Catherine Tate
| Catherine Tate | |||
 | |||
| Fødd | 12. mai 1968 (58 år) | ||
|---|---|---|---|
| Fødestad | Bloomsbury | ||
| Fødenamn | Catherine Jane Ford | ||
| Aktive år | 1991– | ||
| Verka som | komikar, skribent, teaterskodespelar, filmskodespelar, manusforfattar, skodespelar | ||
Catherine Jane Ford (fødd 5. desember 1969 i London i Storbritannia), kjend som Catherine Tate, er ein britisk skodespelar og komikar. Ho har vunne ei rekkje prisar og utmerkingar for sin innsats i BBC-humorserien The Catherine Tate Show (2004–2007), og ho har blitt nominert til en internasjonal Emmy-pris og sju BAFTA-prisar. Ho er kjend for roller i seriar som Catherine Tate's Nan og som Nellie Bertram i amerikanske The Office.
Liv og virke
[endre | endre wikiteksten]Bakgrunn
[endre | endre wikiteksten]Catherine Ford blei fødd i London og vaks opp i Brunswick Centre. Ho blei utdanna ved St Joseph's Roman Catholic Primary School i Holborn, Notre Dame Roman Catholic Girls' School, Salesian College og Central School of Speech and Drama.
Karriere
[endre | endre wikiteksten]Frå 1988 til 1990 turnerte Tate med National Youth Theatre-oppsetjinga av Blodbryllaup, med blant andre Daniel Craig og Jessica Hynes.[1] I 1994 fekk ho rolla som Lydia Lubey i Oxford Stage Company si oppsetjing av Arthur Miller sitt All My Sons.[2] Seinare jobba ho ved Royal National Theatre, der ho hadde mindre roller i The Way of the World (1995) og Le roi s'amuse (1996). Tate spelte også med Royal Shakespeare Company under kompaniet sin timånaders-turné i Storbritannia, Australia og USA med Lee Hall sin versjon av The Servant of Two Masters (2000–2001).[3]
I midten av 1990-åra fekk Tate fleire tv-roller og byrja med standup-komedie.[4] I 2004 fekk ho sitt store gjennombrot med sketsjshowet The Catherine Tate Show på BBC. Innsatsen gav ho fleire pris-nominasjonar og ei rekkje nye roller. Blant anna spelte ho Donna Noble i julespesialen til Doctor Who, og blei seinare vikaren til Den tiande Doktoren i serien i 2008.[5]
Etter suksessen med The Catherine Tate Show, fekk Tate rolla som Joanie Taylor («Nan») i BBC One-komiserien Catherine Tate's Nan (2009–2015) og filmen The Nan Movie (2022). I 2011 hadde ho ei fast rolle som Nellie Bertram i den amerikanske versjonen av The Office, og fram til serien slutta.[6][7]
Tate hadde rolla som Miss Sarah Postern i BBC One-serien Big School (2013–2014) og hadde stemma til Magica frå Tryll i animasjonsserien Ole, Dole og Doffen på eventyr (2017–2021). I 2022 spelte Tate seks roller i Netflix-serien Hard Cell, som ho også var med på å skrive og regissere.[8]
Tate har også hatt fleire større og mindre filmroller, blant anna i Love and Other Disasters (2006), Mrs Ratcliffe's Revolution (2007), Gulliver's Travels (2010), Monte Carlo (2011) og SuperBob (2015). Ho presenterte dei britiske jurypoenga under finalen av Eurovision Song Contest 2023 i Liverpool.[9]
Kjelder
[endre | endre wikiteksten]- ↑ «Catherine Tate webchat – as it happened». theGuardian (på britisk engelsk). 2014-11-26. ISSN 0261-3077. Henta 2023-05-17.
- ↑ «CatherineTate | Theatricalia». theatricalia.com. Henta 2023-05-17.
- ↑ Mangan, Lucy (2005-07-12). «'I'm a lazy control freak'». TheGuardian (på britisk engelsk). ISSN 0261-3077. Henta 2023-05-17.
- ↑ Gibson, Owen (2005-12-23). «The Guardian profile: Catherine Tate». TheGuardian (på britisk engelsk). ISSN 0261-3077. Henta 2023-05-17.
- ↑ «Tate to be Doctor's new companion» (på britisk engelsk). 2007-07-03. Henta 2023-05-17.
- ↑ «The Office Promotes Catherine Tate to Series Regular». TVGuide.com (på engelsk). Henta 2023-05-17.
- ↑ «TheTruth About Catherine Tate On The Office». Looper (på amerikansk engelsk). 2020-05-11. Henta 2023-05-17.
- ↑ «Netflixannounces new Catherine Tate comedy series Hard Cell». About Netflix (på engelsk). Henta 2023-05-17.
- ↑ Sansome, Jessica (2023-05-13). «CatherineTate makes Eurovision viewers 'scream' as she makes hidden reference». Manchester Evening News (på engelsk). Henta 2023-05-17.
- Denne artikkelen bygger på «Catherine Tate» frå Wikipedia på bokmål, den 6. mars 2024.
