Turku

Turku (fin: Turku [ˈturku]) yoki Abo (shvedcha: Åbo) — Finlandiyaning janubi-sharqiy qismidagi shahar. TurkuPori lyanining maʼmuriy markazi. Aholisi – 172,1 ming kishi (2000). Boltiq dengizining Botnik qoʻltigʻi sohilidagi port. Transport yoʻllarining muhim tuguni. Turkudan Shvetsiyaga parom qatnaydi. Mamlakatning savdosanoat va madaniy markazi. Mashinasozlik (xususan, kemasozlik, elektronika), toʻqimachilik, neftni qayta ishlash sanoati korxonalari mavjud. Universitet, muzeylar bor. Turku XII asr oʻrtalarida finlarning shvedlar egallagan savdo qishlogʻi oʻrnida bunyod etilgan. Turku haqidagi ilk yozma maʼlumotlar 1154-yilga oid arab manbalarida uchraydi. XIII asr oʻrtalaridan 1809-yilgacha shvedlar maʼmuriyati markazi. 1809—12 (amalda 1819-yilgacha) Turku — Finlandiya Buyuk knyazligi poytaxti. Meʼmoriy yodgorliklardan roman sobori (13 — XV asrlar) va qasr (1280, XVI—XVII asrlarda qayta qurilgan) saqlangan.