University of Iowa
De University of Iowa is en staatliche Forschungsuniversität, deren 7,7 km² groot Campus in Iowa City in den US-Bundsstaat Iowa liggt. An de Universität weern in’n Harvst 2020 insgesamt 30.318 Studeerende inschreven, de vun 2.875 Dozenten betrüet wurrn.[1] Se is de gröttste Hoochschool in Iowa. 2020 weer ehr Stiftungsvermögen 2,53 Milliarden US-Dollar wert.[2] De Universität is en vun 60 wählt Liddmaaten in de prestigeträchtigen Association of American Universities un hörrt to de best staatlich Universitäten, den so nöömt Public Ivy.
Historie
[ännern | Bornkood ännern]De State University of Iowa wurr an’n 25. Februar 1847 as Iowa sien eerste Institutschoon för höhgere Utbillen grünnd, blots 59 Daag nahdem Iowa en Bundsstaat wurr. Liekers hör oorsprünglich Naam is se nich mit de Iowa State University to verwesseln.
De eersten Vörlesungen wurrn 1855 hollen. In’n September 1855 tell de Universität 124 Studenten, vun de 41 Fruen weern. Se weer de eerste staatlich Universität in den USA, de Mannlüüd un Fruen gliekberechtigt tolaaten dee. Togliek weer se de eerste Universität vun de Welt, de kreative Arbeit in‘t Theater, in’t Schrieven, in de Musik un in de Kunst gliekberechtigt mit de akadeemsch Forschung anerkennen dee.
Se hett wichtige Pionierarbeit in de Gliekberechtigung vun de Frue nun de Afro-Amerikanern leist. De Historikerin Lulu Johnson, de as eerst swaart Fru an de University of Iowa hör Doktertitel kreegen harr, wurr vun den Board of Supervisors vun dat Jefferson County 2020 to de nee Naamsstifterin verklort; de County, in den sück Iowa City un dormit ok de Campus vun de Universität befindt, drocht somit hör Naam.[3]
Tallen to de Studeerenden
[ännern | Bornkood ännern]In’n Harvst 2020 weern 30.318 Studeerende an de Universität inschreven.[1] Dorvan hemm 22.304 (73,6 %) ehrn eersten Studienafsluss anstreevt, se weern also undergraduates.[1] Dorvan weern 55 % wievlich un 45 % männlich; 5 % hett sück as asiaatsch, 3 % as swaart oder afroamerikaansch un 8 % as Hispanic/Latino betekent.[1] 8.014 (26,4 %) hemm up en wiederen Afsluss hen arbeit, se weern graduates.[1]
Sport
[ännern | Bornkood ännern]De University of Iowa is Liddmaat vun de Big Ten Conference in’n Hoochschoolsport. Hör Sportteams nöömen sück Iowa Hawkeyes. De offiziellen Schoolfarven sünd Swaart un Gold.
Weblinks
[ännern | Bornkood ännern]
University of Iowa. Mehr Biller, Videos oder Audiodateien to’t Thema gifft dat bi Wikimedia Commons.
Enkeld Nahwiesen
[ännern | Bornkood ännern]- 1 2 3 4 5 College Navigator – University of Iowa. In: Integrated Postsecondary Education Data System > College Navigator > University of Iowa. National Center for Education Statistics (NCES), U.S. Department of Education, Institute of Education Sciences IES, 2020, afropen an’n 8. Januar 2022 (engelsch).
- ↑ Historic Endowment Study Data – 2020 Total Market Values. In: NACUBO-TIAA Study of Endowments. National Association of College and University Business Officers NACUBO®, 2021, afropen an’n 5. Dezember 2021 (engelsch).
- ↑ Johnson County, Iowa, Renames Itself After A Different Johnson. In: NPR.org. (npr.org [afropen an’n 17. Februar 2022]).
Koordinaten: 41° 39′ 20″ N, 91° 31′ 29″ W
