مبروك ياترى لمين؟

مع مرور الظروف العصيبه التى تمر بها الملكه وهى امتحاناتها
ثم توالت الظروف صعوبة كلما اقترب الوقت
فالنتيجه على الابواب فيدق قلبها سريعاَ
وتحلم بكوابيس تفزعها
وهكذا يومياَ
ثم تتوالى الظروف أكثر صعوبة بسبب امتحانات
(الثانويه العامة)
فتشعر الملكه بالحزن الشديد عندما تعلم أن الامتحانات صعبة
ويبدأ وحش الثانوية العامة يسيطر عليها
وتبدأ تفكر وتقول لنفسها:
دقت الساعة ياكوين
واقترب اليوم وهتبقى فى ثانويه عامه
وتبدأ تخاف
كلها سنه وتبقى فى ثانويه عامة
إذا كان فى الإعدادية
عاملة كده
امال فى الثانوية هتعملى ايه؟
ياعينى عليكى ياكوين
وفجأة وهى تفكر
طرق الباب
فأذنت بالدخول
ووجدت حاجب الملكه يحمل رساله
ياترى الرساله دى فى ايه؟
أخذت الملكه الرساله من الحاجب
وفتحت ببطى والقلق يملى نفسها
فوجدت الرساله من أخيها حلاوة الأكبر
يدعوها لحضور مناقشه كتاب (شباك الروح)
غداَ السبت الموافق(20/6/2008)
الساعه السادسه والنصف بالمنصوره فى (اتحاد كتاب مصر)
عند الاتوبيس الدولى (عماره المحامين )
الذى سوف ينزل فيه أربع قصائد من شعره
ففرحت فرحاَ شديداَ
ونسيت الملكه همومها وحزنها
ودعت له بالتوفيق
وأمرت الحاجب
بكتابة رد للرساله
يكتب فيها : مبروك ياحلاوة ياحبيب قلب كوين
عقبال ياخويا يا ابن أمى وأبويا
ماينزلك كتاب لوحدك عن قريب
(تحسوا أوى انى زينات صدقى فى فيلم عربى قديم وبتدعى لعبد الحليم حافظ ابن الحته )
مبروك ياحلاوة

كل سنه وأنتى طيبه

طبعا كل شعب الملكه المتطفل عاوز يعرف
ياترى مين عيد ميلاده؟
ياترى مين ؟
الملكه مش عاوزه ترد
وبعد الحاح من شعب الملكه الزنان
صعبوا عليها لان قلبها طيب
وأنتوا عارفين أنها ما بتحبش تتكلم عن نفسها
بكره عيد ميلااااااااد
..........................
ببببققققق
ايه ده شكل الملكه جاء لها شلل ولا ايه
ايه اللى بيحصل ده
الشعب كله قام وقفة رجل واحد
يشوف الملكه اللى حصلها
الملكه من الصدمه شكلها بتفرفر ولا ايه
وشعب الملكه مش سيبها فى حالها
حتى وهى بتموت تتطفلهم هيقتلهم
قبل ماتموتى ياملكه
استنى أوعى تموتى غير لما تقولى
عيد ميلاد مين؟
عيد ميلاد مين ياملكه
الملكه فجأه قامت من السرير وهبت فى روحها الصحه
وكأنها شربت سبانخ بابى
تزعق فى شعبها
أنتوا معندكوش رحمه
مش شايفنى تعبانه وبفرفرفر
وأمرت الحراس بقتل الشعب كله
وأجرت مكالمه هاتفيه
ياترى الملكه بتكلم مين
طبعا الملكه كان لازم تتطلب أخوها سكايار
يبعت سريه حراس من عنده
يجوا يساعدوا الملكه فى مذبحه القلعه اللى هى عاملها علشان تقتل شعبها الزنان
وفى الآخر
سكايار طلع عامل حادثه وما بيردش على الموبايل
الملكه وقعت من طولها
وشكلها فرفرت تانى
قام الشعب مره تانيه
احنا معتش ورانا غيرك
ورانا مصالح عاوزين نتقتل
كل دقيقتين مفرفره
خلصى وقولى بكره عيد مين
الملكه
قالت للشعب أن سكايار عمل حادثه
أصاب الشعب صاعقه وزهول
ثم أصابتهم حاله من الكآبه والحزن
والملكه هتطير من الفرحه ان شعبها الزنان زعلان
وبعدان جاء الشعب وقف
ادام قصر الملكه
يطالب أنه يعرف
بكره عيد ميلاد مين ياترى
الملكه آخر ما قرفت
قالتلهم عيد ميلاد بقايا السكره
والعين صابتنى ورب العرش ناجنى
مش عارفه ايه التهيس والهبل ده
بس معرفتش أعملها ايه
ومبعرفش أكتب كلام جميل زى اللى كانت كاتبه لحلاوه
قلت أعمل حاجه جديده
ايه علاقه البوست ببعضه معرفش
بس الزتونه على رأيى مامادو
انى أقولك كل سنه وأنتى طيبه يا أجمل أخت فى الدنيا
وعقبال مليووووون سنه
مطلوب بقه من شعب الملكه الزنان اللى مفروض كان يتقتل
بس هى سمحته قلبها الطيب ده ماوديها فى دهيه
والشفافيه
وأنتوا بقه عارفين انها ما بتحبش تتكلم كتير عن نفسها زى الخيط الرفيع
مطلوب بقه منكوا جرى كل واحد يروح يقولها كل سنه وهى طيبه
عاوزه البلوجايه تبقى واحده تانيه
دى أختى يعنى دم واحد
يعنى تحيا الوحده الوطنيه
يعنى الهلال مع الصليب قشطه ومربى وحليب

