Camillus Golgi

Bartolomeus Camillus Emilius Golgi (natus in vico Curteni in Vallis Camunnorum, Provincia Brixiae die 7 Iulii 1843 - obiit Papiae die 21 Ianuarii 1926) fuit professor medicinae apud universitatem Papiae qui systema nervosum ac sensorium investigavit et apparatum Golgianum, cui nomen suum dedit, in cellulis invenit. Item colorationis cellularum novae, quae observationes microscopicas multum adiuvit, repertor fuit et primus malariae parasiti (plasmodium falciparum) cyclum vitae descripsit.

Anno 1906 Golgi Praemium Nobelianum Medicinae una cum Santiago Ramón y Cajal accepit quamvis contrariam illi duo eruditi opinionem de cerebro humano habuerint. Golgi enim reticuli doctrinam tuebatur, Cajal econtra cellulas individuas (neurones) esse volebat. De hac quaestione posteritas cum Hispanico viro consensit.

Vita

Pater Camilli Golgi medicus in vico Corteno erat. Ibi Camillius vixit usque ad annum quintum decimum vitae. Postea Golgi medicinae apud universitatem Papiae studuit et anno 1865 doctor fit.

Ad honorem eius vicus natalis Curteni (italice: Corteno) ab anno 1956 Corteno Golgi appellatur.

Lege etiam

Paolo Mazzarello - La struttura nascosta. La vita di Camillo Golgi. Cisalpino-Monduzzi, Bononia 1996. (Italiane)
Antonio Stefanini - Camillo Golgi, il Nobel nato tra i monti;. La Compagnia della Stampa, Roccafranca (BS) 2006. (Italiane)

Nexus externus

De Camillo Golgi in pagina Praemio Nobeliano Medicinae dicata (Anglice)