Bolu kojo

Bolu kojo dari Jambi dan Palembang

Bolu Kojo adolah makanan khas daerah Sumatera Selatan dan daerah sakitarnyo tarutamo di daerah Jambi, Riau, Bengkulu dan Palembang. Kojo bararti kemojo atau kamboja dek bantuak loyang nan manyarupoi bungo kemboja. Biasonyo kue ko dihidangkan pado acara-acara adat.

Bolu Kojo dijadian sabagai kue khas Palembang nan istimewa dikaranokan pado maso dahulu disajian sabagai makanan kelas bangsawan atau kasultanan nan ka mangadoan suatu acara kaagamaan maupun upacara pantiang jo maundang tamu kahormatan. Bolu kojo dari Palembang mampunyoi papaduan budayo dari maso Kolonial Balando dan Palembang dikaranokan makanan nan bajenis Bolu Kojo dijadian sabagai kue khas Palembang nan istimewa dikaranokan pado maso dahulu disajian sabagai makanan kelas bangsawan atau kasultanan nan ka mangadoan suatu acara kaagamaan maupun upacara pantiang jo maundang tamu kahormatan. Bolu kojo dari Palembang mampunyoi papaduan budayo dari maso Kolonial Balando dan Palembang dikaranokan makanan nan bajenis bolu banyak sakali dipangaruhi dari Balando.

Biasonyo kue ko disajian pado wakatu pagi hari basamoan jo kopi atau masyarakat Palembang manyabuiknyo jo amper-amper atau sarapan. Dinamoan Bolu Kojo mampunyoi arti sabagai Kamboja nan digunokan sabagai cetakan dari kue tasabuik tapi kini dapek ditamukan jo babagai macam ukuran maupun bantuaknyo. Supayo labiah mampunyoi raso nan nikmat pambuatan dari Bolu Kojo manggunokan talua bebek sarato aroma nan arum barasa dari daun pandan nan dicampua jo daun suji sahinggo mampunyoi kakhasan tasandiri dari kue nan satu ko. Bolu Kojo untuak kini dapek dihidangkan pado wakatu parayoan Idul Fitri ataupun acara tahlilan bagi arwah nan alah wafat.

Bolu kojo mampunyoi warna ijau dari campuran aia daun suji atau daun pandan, nan juo maagiah aroma pandan nan arum dan manyegarkan. Babeda jo bolu pado umumnyo nan ringan dan barongga, bolu kemojo mampunyoi tekstur nan padek tapi lambuik dan saketek basah. Cito rasonyo manih dan nikmat, manyatu sampurono di lidah jo aroma pandan nan manggoda.

Bahan dan Cara Mambuek

Untuak mambuek Bolu Kojo, kue tradisional khas Palembang, Sanak mambutuhkan bahan-bahan sarupo santan, aia parasan daun pandan, tapuang tarigu, gulo pasia, margarin caia, talua, garam, dan pasta pandan. Proses pambuatannyo dimulai jo mancampuakan gulo pasia dan tepung terigu, lalu manambahkan santan sambia dikacau hinggo indak ado nan manggumpla. Salanjuatnyo, masuak-an aia pandan, margarin caia, dan garam, kacau hinggo marato. Tambahkan talua dan pasta pandan, kacau baliak hinggo sadoalah bahan tacampua sampurono. Tuang adonan ka dalam loyang nan alah diolai margarin dan ditabua tapuang, kamudian kukuih salamo kiro-kiro 30 minik hinggo masak. Sasudah dingin, karek-karek dan sajikan.