تانى حاجه تدعوا لحلاوه لانه عنده امتحان جامد بكره
ونحب نقول فى آخر البرنامج كل سنه وانتوا طيبين لان الشهر ده لمم لمه
.............
مين بقه كل سنه وانتى طيب ياناجى وشريف مع بقايا فى يوم واحد ما جمع الا ماوفق
وكوكو الضعيف
برده نقول لخلود و لكلماتى وثوره
والكبيره أخواتها يقولها بالنيابه عنى كل سنه وهى طيبه
شهر عظماء فعلن

حال الدنيا

كل سنه وأنتوا طيبين
اه جت متأخره شويه
بس معلش بقه مكنتش موجوده
وكمان الكمبيوتر كان بايظ
حبيت بس أمسى عليكوا
وأقولكوا واحشتونى أوى
ودعواتكم بقه
لأن المدرسه جت
وطبعن الملكه فى شهاده
يعنى لازم مجموع والكلام الفاضى اللى أنتوا عارفينه ده
أنا زعلااااااااااااااااااانه
اهى اهى
متعيطش ياكوين
لا هعيط
انتى عامله فيها بقه البت الدحيحه اللى بتذاكر
ايه ده انت بتغلط فى الملكه لم نفسك
مانضحكش بقه على بعض
اه هيبقى فى كيبورد وماوس يتعانوا
ومفيش كمبيوتر غير كل خميس
بس أنتى هتعرفى تظبطى نفسك
بس اصلن احساس ان انت وراك حاجه ومقصر ومبتعملهاش
ده بيبقى احساس زباله
خلاص ياكوين احنا بايدينا نعمل ايه
كل اللى هنقدر نعمله ندعيلك
الموضوع خرج من ايدى بقه فى ايدى التانيه
خلاص ياسيدى انا طلبت منك حاجه
بس حبيت بس أغير شويه لانى تعبت من البوست اللى فوق ده
يالا
دنيا ملهاش أمان
الملكه بقه فى حاله سيئه ونفسويتها زى الزفت
وقاعده تسمع
ياعينى ياعينى ياعينى على الولا
الدنيا خرااااابانه
المدرسه شبح الحزن
كل يوم بدعى عليها تتحرق ولا بيحصل لها حاجه
انا شكلى اللى هتحرق من كتر القهره
أنا مش مصدقه ان المدرسه جت
دعواتكم بقه هتوحشونى
ايه التهيس ده
بس خييييييييييييييييييييير
ادعولى

