Nintendo 64

Распрацоўшчык	Nintendo Integrated Research & Development[d] і Silicon Graphics[d]
Вытворца	Nintendo
Тып	home video game console[d] і гульнявая прыстаўка
Пакаленне	fifth generation of video game consoles[d]
Прададзена штук	32 930 000
ЦП	NEC VR4300[d]
Аператыўная памяць	4 мегабайт і 8 мегабайт
ГП	RCP[d]
Анлайн-сэрвіс	Randnet[d]
Папярэднік	Super Nintendo Entertainment System
Паслядоўнік	Nintendo GameCube
Медыяфайлы на Вікісховішчы

«Nintendo 64» (яп.: ニンテンドー64 Нінтэндо: Рокудзю:ён) таксама Ultra 64 і N64 — 64-разрадная гульнявая прыстаўка, распрацаваная японскай карпарацыяй «Nintendo» сумесна з амерыканскай кампаніяй «Silicon Graphics». Была выпушчана ў 1996 годзе (23 чэрвеня ў Японіі, 29 верасня ў Амерыцы) і ў 1997 годзе (1 сакавіка ў Еўропе, Блізкім Усходзе і Афрыцы і Кітаі і 1 верасня ў Францыі і Бенілюксе) і стала адказам на прыстаўкі канкурэнтаў «Sony PlayStation» і «Sega Saturn». Тактавая частата цэнтральнага працэсара — 93,75 Мгц, графічнага — 62,5 Мгц. Абсталёўвалася агульнай уніфікаванай аператыўнай памяццю аб’ёмам 4 МБ. Максімальны дазвол быў роўны 640×480 пры 24-бітнай глыбіні колеру. Дзякуючы ўдзелу «Silicon Graphics», у гэтай прыстаўцы з’явілася маса навін, звязаных з трохмернай графікай: згладжванне тэкстур, MIP-mapping і інш. У якасці гульнявога носьбіта быў абраны картрыдж аб’ёмам да 64 МБ.

Разам з кансоллю «Nintendo» выпусціла першы 3D-платформер «Super Mario 64», які дэманстраваў яе навіны ва ўсёй красе. Гэта і дало пачатковы штуршок. Аднак, у першыя часы гульняў для «Nintendo 64» было вельмі мала: не ўсім даваліся асаблівасці праграмавання для яе, акрамя таго, шматлікіх адпужваў састарэлы фармат носьбіта (абодва асноўных канкурэнта тады ўжо перайшлі на кампакт-дыскі, якія мелі вялікую ёмістасць і былі зручней і танней). Сама ж «Nintendo» не была гатова да поўнага забеспячэння сваёй кансолі гульнявымі праектамі. Але да 1998 году сітуацыя выправілася, і N64 заняла другое месца на рынку гульнявых прыставак пасля «PlayStation» (праект «Saturn» тады ўжо можна было лічыць праваленым).

У мацерыковым Кітаі выйшла перайначаная версія кансолі пад назвай «iQue Player». Гэтая версія выканана ў форм-фактары геймпада, каб абыйсці мясцовую забарону на гульнявыя кансолі. Кансоль мае некалькі убудаваных гульняў, астатнія карыстач мог загрузіць самастойна праз анлайн-сэрвіс «iQue Depot».

У Расіі рэліз быў анансаваны на 10 кастрычніка 1996 года, а дыстрыбутарам павінна была стаць сетка «АОЗТ Денди». На момант пачатку паставак NTSC-версія кансолі прадавалася толькі ў некалькіх крамах, у тым ліку «Game Land». Пазней дыстрыбуцыяй занялася кампанія «Бука», якая ў той час была афіцыйным дыстрыбутарам «Nintendo» (а таксама «Sega Saturn» і «Sony PlayStation»), але далейшыя продажы былі спынены, з-за цяжкага эканамічнага крызісу. З 2000 года афіцыйным дыстрыбутарам «Nintendo 64» выступаў «Новый Диск».