تدوينه حمراء ... لا لقتل الابرياء .. نعم لمعاقبة القتلة

ياجماعه .. قالّكم: شبيكم عاطين ما عندكم على قفصة ؟؟؟ كان مشيتو دافعتو على دينكم خيرلكم

اولا .. و باش حتى واحد ما تسوّلّو نفسو الامّارة بالتكفير انّو يقيم عليّ الحدّ .. انا راني مسلم .. و نقول لا اله الا الله .. محمد رسول الله .. خاصة وقت الغصره .. كيما الشعب الكريم الكل

:)))

لكن حبيت ندلي بملاحظه لبعض الوخيّان اللي ناويين على ربي في حملة تدوينية دفاعا عن الاسلام ..و بربي .. قبل ما ننسى .. ياخي علاش ماهيش دفاعا على الاديان السماوية الكل .. ؟؟؟ ياخي موش احنا نمّنو بيهم الكل .. و اي "اساءه"لاي دين سماوي تمسّـنا؟؟؟

و الله تساؤلي بريء راهو..

نرجع لحيثيات هالحمله

واحد منهم .. الناس تناقش في المسايل التقنية و اختيار اللوقوات و الالوان و غيرها .. و هوّ .. هكاكه .. لا طاح لا دزّوه .. قام قال جملة ما عندها حاااااااتى دخل في السياق ..

قال .. الجماعة اللي يعتبرو في هشام شهيد .. كان دافعو على دينهم .. خيرلهم...ياخي الشهادة منين جايّه ؟؟ ماهي جايّة من الاسلام

ندعوك انك تتفرج في الفيديوهاذا فقط باش تتاكد انو السيد اللي مات مقتول هو ولد بلادك .. يعني كان ينجم يكون خويا و الا خوك .. و باش زادا تتاكد اللي والدتو المسكينة ماهيش روزا لكسمبورغ و الا مارلين مونرو والا غولدا مائير .. باش تخسر عليه : ربي يرحمو كانو من المسلمين

!!!!

الله غالب خويا العزيز .. خوك راني شعبي .. و نقول كلامي بالواضح و بالفلاقي و على هاذاكه نحب نقلّك ملاحظتين

اولا

ياخي موش كنت تنجم تساهم في هالحملة اللي عاملينها اصحابك .. و اللي انا شخصيا نحترمها .. من غير ما تجبد "جماعة" اخرين ؟؟؟

ثانيا

ياخي ما تظهرلكش روحك منغلق شويّة كي تقول: لا شهادة الا من الاسلام ؟؟؟ـ

ياخي الشعوب والامم الاخرى .. سواء قبل الاسلام و الا بعدو .. ما عندهمشي شهداء ..بمعنى ناس ماتوا حتّى هوما من اجل قضايا و من اجل مبادئ و...و...

؟؟؟؟

و الا الآخر منفي عندك ؟؟؟؟ـ

انت او لا احد ؟؟؟؟؟ ههههههه

*******

ملاحظة : التدوينه هاذي كان المفروض تكون ردّ على مولى التعليق لولاني في التدوينه هاذي .. وكي ريتها طوالت .. قلت برّا .. نردّوها تدوينه .. تعميما .. للاسئلة

و السلام عليكم و رحمة الله تعالى و بركاتو

ياخي وينو يوتيوب ؟؟؟ عاود قــصّ ؟؟؟ـ

هاذي موش تدوينه .. اما استيضاح و طلب

الرجاء مدّي برابط صحيح لموقع يوتيوب.. انا عندي مقصوص باللغات الكل

شكرا

اتحاد مغاربي ؟ إيه .. أمّا متاع شعوب موش متاع حكومات

يا واحد الــخـُـــو

نـِــبّـي اتحاد مغاربي

كايـن فيه الحرية و الديمقراطية و العداله

و تهدر فيه الناس كيفما تبغي

و اقتصاديا يكون متين حتـّــى(متين حتّى باللهجة الموريطانية تعـني :قويّ جدا)ـ

........

موش اتحاد حكومات لمزيد احكام قبضتها على الشعوب و الاستفاده من خبرات بعضها البعض في التنكيل بكل من يقوللهم لا

........