اقــرااا الحـادثـة

مولاتى جلالة الملكة اليكى هذه الانباء

أولا :مطالبة شعبك الزنان ببوست جديد
ثانيا: بلاااااش أقوله لسانى مش قادر ينطق
الملكه :أنطق بدل ما أطلع روحك
فجاة يامولاتى وسيادتك نايمه التلفاز بتاع سيادتك شاط وطلع دخان وشكله اتحرق
الملكه :اخرص ده أنت كل أخبارك زباله
ثالثا: مش قادر أكمل
الملكه: انت كل ساعه هتفصل فى النص
كائن نورانى فضحاكى على البلوج بتاعها وكاتبه عنك كلااااااااام مايرضيش سيادتك
الملكه :هاتوا لى الصعلوقه دى هنا أنا هعرفها مقامها كويس
ياحرررررااااااااااااااااس
رابعا وأخيرا : سفر أعز أخ لسيادتك يامولاتى وهو سكايار
الملكه : أخرص الحنك ده مايتكلمش يتف بس
ايه الأخبار دى امال فين الأخبار الجديده الحلوه
مفيش يامولاتى
الملكه :أنطق بدل ما أطلع عينك
حاضر يامولاتى
الخبر الحلو هو عوده أخت سيادتك بقايا انسان من قاهره المعز لدين الله الفاطمى
الملكه : بزمتك ده خبر حلو ايه ياااااااااد االتلامه دى
ما أنتى يامولاتى ماكنتيش تشوفى حالك من غيرها كنتى عامله زى العرب من غير كلبهم
الملكه:أخرص واتلم بدل ما المك أنا اه اتكلم أنت تسكت خالص
انت عاوز بقايا تيجى تقطعنى انا وانت حتت وتعبينا فى اكياس
ها مفيش غير الخبر ده بس الحلو
لا يامولاتى فى عاين لسيادتك الاخبار الحلوه وراء
الملكه : ما نتطقتش ليه من الأول لازم يعنى تغم الواحد فى الاول
انطق يابوذ الاخس
صحبتك الانتيخ يمنى يامولاتى عملت بلوجايه
الملكه : على عينى وعلى رأسى بس هستفيد من كده وهيفرحنى من كده
تصدق كرهتك فى اللحظه دى كرهتك يالا بره مش عاوز أشوف وشك هنا
رغم الاحداث الغريبه اللى بتحصل الملكه مش عارفه تعمل ايه
قاعده تفكر تفكر هو ايه اللى بيحصل هو فى ايه؟
كل وراء بعضه سفر سفر سفر
مين اللى هيتبقى يقعد
عادى هى اه زعلانه ومتاثره من اللى بيحصل بس مش بيدها تعمل حاجه
ومع التفكير المنهمك والحاله الغريبه اللى هى فيها
شكل مخها ضرب ولا ايه
جه فى دمغها سؤال غريب
ايه هو سؤال محيرها ومش لاقيه له اجابه
ياترى مين هما الشخصيات اللى هتفضل فاكراك وتدعيلك بعد ماتموت
رغم مشاكل الحياه والابتلاءات والذى منه
ياترى مين ؟
السؤال ده كنت بتفرج على برنامج يالا ياشباب
وكانوا بيقولوا هاتوا ورقه وقلم
واكتبوا فيهم من الشخصيات اللى متأكد مليون فى الميه
أنهم رغم كل المشاكل والحياه الصعبه والمشاغل بعد ماتموت
هيفضلوا فاكرينك وهيدعولك بالرحمه وهتفضل علطول روحك معهم فى فرحهم وحزنهم ووداعهم
قبل ماكنت اتعرف على التيم والناس النضاف دول اللى أنا فخوره بيهم
مالقتش ولا اسم ولا حتى أقاريبى مكنتش متأكده مكنش عندى ثقه فى حد
كنت علطول خايفه أتعرف على ناس واتعشم فيهم
علشان مايطلعوش زباله فى الآخر زى ماحصل قبل كده
وعيبى الوحيد أنا وأخواتى لما نتعرف على حد وكننا عارفينه بقنا 10 سنين
مع اننا لسه عارفينه مابقناس شهر
بس خلااااص الحمد لله أنا لقيت الأشخاص اللى متأكده أنهم هيفضلوا فاكرنى بعد ما أموت
وهيفضلوا معهم بروحى
دلوقتى خلااااص قادره أكتب والحمد لله الأشخاص بكل ثقه
شكرن بجد
هتوحشنا ياسكايار ربنا معاك مش هننساك لانك معنا فى كل مكان
وانت برضه يابطوط انت فى بالنا عاوزينك تاخد انت وسكايار بالكوا
وتطمننوا علكوا
وربنا معاكوا
اوعوا تفتكروا فى يوم اننا هنسكوا هتفضلوا فى بالنا علطول فى كل وقت
وهندعى لكم
بس دعواتكم بس أوعوا أنتوا تنسونا

