Liberec

**Liberec**
Lidnanznam;	Flag;
Valdkund	Čehanma
Eläjiden lugu (2017)	103,853 ristitud
Pind	106,09 km²
Pämez'	Jaroslav Zamečnik; (kül'mku 2018—)
Telefonkod	+420
Avtokod	L
Aigvö	tal'vel UTC+1,; kezal UTC+2

Liberec (mugažo čehan kelel, virktas [ˈlɪbɛrɛts]), edel 1945. vot mugažo Raihenberg (saks.: Reichenberg), om videnz' surtte lidn Čehanmas. Se om Liberecan randan administrativine keskuz da kaikiš suremb lidn.

Istorii

Eländpunkt mainitase dokumentoiš ezmäižen kerdan kuti Reychinberch lidnan statusanke vl 1352. Ezmäine tekstil'edheotand oli sätud vl 1579. 19.-20. voz'sadal lidn oli saksalaižiden Sudetan regionan pälidnaks. Jäl'ges Toižen mail'man sodan lopud (1945. voz') deportiruihe saksalaižid Germanijha. Äi istorižid pertid om kaičenus lidnas.

Liberec šingotase tekstil'tegimišton keskuseks.

Geografijan andmused

Lidn sijadase valdkundan pohjoižes, randan keskuzpalas, Sudetan mägiden Jizer-mägisel'gan pautkidenno, 325..1012 m korktusil, 374 m keskmäižel korktusel valdmeren pindan päl.

Om läz 110 km matkad Praghasai avtotedme suvipäivlaskmha vai 91 km orhal. Matkad Pol'šanman röunhasai om kuz' kilometrad pohjoižhe, Saksanman röun sijadase kaks'toštkümnes kilometras lodeheze lidnaspäi.

Klimat om ven. Voden keskmäine lämuz om +7,2 C°. Paneb sadegid 803 mm vodes.

Eläjad

Vn 2011 Čehanman rahvahanlugemižen mödhe lidnan eläjiden lugu oli 102,247 ristitud. Kaik 103,853 eläjad oli lidnas vl 2017.

Tehnine universitet om lidnas, zavodiše kolledžaks vl 1953.

Edeline lidnan pämez' om Tibor Battjani (čeh.: Tibor Batthyány), radoi vll 2014−2018.

Transport

Avtobusad, tramvaid, ezilidnelektrojonused, funikulör da taksid oma kundaližeks transportaks lidnas da sen ümbrištos. Päraudtestancii sijadase lidnan keskuzpalas.