Hər kəsin redaktə edə biləcəyi azad ensiklopediya olan

Vikipediyaya xoş gəlmisiniz!

Hal-hazırda Azərbaycanca Vikipediyada 217.928 məqalə mövcuddur.

Həftənin seçilmiş məqaləsi

Assassin's Creed Syndicate — "Ubisoft Quebec" studiyası tərəfindən istehsal olunmuş və "Ubisoft" şirkəti tərəfindən 2015-ci ildə yayımlanmış döyüş-macəra janrında olan videooyun. Bu, 23 oktyabr 2015-ci il tarixində "PlayStation 4" və "Xbox One", 19 noyabr 2015-ci il tarixində isə "Windows" platformaları üçün buraxılmışdır. Bu oyun "Assassin's Creed" seriyasının doqquzuncu əsas buraxılışı olmaqla, 2014-cü ildə satışa çıxarılmış "Assassin's Creed Unity" oyununun sikvelidir.

Oyunun süjeti real tarixi hadisələrin bədii təsvirinə əsaslanan "Assassin's Creed" franşizasının ümumi konsepsiyasına uyğun gəlir. Burada sülh və azadlığı müdafiə edən assassinlər ilə sülhə tam nəzarət vasitəsilə nail olmaq istəyən tampliyerlər ordeni fraksiyaları arasında əsrlər boyu davam edən gizli müharibədən bəhs olunur.

(Davamı...)

Həftənin yaxşı məqaləsi

Puritan — heykəltəraş Oqastes Sent-Qodens tərəfindən yaradılmış bürünc heykəl. ABŞ-nin Sprinqfild şəhərində yerləşir. Əsər o qədər məşhur olmuşdur ki, dünyanın 20-dən çox şəhəri, muzeyi, universiteti və şəxsi kolleksiyası üçün təkrar hazırlanmış, sonradan isə şəhərin rəsmi simvollarından birinə çevrilərək bələdiyyə bayrağında təsvir edilmişdir. Heykəl əvvəlcə şəhərin Stirns meydanı üçün nəzərdə tutulmuşdu, lakin, 1899-cu ildən etibarən "The Quadrangle" yaxınlığında, "Chestnut" və "State Street" küçələrinin küncündə yerləşdirilmişdir.

(Davamı...)

Həftənin seçilmiş siyahısı

Fullmetal Alchemist fəsillərinin siyahısı — yapon manqaka Hiromu Arakava tərəfindən yazılmış və hazırlanmışdır. Manqa seriyasının yayımlanması 2001-ci ilin avqustunda "Square Enix"-in "Monthly Shonen Gangan" jurnalında başlanılmış, 2010-cu ilin iyulundakı nəşri ilə (2010-cu ilin iyununda nəşr olunmuşdur) başa çatmışdır. Bu müddətdə manqa seriyasının 108 fəsli nəşr olunmuşdur. Manqa Edvard və Alfons Elrik adlı iki əlkimyagər qardaşın başına gələn hadisələrdən bəhs edir. Onlar ölmüş analarını geri qaytarmağa çalışarkən itirdikləri bədən üzvlərini geri qaytarmaq üçün fəlsəfə daşının axtarışına çıxırlar. Edvard orduya qatılır və ordunun tərkibində ikən ordunun da daşın axtarışında olduğunu öyrənir.

(Davamı...)

Günün seçilmiş şəkli

Xəbərlər

Corc Rassell Bakıda keçirilən Formula 1 — 2026 Azərbaycan Qran-prisinin (şəkildə) qalibi olub.
Vəhşi pişiyin yeni bir növü rəsmi olaraq müəyyən edilib.
Kosovonun keçmiş lideri Haşim Taçi Kosovo Azadlıq Ordusuna rəhbərlik etdiyi dövrdə törətdiyi müharibə cinayətlərinə görə iyirmi beş il müddətinə azadlıqdan məhrum edilib.

Aktual hadisələr: İran müharibəsi • Rusiya–Ukrayna müharibəsi

Son ölümlər: Pərviz Heydərov, Əvəz Zeynallı, Sandro Matsola, Alla Axundova, Zöhrab Zeynallı, Pərviz Məmmədov

Bilirsinizmi?

Azərbaycanın ilk baş naziri Fətəli xan Xoyskinin qızı Tamara xanım Xoyskaya (şəkildə) Azərbaycan Kommunist Partiyası Mərkəzi Komitəsinin Rəyasət Heyətinin sədri Mirzə Davud Hüseynovla evlənmiş və Azərbaycan SSR-in ilk birinci xanımı olmuşdur.
Civəni gümüşə və ya qızıla çevirə bildiyini iddia edən Ceyms Prays bunu etibarlı şahidlər önündə sübut etmək məcburiyyətində qalan zaman sianid turşusu içərək intihar etmişdir.
Şimali Koreya tərəfindən Cənubi Koreyadan qaçırılmış YS-11 təyyarəsində olan 47 nəfərdən 11-i heç vaxt geri qaytarılmamış və onlar Şimali Koreyanın müxtəlif şəhərlərində yaşamışdır.
2016-cı ildə Türkiyədə dövlət çevrilişinə cəhd edən xunta özünü "Vətəndə Sülh Şurası" adlandırırdı.
Aprel işğalından sonra həbs olunmuş Məhəmməd Əmin Rəsulzadə İosif Stalinin göstərişi ilə həbsdən azad edilərək RSFSR Millətlər Komissarlığında mətbuat müvəkkili vəzifəsinə təyin olunmuşdur.