(كفر سعد ( اللوزي

فى يووووووووووم من الأيام وفى ساعه من الزمااااااااااان كان طلب أبويا من حلاوه أخويا الكبير أنه يروح دمياط باعته هناك مشوار فحلاوه قال حاضر ورايح يلبس قعدت
أنا زى الزنانه أزن :اجى معاك ياحلاوه اجى معاك
حلاوه:يابنتى هتتبهدلى انتى لوعارفه لوكنت رايح الصبح كنت أخدتك لكن أحنا باليل
أنا : ماتخفش عليا ياحلاوه ده أنا بميه راجل وفيها ايه ما تبهدل عادى وكلمتى المعتاده معدتش تفرق سيناء من سوريا كله واحد يعنى ايه اللى هيحصلى
حلاوه:أمرى لله بس فى ثانيه تبقى جاهزه
وخلاص جهزنا ورحنا نوقف توك توك
واحنا فى التوك توك
حلاوه : احنا نركب بقه شربين ومن شربين دمياط وكفر سعد دى فى الطريق لدمياط لان احنا باليل ومعاد القطر اللى بيودى لدمياط علطول
أنا : خلاص يااااامان أوك أنا معاك يابرنس
رحنا الموقف بتاع شربين علشان نركب وطبعا احنا رايحين نركب الساعه 9 مساءيعنى مفيش حد بيسافر شربين فى الوقت ده
لقينا مكروباص والناس وكأنها اختفت ومحدش عاد بيسافر شربين ماهو لازم الجين بتاع عائلتنا يشتغل
ركبت أنا وحلاوه
والمكروباص كله فاضى ربع ساعه لقينا واحد جاى
بينى وبين نفسى لسه فى أمل
الراجل افتكرناه رايح يركب طلع راح يجيب كيس نساه فى المكروباص
واحنا فى المكروباص افتكرت فى فيلم اللمبى لما أم عم بخ ماتت ومحدش كان فى الميتم والراجل اللى جاه بالغلط
اهو أنا كنت عاوزه أعمل فى الراجل اللى نسى الكيس زى اللمبى وعم بخ ماعمله فى الراجل اللى فى الفيلم
بس يالا خير استننا كمان ربع ساعه لقينا واحد جاه يركب
قلت الحمد لله بعدها بقه الناس بدوا يجيو والراجل قعد يحمل والمكروباص اتحمل الحمد لله
مش المكروباص هو المشكله لو على المكروباص تبقى سهله
حلاوه اتعرف على واحد كده محترم واحنا فى المكروباص الله يكرمه فضل معنا لحد ماوصلنا
داربينه وبين حلاوه حوار لذيذ
حلاوه: ماتعرفش كفر سعد يتوصل لها ازاى؟
الراجل : المكروباص دلوقتى هينزلنا فى شربين ومن شربين تركب لدمياط وأنت فى الطريق لدمياط قول لسواق كفر سعد
حلاوه :تشكر ياريس يا أبو الذوق
الراجل: العفو وبرده أنا هفضل معاك لانى شغلى هناك وأنا أصلا من بلقاس وعلطول بروح المشوار ده
حلاوه :وشغل الكريم ايه؟
الراجل : نقاش فبروح هناك اشتغل وانا دلوقتى رايح دمياط وهنزلك فى كفر سعد
حلاوه:تكرم يا أبو الجدعنه
نزلت أنا وحلاوه ومعنا الراجل
وركبنا أنا وحلاوه والراجل ميكروباص من شربين لدمياط
وبعدان واحنا فى الطريق
الراجل: للسواق معاك كفر سعد ياريس
السواق :ماشى
خلاص عند كفر سعد نزلت أنا وحلاوه والراجل هيكمل لدمياط
المشهد بالتفاصيل
محطه قطورات قاعد راجلين قدامهم براد وميه بتغلى
حلاوه:سلااااااموا عليكم
الرجلين فى صوت واحد : وعليكم السلااام
حلاوه :ماتعرفش يامعلم فين بيت الاستاذ احمد الجميل
ده اسم الراجل اللى رايحين له
الراجلين:لو كنت تقدم خمس دقايق كان أبنه هنا قاعد معنا هو بيته فى اللوزي وأحنا فى كفر سعد تركب بقه توكتوك وتقله اللوزي تسال هناك أى حد عن بيت احمد الجميل
حلاوه: خلاص تشكروا ياذوق
واحنا فى حته مقطوعه على الطريق مفيش تكاتك ولا أى حاجه حقيره تتركب علشان كده أنا عندى عقده ولازم أشترى توكتوك
الراجلين :ياكابتن استنى نشوفلك تووك توك
فضلنا مستنين والكلام ده الساعه 11
لسه هنروح للراجل وهنرجع تانى نفس المواصلات وياعالم هنلاقى توكتوك يودينا لبيت الراجل ولا ايه النظام
فضلنا مستنين بتاع كده خمساشر دقيقه مش لاقين توك توك فى الهو اللى احنا فيه واحنا بقه سامعين صوت الصراصاير وكده
الراجلين : انتوا بقه تاخدوها مشى لحد اللوزي لان مفيش توك توك هيعدى من هنا
حلاوه بتون محتاار مش عاااااااارف يعمل ايه: تشكروا يارجاله
الراجلين: مش طويل اوى عليكوا أنتوا هتفضلوا ماشيين علطول لحد ماتلاقوا شركه الميه
وتسيبها وتحود على شركة الكهربا تلع منهم ع اللوزي هتلاقي الدنيا منورة
حلاوه:خلاص ماشى
حلاوه :ها ااااا خلاص بقه هناخدها مشى
