Ingeborg Refling Hagen

Ingeborg Hagen åtvara tidleg mot fascismen, og under den spanske borgarkrigen engasjerte ho seg for å støtte den spanske regjeringa mot general Franco og den fascistiske Falangen. I mellomkrigstida arbeidde ho med å skape interesse for Henrik Wergeland si dikting, som ho oppfatta som vaksine mot nazismen. Under andre verdskrigen var ho med i illegalt motstandsarbeid. Ho blei arrestert og torturert av Gestapo, og overlevde så vidt krigen.

Etter krigen vidareførte Ingeborg Hagen engasjementet sitt i den såkalla Suttungrørsla, med litteraturformidling særleg retta mot barn og unge. Barndomsheimen Fredheim på Tangen blei etter kvart eit senter for dette arbeidet, som resulterte i omfattande kulturell knoppskyting, mellom anna med Suttungteatret, Suttung forlag og Suttungkoret.

Spesielt Henrik Wergeland og Hans Kinck blei sentrale i formidlinga gjennom Suttungrørsla, blant anna med framføring av Wergelands og Kincks dramatikk på Suttungteatret. Hagen publiserte også ei rekkje bøker og skrifter knytt til arbeidet i Suttungrørsla.

Karin Sveen, som sjølv brukte ein del av ungdomstida si på Tangen, gav i 1991 ut romanen Hannas hus (1991), der Suttungrørsla blir stilt i eit kritisk lys. Skildringane hennar av strenge rammer og autoritetsdyrking i eit sekterisk miljø vekte oppsikt og debatt.

Ingeborg Hagen har fått ei rekkje prisar, og i 1967 blei ho utnemnd til riddar av 1. klasse av St. Olavs Orden for verksemda si. I 1975 blei ho tildelt Norsk kulturråds ærespris. Hagen fekk Statens kunstnarløn frå 1936.

• Ingeborg Refling Hagen i Norsk biografisk leksikon
• Noregs litteraturhistorie
• suttungbevegelsen

• Birkeland, Tone m.fl.: Norsk barnelitteraturhistorie, 1997, isbn 82-521-4381-4
• Gundersen, Svein, red.: «Av skalden fikk vi landet»: festskrift til Ingeborg Refling Hagen [...], 1980, isbn 82-7066-212-7
• Hagemann, Sonja: Barnelitteratur i Norge 1914-1970, 1974, isbn 82-03-06186-9
• «Ingeborg Refling Hagen og Suttungrørsla – portrett av eit miljø» i Norsk årbok for barne- og ungdomslitteratur, 1980, 104-54 (fem artiklar av Dagne Groven Myhren m.fl.)
• Kraugerud, Alfhild: Dikteriske virkemidler hos Ingeborg Refling Hagen, 1951
• Lappegård, Siri, red.: Ingeborg Refling Hagen – uklar myte eller bevisst pedagog?, 1995, isbn 82-7518-051-1
• Steen, Gunnar A., red.: «Eventyrets landeveier»: foredrag fra Ingeborg-dagene 1995, 2000, isbn 82-7066-334-4
• Wergeland, Ingrid Elise: Slik som kjærlighet vekker deg: en bok om Ingeborg Refling Hagen, 1995, isbn 82-03-26114-0
• Ystad, Vigdis: «En kvinnelig Promethevs» i Engelstad, Irene m.fl., red.: Norsk kvinnelitteraturhistorie, b. 3, 1990, 78-84, isbn 82-7350-389-5
• Ystad, Vigdis: «Ingeborg Refling Hagen som modernist og ekspresjonist» i NLÅ 1995, 134-50