Bialetti

Bialetti hija ditta Taljana tal-magni tal-kafè, oġġetti tat-tisjir, u tagħmir żgħir tal-kċina mwaqqfa minn Alfonso Bialetti. L-iktar prodott magħruf tagħha huwa s-serje tal-kafettieri Moka li jintużaw fuq il-kuker.

L-istorja

Alfonso Bialetti kiseb il-ħiliet tiegħu fix-xogħol tal-metall billi l-ewwel ħadem għal għaxar snin fl-industrija Franċiża tal-aluminju. Sal-1919 kien waqqaf il-ħanut tax-xogħol tiegħu stess tal-magni u l-metall fi Crusinallo (fi Piemonte, fejn twieled) biex joħloq prodotti tal-aluminju: dan kien il-pedament għall-kumpanija Bialetti. Hu ttrasforma l-ħanut tax-xogħol tiegħu – Alfonso Bialetti & C. Fonderia in Conchiglia – fi studjo għad-disinn u l-produzzjoni. Fl-1933, Bialetti waqqaf id-ditta u ivvinta l-kafettieri Moka. Iktar tard il-kumpanija tmexxiet minn ibnu Renato Bialetti.

Wara perjodu ta’ kriżi fis-70ijiet u fit-80ijiet, Bialetti ngħaqad ma’ Rondine Italia fl-1993 u waqqfu kumpanija ġdida bl-isem Bialetti Industrie S.p.A., ibbażata fi Brescia.

Francesco Ranzoni jservi kemm bħala president kif ukoll bħala uffiċjal kap eżekuttiv tal-kumpanija.

Fl-aħħar tal-2015, id-dikjarazzjoni tad-dħul tal-kumpanija rreġistrat d-dħul totali ta’ €172.4 miljun, 6.9% iktar mill-2014 (€161.2 miljun).

Fl-2010, studju kkalkula li 90% tal-familji Taljani għandhom kafettiera Moka magħmula minn Bialetti.

F’April tal-2025, Nuo Capital, fond ibbażat Lussemburgu kkontrollat minn Stephen Cheng, iffirma ftehim biex jixtri 78.567% tal-ishma ta’ Bialetti.