وبينه وبين نفسه شايف الطريق كله ظلمة مع ان في اسم شركة كهربا عدى علينا
النور قاطع هناك ولا إيه؟
أنا :أوك عادى ولايهمك وراك رجاله نهارك أبيض
المشهد
شارع متسفلت على الحنب اليمين اراضى زراعيه والجنب الشمال عموايد نور كله مش منور بعضها
فضلنا ماشيين علطول علطول ولا حد ماشى فى الشارع الساعه12 بليل
سامعين صوت زن الصراصير اللى فى الاراضى الزراعيه
فضلنا ماشيين ماشيين بتاع كده2كيلو على رجلنا
وأنا اصبر نفسى وأعمل كده بنيه رضا الوالدين
معلش كله بثوابه
واحنا ماشيين طلع علينا كلب
طبعا أنا مش عاوزه اجرى علشان الكلب مايجريش ورايا
حلاوه:أثبتى ده كلب لونه أبيض يعنى طيب
أنا :قلتله بس كبير يعنى متوحش
حلاوه: احنا هنمشى ولا كاننا واخدين بالنا اتفقنا
أنا : اتفقنا ما هى الليله لازم تكمل
الحمد لله عدينا من عند الكلب بسلام
واحنا ماشيين كان ورانا راجل ماشى معنا طول الطريق طول مانمشى يمشى ورانا
أنا من جوايا مرعوبه ممكن يضرب حلاوه حلاوه يقع على الأرض مفرفر ولا حد هيسمعنا لاننا فى هو مفيش ولا شخص
ويخطفنى ويطلب من أهلى فديه كبيره وأهلى مش معهم فلوس يعنى هضيع هضيع ولا يسقينى حاجه اصفره
حلاوه: ماتخفيش انا معاكى وكمان ده أحنا بعيد عنه مش نبين له ان احنا خايفين لانه مش هيعمل حاجه
أنا : طيب ماناخدها جرى
حلاوه: لاكده هيعرف ان أحنا خايفين وحتى لو مكنش ناوى يعمل فينا حاجه هيعمل لما يشوفنا هبل كده
أنا : كلامك كله حكم ياحلاوه بس سرع رجلك
والحمد لله وصلنا لشركه الميه لقينا هناك عسكرى كده قاعد
حلاوه: سلااااموااااا عليكوااااا ماتعرفش ياريس فين بيت احمد الجميل
العسكرى:افضل ماشى علطول هتلاقى هناك خطاط هو البيت اللى جمبه
بعد ماخلص حلاوه كلامه مع العسكرى
أنا : أحنا لسه هنمشى كمان
حلاوه:بس كويس ماعدش حاجه وكمان هنا فى ناس مش زى اللى فات ونور كمان معتش حاجه
أنا :أوك يابرنس
خلاص الحمد لله وصلنا للخطاط لقينا البيت اللى جمبه مكتوب عليه احمد الجميل
طلع الراجل وكان شكله مش جميل خالص
فكرنى ساعتها حلاوه بفيلم عيال حبيبه لما كانوا رايحين لصباح مستورد ورامز جلال وهو بيقول ممس وصحبته
الراجل : اهلا اتفضل
بس كانت بعذومه مركبيه
حلاوه : لا شكرا ياريس بس علشان لسه هنسافر النهارده
الراجل: يا احمد يا احمد
ينادى على ابنه بصوته ماشاء الله اللى يوقع الدهان من على الحطان
أحمد: ايوه يابا
الراجل :خليك واقف معهم لانى عندى ضيوف جوه فى البيت
أحمد: حاضر يابا
الراجل: استاذنكوا أنا بقه
حلاوه :براحتك ياحاج احنا خلاص ماشيين بس مستانين توكتوك
لان برضه مش معقول هنمشى اللى مشناه ده كله تانى
أحمد ابن الراجل بيطلب فى النوبايل بتاعه: ايوووووه انت فاضى دلوقتى معايا ناس معرفه عاوزك توصلهم بالتوك توك بتاعه
سواق التوك توك اللى بيتكلم فى النوبايل :لامش فاضى
عمرى ماشفت تكاتك بتتطلب فى الموبايل بس مش مهم
بعد كده بتاع نصف ساعه فى الشارع واقفين قدام بيت الراجل
من غير حتى مايجيب لنا كوبيه ميه
الحمد لله لقينا توك توك
سواق التوك توك: المشكله دلوقتى مش التكاتك المشكله انكوا ممكن ماتلقوش عربيه فى الوقت ده توديكوا شربين
حلاوه : ربنا يستر
وصلنا الموقف بتاع دمياط علشان نركب مكروباص من دمياط لشربين ومن شربين لبلقاس
الحمد لله ربنا عارف اننا اتبهدلنا والقلق اللى ابويا وأمى فيه وتنيب الضمير اللى هما حسوا باللى عملوا فينا
لقينا مكروباص ركبنا فيه
وصلنا شربين
هناك بقه السواقين اللى هناك قولنا انتوا دلوقتى مش هتلاقوا مكروباص يوديكوا بلقاس انتوا تركبوا للمعصره ومن هناك تركبوا مكروباص ب50قرش لبلقاس
رحنا المعصره وكان معنا ناس قولوا لحلاوه احنا نجيب عربيه هى هيها بتمن المكروباص بدل مانستنا عدت عربيه ركبنا
والحمد لله وصلنا بلقاس بعد بهدله
وادى المواصلات فى مصر
الحمدلله أنا حى انا حى ها ها ها أنا مش مصدق نفسى وفى الآخر أحب أقول أنا اللى جبت ده كله لنفسى
الحمد لله رجعنا بالسلامه
البيت

