Palmeira de abano mexicana

	Nome taxon Washingtonia robusta ; Hermann Wendland
	Nome curto W. robusta (mul)

Palmeira de abano mexicana
	Nome taxon Washingtonia robusta ; Hermann Wendland
	Nome curto W. robusta (mul)
	Instancia de taxon
	Categoría taxonómica especie
	Conservación Especie pouco preocupante
Clasificación taxonómica
Reino	Plantae
Orde	Arecales
Familia	Arecaceae
Xénero	Washingtonia
Especie	Washingtonia robusta ; H.Wendl. Washingtonia robusta
Localización
	Área de distribución Fujian; Provincia de Cantón
Freebase
Fontes e ligazóns
Freebase
Freebase	/m/0732sq
ITIS	42515
OTT	122453
UICN	58410979
CoL	5BV46
EOL	1127833
WFO	wfo-0000333916
	Descrito pola fonte Flora Reipublicae Popularis Sinicae, volume 13(1) (en) ; Páxina(s): 34
	Wikidata G:Commons C:Commons

A palmeira de abano mexicana (Washingtonia robusta) é unha especie de palmeira pertencente á familia Arecaceae. Atopamos algúns exemplares illados ornamentais en Galiza, especialmente en pazos e xardinaxe urbana.

Descrición

É unha palmeira da familia das aceráceas, cun toro rexo, esvelto e simple de até 35 metros de altura, engrosado na base, revestido polos restos das follas xa secas que forman un característico aditamento, aínda que desaparece co tempo.

Presenta follas en abano, con fíos brancos e longos cando é nova, que desaparecen coa idade, divididas case até a metade, con segmentos pendentes, con pecíolos longos de bordos espiñentos. Inflorescencia na base das follas inferiores, ramificada e pénsil. Froitos esféricos, numerosos, de cor negra de 0.5 cm de diámetro.

É unha especie moi variábel por mor a que posibelmente hibrida coa palmeira de California (Washingtonia filifera) dando lugar a exemplares de características intermedias.

Distribución

É unha palmeira orixinaria do sur da península da Baixa California, México, onde medra en abundancia en cavorcos e canóns con auga corrente, aínda que de xeito esporádico se atopa tamén na metade da mesma península e algúns sitios de Sonora.

Cultivo e usos

Mentres que Washingtonia filifera resiste mellor as xeadas e se adapta mellor aos climas de interior; Washingtonia robusta adáptase mellor a solos arxilosos e húmidos, mais se ten cultivado no suroeste de Estados Unidos, California, Arizona, sur de Nevada, e sur de Novo México. Tamén ao longo da costa do golfo de México desde Texas e Luisiana até a Florida, incluso na cidade de México. En España é común ao londo da costa mediterránea, con bos exemplares esveltos en Sevilla, Málaga e Barcelona. En Galiza non é moi común, aínda que pode aturar o clima da costa.

Exemplares senlleiros en Galiza

As palmeiras de abano mexicanas do Pazo de Santa Cruz, en Vedra (A Coruña), figuran no catálogo de árbores senlleiras de Galicia, elaborado pola Xunta de Galicia.