Brittney Griner
.jpg) Griner með Phoenix Mercury árið 2019 | |
| Nr. 42 – Connecticut Sun | |
|---|---|
| Leikstaða | Miðherji |
| Deild | WNBA |
| Persónulegar upplýsingar | |
| Fæðingardagur | 18. október 1990 Houston, Texas, Bandaríkin |
| Hæð | 206 cm (6 ft 9 in) |
| Þyngd | 99 kg (218 lb) |
| Körfuboltaferill | |
| Háskólalið | Baylor (2009–2013) |
| Landslið |  Bandaríkin |
| WNBA | 2013: 1. umferð, 1. valréttur |
| Valin af Phoenix Mercury | |
| Ár í mfl. | 2013–nú |
| Liðsferill | |
| 2013–2024 | Phoenix Mercury |
| 2013–2014 | Zhejiang Golden Bulls |
| 2014–2015 | Beijing Great Wall |
| 2015–2022 | UMMC Ekaterinburg |
| 2025 | Atlanta Dream |
| 2026–nú | Connecticut Sun |
| Tölfræði á Basketball Reference | |
Brittney Griner (fædd 18. október 1990) er bandarísk körfuknattleikskona sem er þekktust fyrir veru sína í WNBA þar sem hún varð meistari árið 2014. Hún vann gullverðlaun á ólympíuleikunum í Ríó de Janerio 2016, í Tókýó 2020 og í París 2020 með bandaríska landsliðinu. Hún vakti heimsathygli þegar hún var handtekin á Sheremetjevo-flugvelli í Moskvu fyrir vörslu fíkniefna.
Æviágrip
[breyta | breyta frumkóða]Griner spilaði með Baylor háskóla þar sem hún stýrði liði skólans, Lady Bears, til sigurs í NCAA háskóladeildinni árið 2012.
Griner var valin fyrst í nýliðavali ársins 2013 af Phoenix Mercury. Síðan þá hefur hún verið lykilmaður hjá Mercury og er alltaf á meðal þeirra leikmanna sem taka flestu fráköstin og verja flest skot. Hún vann WNBA titilinn árið 2014 með liðinu og var valin varnarmaður ársins það ár og árið 2015.
Varðhald í Rússlandi
[breyta | breyta frumkóða]Þann 17. febrúar 2022 var Brittney handtekin á Sheremetjevo-flugvelli í Moskvu. Hún reyndist vera með rafsígarettuhylki sem innhéldu örlítið magn af kannabis. Hún var í haldi í tæpa 10 mánuði en samskipti Rússlands og Bandaríkjanna voru mjög slæm á þessum tíma vegna innrásar Rússlands í Úkraínu. Þess vegna tóku samningaviðræður um fangaskipti langan tíma jafnvel þó Bandaríkjastjórn hafi nánast frá upphafi lýst sig tilbúna til skipta.[1]
Brittney var að lokum látin laus í skiptum fyrir Víktor Bút rússneskan vopnasala sem þekktur er undir nafninu kaupmaður dauðans. Hann hafði verið dæmdur í 25 ára fangelsi í Bandaríkjunum fyrir ólögleg vopnaviðskipti.[2]
Heimildir
[breyta | breyta frumkóða]Tilvísanir
[breyta | breyta frumkóða]- ↑ Ganguli, Tania; Abrams, Jonathan; Bubola, Emma (17. desember 2022). „What We Know About Brittney Griner's Release From Russia“. The New York Times (bandarísk enska). ISSN 0362-4331. Sótt 1. desember 2023.
- ↑ Luscombe, Richard; Roth, Andrew (9. desember 2022). „Brittney Griner freed from Russian prison in exchange for Viktor Bout“. The Guardian (bresk enska). ISSN 0261-3077. Sótt 1. desember 2023.