تاج الملوك .. للناس اللي بيحبوك

طبعا لوقعدنا نقول ونقول على سكايار كلامنا يطول

الكل واقف فى ذهول من سكايار علطول علطول

أخويا الكبير أوى سكايار شكرن بجد مصيتنى ومظبطنى

وكده يعنى ربنا معاك ويوفقك وشكرا على سؤالك ندخل بقه فى الموضوع

أنت مين؟

أنا رشدى سرحان أباظه أحدثكم من الساحل الشمالي الافغاني واحذرك ولن تنعم أمريكا

قصدي أني بنت مصريه شرقيه عصريه لو جالها فرصه في يوم تخلص بجديه

من أول الحضارات رسمت طريقها بجد وفى شدة الازمات اخلاصها مالوش زى

بحب الضحك وبكره النكد وبس

مين أكتر ست شخصيات بتحبهم؟

ياااااااه سته بس ماينفعش أكتر شويه

يعنى انتى بتدفعى من دمك زوديهم شويه بس يالا ده المطلوب أمرنا لله

وعلى رأيى خالتى أم عايده الناس مدرات

أول مدار بيشيل اتنين هما ستى أم ابويا وون ترو ثنج أختى

تانى مدار بيشيل كام 8 يبقى دول بقه بنات العائله خوخه وساسوا لخيط الرفيع

وكائن نورانى وبتانستو وريم وهمبكاوى والآء وطبعا لمى

تالت مدار بيشيل كام بقه16يبقى بقه دول مين طبعا أخواتى الكبار أوى حلاوه

وعاشق الروح وسكايار ويوسف خورى ويوسف المخيف ومستكنيص واللهو الخفى مامادو وديو برايت وبطوطه طبعا

