Terry Gilliam

Terry Gilliam
Llais	Terry gilliam bbc radio4 desert island discs 04 10 2011.flac
Ganwyd	Terrence Vance Gilliam  22 Tachwedd 1940  Minneapolis
Man preswyl	Highgate
Dinasyddiaeth	y Deyrnas Unedig, Unol Daleithiau America
Alma mater	Occidental College, LA Birmingham High School
Galwedigaeth	cyfarwyddwr ffilm, sgriptiwr, digrifwr, animeiddiwr, actor ffilm, actor, actor teledu, cynhyrchydd ffilm, arlunydd comics, cyfarwyddwr, ysgrifennwr, ffotograffydd, cynhyrchydd
Adnabyddus am	12 Monkeys, Fear and Loathing in Las Vegas, The Imaginarium of Doctor Parnassus
Priod	Maggie Weston
Gwobr/au	Officier des Arts et des Lettres‎, European Film Award for Best Short Film, Winsor McCay Award, Gwobr Cyflawniad Oes yr Academi Ffilm Ewropeaidd, Gwobr Inkpot, ‎chevalier des Arts et des Lettres, Gwobr Time Machine, Gwobr Flynyddol ACFK
Gwefan	http://terrygilliamweb.com/

Cyfarwyddwr ffilm, animeiddiwr, digrifwr, ac actor o'r Deyrnas Unedig a ganwyd yn yr Unol Daleithiau yw Terry Gilliam (ganwyd Terrence Vance Gilliam, 22 Tachwedd 1940).

Fe'i ganwyd ar 22 Tachwedd 1940 ym Minneapolis, Minnesota, Unol Daleithiau America. Yn 1952, symudodd ei deulu i Los Angeles, Califfornia. Aeth Gilliam i'r ysgol uwchradd a choleg yno. Ar ôl iddo raddio yn 1972 dechreuodd yrfa yn Ninas Efrog Newydd yn darlunio stribedi cartŵn. Yn 1967 symudodd i Llundain a dechrau gweithio fel animeiddiwr. Daeth yn ddinesydd Prydeinig ym 1968, a daliodd ddinasyddiaeth ddeuol Americanaidd a Phrydeinig am y 38 mlynedd nesaf, nes iddo ymwrthod â'i ddinasyddiaeth Americanaidd yn 2006.

Daeth yn enwog fel aelod o'r grŵp comedi Monty Python gyda John Cleese, Eric Idle, Michael Palin, Terry Jones a Graham Chapman. Gyda'i gilydd fe wnaethant gydweithio ar y gyfres sgets Monty Python's Flying Circus (1969–1974) a'r ffilmiau Monty Python and the Holy Grail (1975, a gyd-gyfarwyddwyd hefyd), Life of Brian (1979) a The Meaning of Life (1983). Dechreuodd Gilliam ei yrfa fel cyfarwyddwr ffilm yn 1975 trwy gyfarwyddo Monty Python and the Holy Grail gyda Terry Jones. Y ffilm fawr gyntaf iddo gyfarwyddo ar ei ben ei hun oedd Jabberwocky (1977), y cyntaf o gyfres estynedig o ffilmiau a oedd yn cynnwys elfennau ffantastig.

Ffilmyddiaeth

• (gyda Terry Jones) Monty Python and the Holy Grail (1975)
• Jabberwocky (1977)
• Time Bandits (1981)
• Brazil (1985)
• The Adventures of Baron Munchausen (1988)
• The Fisher King (1991)
• 12 Monkeys (1995)
• Fear and Loathing in Las Vegas (1998)
• The Brothers Grimm (2005)
• Tideland (2005)
• The Imaginarium of Doctor Parnassus (2009)
• The Zero Theorem (2013)
• The Man Who Killed Don Quixote (2018)

Dolenni allanol

• Gwefan swyddogol
• Dreams: The Terry Gilliam Fanzine