بالله ما يقلّي حتى حد انت رومنسي و مراهق

.........

كل حد يدبّر على روحو

;)

الى ديانا ماغازين .. كي استرجلت معاك ..و نحـّـيت التدوينة .. ماو عالاقـلّ اركش وريض

انا استرجلت .. و رجعت نحّيت التدوينه .. قلت الراجل ندم و قدّم اعتذارو ... و انت باقي جاييني و تزايد عليّ بالـ: واش و عشرين سنه قراية متاعك ...و اللي ما فادوك في حتى شي

!!!!!!!!

مّاله آنا راني نموت عالعناد .. و هاهيّ التدوينه اللي زعما نحّيتها

وباللون الاحمر زادا

**************

زعمه جيت شايخ على فكرة متاع تدوينة جديدة .. ياخي لقيت واحد حاطّلنا كـَــعـْــلـُـو... (حاشاكم).. (توّه ما عادش انجم نحط الرابط متاعو خاطر نحّاه) و بعد ما قريت التعاليق .. لقيت انّو ماعاد عندي ما نضيف .. رغم انّو تباركالّه عليه .. الزنبيل متاعو .. و الا البردعة .. مازال فيهم ما يهــزّ تسخــسيخ .. نعرف انو واحد مدوّنتو روز .. و مسمّيها ديانا .. ماهوش باش يفهم اش معناها زنبيل .. و بـَــرْدْعــَـــه ..اما .. حبيت نقـلـّـو فقط حويجة وحدة هي انو.... في اطار المقارنة التعيسة اللي عملها .. انّو صحيح واحد تشعبط في خيط الضو .. بكرامه .. و مات موته شريفه.. و وراه شعب كامل .. يقاتل .. و يعارك .. و يناضل من اجل لقمة العيش .. و واحد تشعبط على اصوات المـْـلاهط .. و وراه كمشة متاع أقـْــحـَـ.......ـ و عصابه متاع عْـطـُـطـّــ......ـ...
!!!!!!!!!

الحاصــــيلو

إن لم تستح .. فـ " كـَـــعـْـ...ـِـصْ " ما شئت

خليني بربـّي توّ نشيخ مع راسي .. و مع اصحابي في تدوينتي اللي جيت من أجلها

نشرة الأخبار لسنة : 3524 م

كينيا تقرر ارسال اعانات غذائية لدولة تكساس
بوركينا فاسو .. تبعث بقوّات لفض النزاع الاهلي الدائرة رحاه منذ سنوات في مقاطعة نيو يورك
الولايات المتحدة المغاربية استخدمت حق الفيتو ضد قرار الامم المتحدة بارسال لجنة تفتيش عن الاسلحة البيضاء في اقليم واشنطن
يحتفل اليوم المريخ الشقــيق بالذكرى الخمسين للتحول المبارك .. و بهذه المناسبة القى رئيسهم خطابه الذي اكد فيه على حرصه الدائم و رعايته الموصولة و...و...و...كما قرر تعديل الدستور بما يمكن المراة المريخية من حقها في الانتخاب

في الاقتصاد
شهدت اسعار المـــاء اليوم ارتفاعا ملحوظا حيث اارتفع سعر برميل الماء الى خمسيا ألف أوقـيـّــه
و قد ارتفعت اسهم شركات الاكسيجان بالدول النامية (طوكيو .. لندن .. باريس ...) مما سبب حالات موت بسبب الاختناق الجماعي التي تسبب فيها ارتفاع الشديد لتكاليف الاكسيجان
و كعادتها بادرت مجموعة من الدول المانحة ( وعلى رأسها الطوقو .. جيبوتي .. بنقلاداش....)الى ارسال معونات فورية الى هذه الاقاليم
و نختم نشرتنا بالرياضة .. حيث دار اليوم الدور النهائي لكأس الكون .. بين بوراندي و الصومال .. و قد فازت بوراندي بالكاس العاشرة على التوالي

الى ديانا ماغازين : اللي يتمسخر من الشهداء .. اكثر إجراما من اللي قام بقتلهـــم

هاو اعتذر .. رغم انو فمة حاجات .. الخطأ فيهم ما يجوزش .. خاصة على واحد قاري شويّه حروف