وثوره وكلماتى وطبعا بقه اصحابى بتاعوا ابتدائى يارا ونورا

وبتوع الاعدادى(هدى ويمنى وهند) أصحابى الانتيخ بس بقه كفايه كده

أنت سعيد؟

اه الحمد لله مفيش حاجه فى الدنيا تستاهل انى أزعل عليها

او أنزل دمعه علشانها غير حاجه واحده بس وخلاص بقه الحمد لله على كل شى

لو اجتمعت أنت وحسنى مبارك تقوله ايه؟

سيد الحبايب يا ضنايا انت اعمل لآخرتك ياسيد الناس الدنيا منفاتة

الدنيا خربانة والله خربانة دامت لمين

لو معاك مليون ونصف هتعمل ايه؟

أول حاجه ابنى مدرسه محترمه زى بتاعه الهدى والنور وأحسن منها فى بلقاس

تانى حاجه بقه اسفلت الشارع بتاعنا اللى عمره مايتسفلت بقه مانا قلبى الطيب

شايفين الشفافيه عطيه الساعتى

تالت حاجه أشترى سوبر ماركت أحلى من بتاع عمو قدرى بدل مانسرقه

أنا ويوسف المخيف لو اتسرق ياجماعه

يبقى أحنا اللى سرقينه شايفين بنعترف على نفسنا شفافيه شفافيه

رابع حاجه أشترى توكتوك علشان أسوقه

لانى طول عمرى بحلم اشترى توكتوك وأسوقه

فكنت بقول لحلاوه أنا عاوزه اشتغل على توكتوك

قالى اشترى التوكتوك الاول

قلتله ممكن اشتغل مع عمو أسامه قريب أمى اللى بيودينى المدرسه

قالى أحبك تشتغلى حره مع نفسك علشان يقسم معايا

عسل وربنا في أخ كده

رحت لون ترو ثنج أختى العقله الكبيره

تقلى هتستفيدى من كده ايه ؟

هستفيد انى أوصل البنات بدل ماكل يومين والتانى بنت تتخطف يحصلها حاجه

تقولى طول عمرهم الستات حاسسين بنقص ولعن الله المتشبهين بالرجال

خامس حاجه أشترى لحمدى ابن أخت ديو برايت

قص ولزق بدل ماهو بيحوش علشان يشتريه

واشتريله الاتوبيس اللى عاوز يسوقه ويركب فيه هيفا ونانسى وروبى

وأشترى ليوسف سامح جالكسى ولثوره اسنوكيرررررز بس يدوب يكفوا

بتحب مصر؟

لا عملتلى ايه مصر

مش هقولك بقه بحبها وتحيا الوحده الوطنيه

وماشربتش من نيلها لا بقولها وبكل صراحه لا ده قرار نهائى

ليه بقى بكرها لا وفرتى تعليم مناسب ولا اى حاجه ولا شغل لما اتخرج

طول عمرى فى مدرسه خاصه رحت وانا فى الاعدادى مدرسة حكومة

طبعا انابقه آخر فصل فى المدرسه يعنى فصل طاير معندناش فصل

فين فصلنا ياجماعه

فيه الكتب لحد ماتخلص والعيال تستلم

هتاخدوا فصلكوا قعدنا شهر من غير فصل لحد المخزن يخلص من الكتب

وعلى كده ندخل نلاقى الفصل بادراج ده الادراج فى الدور التالت نطلع نجبها

فين الداده تطلع تجبهم مش ده شغلها اطلعوا هاتوها

وهو ده بقه نظام التعليم فى مصر

وعلى كده بعد ما اتخرج هشتغل

عند أمه يا آدهم كفايه بقه أنا كده طولت فى السؤال ده

بتحب البنات ؟

اه طبعا ده اللى عنده بنتين أو أكتر بيدخل الجنه والبنات دول نعمه المفروض يتحطوا جوه العيون

