Uz' Deli

Uz' Deli
नई दिल्ली (hindi)
New Delhi (angl.)
نئی دلی (urdu)
ਨਵੀਂ ਦਿੱਲੀ (päivn.-pandž.)
নতুন দিল্লি (bengali)
Lidnanznam;	Flag;
Valdkund	Indii
Eläjiden lugu (2022)	321,900 ristitud
Pind	42,7 km²
Pämez'	Šri Nareš Kumar; (kezaku 2015—)
Telefonkod	+91−11
Aigvö	UTC+5:30

Uz' Deli, Nju Deli vai N'ju Deli (hindi: नई दिल्ली Naī Dillī, angl.: New Delhi [ˈnjuː ˈdɛ.li], urdu: نئی دلی, pandžabi: ਨਵੀਂ ਦਿੱਲੀ, beng.: নতুন দিল্লি) om Indijan pälidn. Se om Deli-lidnan-nevondterritorijan keskuzrajon i erigoittud municipalitet koumen kesken.

Istorii

Uden pälidnan aluz om pandud vn 1911 tal'vkus, sirtihe pälidnad Kal'kuttaspäi. Britanijalaine Edvin Lačens-arhitektor projektirui ut pälidnad, i projekt hibjastui vll 1918−1931. Uz' Deli om Indijan i Delin ohjastusiden sijaduz.

Mahtai kirjutamha anglijankel'ne radvägi vedab lidnha mail'man korporacijoid. Uz' Deli šingotase pälidnan holitišil, informacijan tehnologijoil, telekommunikacijoil, turizmal adivpertidenke, bankoil i massinformacijan sarakol. Radživ-Čouk (ende Konnot-Pleis) om Indijan kommercijan da rahaazjoiden keskusišpäi.

Geografijan andmused

Lidn sijadase valdkundan pohjoižes, Džamn-jogen oiktal randpolel, tazosijal erasidenke-se kukhidenke, 216 m ü.m.t. keskmäižel korktusel. Voib olda varuližid manrehkaidusid (5,2 magnitudanke vl 2012, 5,4 vl 2015), matkad Gimalajhasai om vaiše 200 km pohjoižpäivnouzmha.

Eläjad

Vl 2011 Uden Delin eläjiden lugu oli läz 295 tuhad ristituid 42,7 km² pindal. Läz 26,5 mln eläjid om lidnaglomeracijas vl 2016 (2. sija valdkundas Mumbain jäl'ghe).

Oficialižed keled (lugemata anglijad da hindid) oma päivnouzmpandžabi, bengali i urdu.

Transport

Avtobusad, metropoliten, ezilidnelektrojonused, taksid da avtorikšad oma kundaližeks transportaks lidnas.

Vspäi 2002 metropoliten radab kaikes Deliš (kahesa jonod 236 stancijanke, 326 km raudted), sidä kesken Udes Deliš-ki (koumen jonon palad, vn 2006 kül'mkun olend):

Jonon nimi	Nomer	Jonon keskust Udes Deliš (stancijoiden nimed)
● Rusked jono	1	Shahdara — Rithala
● Pakuine jono	2	Vishwa Vidyalaya — Central Secretariat
● Sinine jono	3	Indraprastha — Dwarka Sub City

Irdkosketused

Uden Delin Municipaližen Nevondkundan oficialine sait (ndmc.gov.in). (angl.)

Uz' Deli Vikiaitas

	Azijan pälidnad
	Abu Dabi \| Amman \| Ankar \| Astan \| Ašhabad \| Bagdad \| Baku \| Bandar Seri Begavan \| Bankok \| Beirut \| Biškek \| Dakk \| Damask \| Dili \| Doh \| Džakart \| Dušanbe \| El' Kuveit \| Hanoi \| Islamabad \| Jerevan \| Jerusalim \| Kabul \| Katmandu \| Kuala Lumpur \| Male \| Manam \| Manil \| Maskat \| Naip'jido \| Nikosii \| Pekin \| Phen'jan \| Pnompen' \| Rijad \| Sanaa \| Seul \| Singapur \| Šri Džajavardenepura Kotte \| Taškent \| Tbilis \| Tehran \| Thimphu \| Tokio \| Ulanbatar \| Uz' Deli \| V'jent'jan