr  Páxina WEB jeju.go.kr  Descrito pola fonte Nordisk familjebok Meyers Konversations-Lexikon, 4ª edición (1885–1890)  Tema: Q116815697
Wikidata C:Commons

Jeju (Jeju-do en coreano) é a provincia máis pequena de Corea do Sur. O seu territorio coincide co da illa de maior tamaño do país, a illa de Jeju, e atópase no estreito de Corea, ao suroeste da provincia de Jeolla do Sur, da cal formou parte ata 1946. A súa capital é Jeju (en coreano, Jeju-se).

Nomes

Ao longo da historia, a illa recibiu diferentes nomes, como:

• Doi (島夷).
• Dongyeongju (東瀛州).
• Juho (州胡).
• Tammora (耽牟羅).
• Seopra (羅).
• Takra (竣羅).
• Tamra (耽羅).

Historia natural

A illa de Jeju, coñecida antigamente en Occidente como illa de Quelpart, é unha illa volcánica, dominada polo monte Halla, un volcán extinguido de 1950 m de altura, que é o pico máis alto de Corea do Sur.

A illa formouse fai centos de millóns de anos, como consecuencia de erupciones volcánicas, e componse fundamentalmente de basalto e de lava. Ten un clima subtropical, máis cálido que o do resto de Corea, no que se distinguen catro estacións; parte do verán é chuviosa, e o inverno é moi seco.

Historia

Fervenza en Jeju

Este territorio foi un país independente, coñecido como Tamna, ata o ano 662, no que pasou a formar parte do protectorado de Silla. En 938, logo da caída de Silla, Tamna convértese nun protectorado de Goryeo. En 1105, Tamna perde a súa autonomía, e convértese en provincia de Goryeo. O rei Euijong de Goryeo cambiou o nome da illa de Tamna por Jeju.

En 1271, Jeju foi a base da rebelión de Sambyeolcho contra os mongois; Sambyeolcho foi derrotado en 1273, e Jeju non volveu ser parte de Goryeo ata 1367.

Cando Corea foi colonizada polo Xapón en 1910, Jeju denominouse Saishu, que é a forma de ler en xaponés os caracteres hanja da palabra Jeju. Logo da derrota dos xaponeses, Jeju converteuse oficialmente en parte da nova República de Corea, formando parte da provincia de Jeolla do Sur ata 1946, en que se transformou nunha nova provincia.

No período entre o 3 de abril de 1948 e o 21 de setembro de 1954, estando o goberno de Corea do Sur baixo supervisión estadounidense, producíronse unha serie de revoltas, pola actuación do exército rebelde e a represión gobernamental, que deron lugar á morte de varias decenas de miles de persoas. Estes sucesos coñécense como a Insurrección de Jeju.

Sociedade e cultura

Na illa de Jeju, existen características culturais que distinguen á súa poboación do resto de Corea, probablemente debidas ao illamento xeográfico. Así, existen miles de lendas locais. Os harubang ("avós de pedra") son o distintivo cultural máis claro; trátase de esculturas en bloques de lava.

Harubang

Paisaxe de Jeju

Lagos en cráteres en Jeju

Outro aspecto distintivo da provincia de Jeju é a estrutura matriarcal das familias, sobre todo en Udo e en Mara, aínda que tamén presente no resto da provincia. O mellor exemplo que se coñece é o das haenyo, (??, literalmente mulleres do mar), quen se gañan a vida mergullando a pulmón para pescar moluscos, como os abulones (familia Hallotidae, da clase Gasterópoda) e as cunchas (familia Strombidae), entre outros produtos.

División administrativa

Jeju divídese en 2 cidades (Se ou Shi) e en 2 condados (Gun). Á súa vez, as dúas cidades divídense en 31 barrios (Dong) e os dous condados divídense en sete vilas (Eup) e en cinco distritos (Myeon). Ademais, as vilas e distritos están divididos en 551 pobos (Ri). A continuación, enuméranse os nomes en alfabeto latino, Hangul e Hanja.

Cidades

• Jeju 濟州市-a capital da provincia).
• Seogwipo (西歸浦市).

Condados

• Condado de Jeju do Norte ("Bukjeju"(北濟州郡).
• Condado de Jeju do Sur ("Namjeju"(南濟州郡).

En 2005, os residentes de Jeju aprobaron por referendo unha proposta para unir todas estas entidades nunha soa, que sería directamente administrada polo goberno provincial, como parte do plan para crear a Cidade Internacional Libre de Jeju.

Símbolos

• Flor provincial: rododendro (Rhododendron weyrichiii, do xénero Rhododendron).
• Árbore provincial: alcanforeira (Cinnamomum camphora siebold, da familia Lauraceae).
• Paxaro provincial: peto (Dendrocopos leucotos quelpartensis, da familia Picidae).

Economía

O orzamento para 2006 é de 1,11 billóns de dólares (1,11 trillóns de won), o que supón un 10% máis que o do ano anterior. Estímase que o produto interior bruto para 2006 será de 8,48 billóns de dólares (8,48 trillóns de won), cunha renda per cápita duns 15000 dólares.

Provincias irmandadas

Jeju atópase irmandada con outras provincias insulares:

• Hainan (República Popular da China).
• Hawai (EEUU).
• Sakhalin (Rusia).
• Balí (Indonesia).