ايه أكتر موقف محرج اتعرضت له؟

اه أول يوم العيد

قرايبنا كلهم عندنا واخوات أمى وكده وكلنا عند تيتا وأخوالى موجودين وولادهم

دخلت سلمت على أخوالى أخوات أمى وبعدين لقيت خال ليا كده قريبها من بعيد

انا كنت لسه متحجبه جايه أسلم عليه يقوم يقولى بصوت عالى ادام الناس دى كلها

لايجوز شرعا لا يجوز شرعا أولا أنا ماكنتش أعرف أن السلام باليد حرااااااام

وتانيا ماكنتش أعرف أنه مش بيسلم هو كده أصلا بيشوه صوره الاسلام

كان ممكن يسلم عليا بطراطيف صوابعه بدل مايبقى منظرى كده ادام الناس

وصوته بقه اللى يوقع الدهاااااان من على الحيطااان وبالراحه كان يقولى بس

ايه أكتر أمنيه نفسك ربنا يحققهالك؟

أنى أبطل أسمع أغانى وتانى حاجه أحفظ القرآن كله

أما عن التاج ده ....أمرره لمين؟
كوكو الضعيف ويوسف المخيف وهمبكاوى
أنا فصلت معدتش قادرة أكمل اتكلمت كتير مش بفصل أنا

زماااااانكوا فصلتوا وزهقتوا لك لك لك مش بفصل صح

بس معلش سلاااااااام

أنت اجمل حاجه عندى

أنت أجمل حاجه عندى أنت جوه عيونى ننى
حضنك الدافى بياخدنى من الناس والكون ومنى
طول مافى أحساس ما بينا والحنين ساكن قلوبنا
كل عاشق فى الزمن ده هنعلمه شوقى وشوقك
طبعا كل اللى موجودين عاوزيين يعرفوا أنا بكتب الكلام ده ليه ولمين
لحبيبى وعشقى وحياتى وعمرى
الكولمن ايووووووووه الكولمن
نااااس كتير هتقول ايه الهبل ده بس
اول ماجاه الكولمن حسيت أنه ابنى
أخدته براحه وغسلته وشايله كأنه انسان
خايفه عليه يحصله حاجه وخايفه عليه يتخبطت
ملته ميه وحطيت جوااااااااه ثلج
بس حصلت مشكله فظيعه ؟
الكولمن طلع كبير قوى
احطه على الرخام بتاع المطبخ ؟
الاقى الكولمن كبير وضخم كده وطويل
اعمل ايه مش عارفه
جاتلى فاكره مفتكسه أنى أجيب كرسى وأحطه عليه فى المطبخ وكل شويه أدخل
اتفرج عليه وأقعد جمبه ساعات كتير بحس أنه هيكلمنى ياترى بقه أنا بحبه ليه؟
أولا
لانه وفر عليا أكتر مهنه بكرها فى البيت كله وهى أنى أملى الازايزكل ساعتين
أدخل أملى الازايز اهرب من البيت وأروح عند حد من اقاريبى ألاقيه يقولى أملى الازايز
بس الحمد لله
حبيبى وعمرى وفر على ده كله للكن لازم يبقى فى نهايه
امبارح وأنا بملى الكولمن الاقى جووواه شعر واحده مش شعرى
الخاين الحقير بيخونى بعد اللى عملته ماكنش له مكان فى المطبخ جبتله كرسى ووحطيته عليه
وقفت جمبه فى محنته وساعدته لحد ما بقى زى ما انتوا شا يفنه دلوقتى
كان الزرار بتاعه كده كبير كان الواحد يدوس عليه
يلاقيه ملى الكوبيه ووقع الميه على الارض وكنت بستحمله وامسح الميه من على الارض
وكان جزائى ايه زى ما انتوا شايفين نسى الحقير الجميل وحبى له محدش يقولى انى اسامحه
لااااااااااااااااااااااااااااا
مش هسامحه ولا حد يقولى اللى بيحب بيسامح برضه لا عاوزه حل ضرورى .

ملحوظه

أنا مابحبش النكد يعنى أى حد يعلق عندى بتعليق نكد همسحه
وكمااااااااان بلااااااااش الكلاااام الكبير اللى مش بفهمه وبعد كده أى حاجه متاحه ليكوا