Л

Л, л (el) je bukva kiriličnoj azbuky, ktora v osnovnom označaje alveolarny lateralny aproksimant [l]. Zavisno od jezyka i pozicije v slovu tuta glaska može byti palatalizovana [lʲ], [ʎ] ili velarizovana [ɫ]. V medžuslovjanskoj kiriličnoj azbukě ona zajmaje četyrinadseto město, poslě к i prěd љ. Jejin ekvivalent v latinici je l.

Bukva л proizhodi iz grečskoj bukvy lambda (Λ λ), ktora izvedla se iz feničskoj bukvy lamed (𐤋). Ona imaje dvě formy. Kromě osnovnoj formy, ktora je podobna hebrejskoj bukvě tav (ת), istnuje takože forma Ʌ ʌ, ktora je bolje podobna grečskoj bukvě. Tuta poslědnja forma («obračeno latinsko V», koristajemo m.dr. v MFA) strěčaje se v někojih fontah, a takože v rukopisnoj formě: .

V staroslovjanskoj azbukě ona iměla nazvu лю́диѥ «ljudi», a v starokiriličnoj numeraciji iměla značen‌je «30»; jejny glagoličny ekvivalent (Ⰾ) iměl čislno značen‌je «50».

V russkom, bělorusskom i ukrajinskom л izgovarjaje se kako [ɫ] ili, prěd mekkomu znakom ili palatalizujučeju samoglaskoju, kako [lʲ]; v srbskom i makedonskom kako [l]; v bulgarskom kako [ɫ], [l] (prěd е, и) ili [ʎ] (prěd ь, ю, я). V mongolskom jezyku bukva л označaje zvučny alveolarny lateralny frikativ [ɮ].

Kodovan‌je

Bukvy Ʌ i ʌ ne sut zakodovane v Unikodu kako kirilične bukvy, takto zaměsto njih možno je upotrěbiti latinsku formu.

Kodovan‌je		Л	л	Ʌ	ʌ
Nazva v Unikodu		CYRILLIC CAPITAL LETTER EL	CYRILLIC SMALL LETTER EL	LATIN CAPITAL LETTER TURNED V	LATIN SMALL LETTER TURNED V
Unikod	šestnadseterična sistema	U+041B	U+043B	U+0245	U+028C
	deseterična sistema	1051	1083	581	652
HTML	šestnadseterična sistema	Л	л	Ʌ	ʌ
	deseterična sistema	Л	л	Ʌ	ʌ
	alfabetična sistema	Л	л	—	—
UTF-8		D0 9B	D0 BB	C9 85	CA 8C

Vněšnje linky

• "U+041B Cyrillic Capital Letter El". codepoints.net (na anglijskom).
• "U+043B Cyrillic Small Letter El". codepoints.net (na anglijskom).
• "U+0245 Latin Capital Letter Turned V". codepoints.net (na anglijskom).
• "U+028C Latin Small Letter Turned V". codepoints.net (na anglijskom).