Proposition de loi

Éischt Säit vun enger Proposition de loi (2002)

Als Proposition de loi oder Gesetzespropositioun bezeechent een am Allgemengen d'Initiativrecht vun engem oder méi Parlamentarier (Deputéierten, Senateur) (fr. initiative parlementaire) fir e Virschlag fir en neit Gesetz maachen. Déi Bezeechnung gëtt et absënns zu Lëtzebuerg, a Frankräich, der Belsch oder der Schwäiz. An Däitschland schwätzt ee vun engem Gesetztentwurf (des Bundestages / des Bundesrats) an am Vereenegte Kinnekräich vun engem Private members' bill.

Situatioun zu Lëtzebuerg

Jidder Deputéierten huet d'Recht fir Proposition-de-loien an der Chamber ze deposéieren.

„Chaque député a le droit de soumettre des propositions de loi. Le député qui entend soumettre une proposition de loi la signe et la remet à la Chambre.“

– Art. 59 + 60: Règlement de la Chambre des Députés (Version consolidée)

An der Praxis gëtt eng Proposition de loi dacks vun engem Deputéierte vun der Oppositioun deposéiert; a bal alle Fäll gi se beim Vott iwwer de ganzen Text verworf. E Beispill, wou eng Proposition de loi vun engem Oppositiouns-Deputéierten an d'Chamber abruecht an ugeholl gouf, war d'Propositioun vun 2002 iwwer d'Euthanasie an den assistéierte Suizid.

 Méi Informatiounen doriwwer am Artikel: Legislativ Prozedur (Lëtzebuerg).

Literatur

• Besch, Marc: (2026). Normes et légistique en droit public luxembourgeois. 2e éd., Windhof: Larcier-Intersentia, ISBN 978-2-49675-020-1

Kuckt och

• Projet de loi: d'Initiativrecht vun der Regierung
• Volleksinitiativ: d'Initiativrecht vun de Bierger

Quell

• Quell vum Artikel, wou net anescht uginn: Besch, an der Literatur, S. 378

Um Spaweck

Commons: Proposition de loi – Biller, Videoen oder Audiodateien