Sega
 | |
 | |
Матично име | 株式会社セガ |
|---|---|
Транскрибирано име | Kabushiki-gaisha Sega |
| Порано |
|
| Вид | подружница |
| Дејност | видеоигри |
| Претходник | Service Games of Japan |
| Основано | 3 јуни 1960 |
| Основачи |
|
| Седиште |  Ниши-Шинагава, Шинагава, Токио , Јапонија |
Опслужувани подрачја | ширум светот |
Клучни личности |
|
| Производи |
|
| Доход | ▲ 247,7 милијарди јени (2020) |
Оперативен доход | ▲ 14,8 милијарди јени |
Вработени | 2.792 (31 март 2025)[1] |
Матично претпријатие |
|
| Одделенија |
|
| Подружници |
|
| Мреж. место | |
Sega Corporation (јапонски: セガ株式会社, Sega kabushiki-gaisha) — јапонска компанија што произведува видеоигри и (до 2001 г.) машинска опрема за нив. Главното седиште на Sega се наоѓа во специјалниот округ Шинагава во Токио. Подружницата Sega of America се наоѓа во Ервајн (Калифорнија), каде што се занимава со распределба на игри и автомати во земјите на Северна Америка. Канцеларијата на Sega Europe е сместена во Брентфорд (предградие на Лондон), додека Sega Publishing Korea се наоѓа во Сеул.
Компанијата Sega била основана на 3 јуни 1960 г. од американските стопанственици Мартин Бромли и Ричард Стјуарт под името Nihon Goraku Bussan. Набргу потоа, компанијата ги презела средствата на својот претходник, фирмата Service Games of Japan. Пет години по купувањето на компанијата Rosen Enterprises, увозник на аркадни игри, таа почнала да се нарекува Sega Enterprises, Ltd. Sega ја развила својата прва аркадна игра, Periscope, во 1966 г. Во 1969 г., Sega била продадена на корпорацијата Gulf and Western Industries. По падот на аркадниот бизнис во почетокот на 1980-тите, Sega започнала да развива играчки конзоли, почнувајќи со SG-1000 и Master System, но морала да се бори со конкурентите како Nintendo Entertainment System. Во 1984 г., раководителите на Sega, Дејвид Розен и Хајао Накајама, го предводеле откупот на компанијата со финансиска поддршка од CSK Corporation.
Во 1988 г., Sega го издала својот следен систем за игри, Sega Mega Drive. Mega Drive тешко конкурирал во Јапонија, но постигнал голем успех во странство по објавувањето на играта Sonic the Hedgehog во 1991 г. и накратко го престигнал својот главен конкурент во САД, Super Nintendo Entertainment System. Подоцна во текот на деценијата, Sega доживеала неколку комерцијални неуспеси со системите 32X, Saturn и Dreamcast. Во 2001 г., Sega престанала со производство на сопствени конзоли за да стане независен развивач и издавач, а во 2004 г. била купена од корпорацијата Sammy Corporation. Во годините по преземањето, Sega станала подоходна. Компанијата Sega Holdings Co. Ltd. била формирана во 2015 г., по што Sega Corporation била преименувана во Sega Games Co., Ltd., а нејзините оддели за аркади, забава и играчки биле издвоени во посебни компании. Во 2020 г., Sega Games и Sega Interactive биле обединети и преименувани назад во Sega Corporation.
Внатрешна структура
[уреди | уреди извор]Во 1980 г., корпорацијата се поделила на десет екипи, означени со соодветни броеви. Во 2000 г., Sega одлучила да ги преобрази своите екипи во посебни деловни единици (развивачи) со соодветна промена на имињата. Меѓутоа, екипата AM8 го променила своето име во Sonic Team уште при објавувањето на првата игра од серијалот Sonic the Hedgehog.
Од 2003 г. започнува процесот на окрупнување на внатрешните студија. Истата година, United Game Artists се обединиле со Sonic Team, а во 2004 г. WOW Entertainment и Overworks се споиле и почнале да се нарекуваат Sega WOW. По нивното обединување, студијата Hitmaker и Sega Rosso го добиле името Sega AM3.
Освен тоа, од 2004 г. компанијата се поделила на два оддела за истражување и развој (англ. Research & Development, R&D): Потрошувачки оддел и Оддел за забава. Првиот оддел главно се занимава со развој на игри за конзоли, компјутери и мобилни уреди, а со него раководи Тошихиро Нагоши.[2]
Во Одделот за забава главно се работи на создавање игри за аркадни автомати. Шеф на овој оддел е Хироши Јаги.[3]
Наводи
[уреди | уреди извор]- ↑ „Company Outline“. Sega. Посетено на 16 јуни 2024.
- ↑ „Sega R&D Structure“. Посетено на 21 март 2026.
- ↑ „Sega Entertainment Division“. Посетено на 21 март 2026.
Надворешни врски
[уреди | уреди извор] |
„Sega“ на Ризницата ? |
