Haŝemidoj

Haŝemidoj
Dinastio
Blazono
dinastio
Devena nomo	arabe بنو هاشم
Fino	1962 vd
Lando	Reĝlando Heĝazo vd
Religio	islamo vd
Dinastiaj rilatoj
Fondinto	Husejn ibn Ali vd
Branĉo de	Banu Haŝim vd
Regadoj
Ŝarifoj de Mekko
Dum	10-a jarcento ĝis Unua mondmilito
Reĝoj de Heĝazo
Dum	1916-1925
Sekvanto	Saudoj
Reĝo de Sirio
Dum	1920 mallongtempe
Reĝoj de Irako
Dum	1921-1958
Sekvanto	(respubliko)
Jordan-Iraka Araba Federacio
Dum	feb-aŭg 1958
Reĝoj de Jordanio
Dum	1946-nun
vd	Fonto: Vikidatumoj

La Haŝemidoj aŭ Haŝimidoj (arabe بنو هاشم Banū Hāšim aŭ Banu Haŝim) estas araba reĝa dinastio, kiu nuntempe regas super Jordanio, sed en la pasinteco ankaŭ regis Irakon kaj aliajn arabajn teritoriojn. Ili devenas origine de Haŝim ibn Abd al-Manaf, kiu estis la pra-avo de la profeto Mohamedo.

En pli vasta senco, Haŝemidoj estas sinonimo de Banu Haŝim, klano de la araba tribo de Kurajŝoj. En pli malvasta senco, Haŝemidoj estas la reĝa dinastio ene de tiu klano.

De la 10-a jarcento, la emiro kaj la ŝarifo (religia aŭtoritato) de Mekko estis ĉiam membroj de la Haŝemida familio. En 1908, la Otomanoj kiuj regis en la regiono igis Husejn ibn Ali la nova emiro de Mekko. En 1916, Husejn ibn Ali komencis la "Araban Ribelon" kontraŭ la Otomana Imperio, helpata de la Britoj. En 1917 li proklamis sin mem reĝon de Heĝazo, la okcidenta parto de nuntempa Sauda Arabio. Li restis la reĝo ĝis 1924, kiam lia regno estis konkerata de la klano de la Saudoj, kiuj poste fariĝis la regantoj de Sauda Arabio. La Britoj poste transdonis Transjordanion (kiu poste fariĝis Jordanio) kaj Irakon al la Haŝemida dinastio. Du filoj de Husejn ibn Ali, Abdullah kaj Fajsal, fariĝis la reĝoj de Jordanio kaj Irako respektive. En Irako la Haŝemida dinastio estis forigita de milita ribelo en 1958, dum en Jordanio ĝi ankoraŭ travivas. Nuntempe la reĝo de Jordanio estas Abdullah la 2-a.

Teritorioj regataj de la haŝemidoj

La tri fratoj reĝoj, de maldekstre: Ali de Heĝazo, Abdullah la 1-a de Transjordanio kaj Fajsal la 1-a de Irako, iam inter 1924 kaj 1933

La haŝemidaj reĝoj Fajsal la 2-a de Irako kaj Husejn la 1-a de Jordanio, en 1958

Mekko

• 10-a jarcento ĝis Unua mondmilito: Ŝarifoj de Mekko

Heĝazo

• 1916-1924 Husejn ibn Ali, reĝo de Heĝazo
• 1924-1925 Ali, filo de Husejn ibn Ali, reĝo de Heĝazo

En 1925, Sauda Arabio konkeris Heĝazon kaj finis la regadon de la haŝemida dinastio.

Sirio

• 1920 Fajsal, filo de Husejn ibn Ali, estis mallongtempe reĝo de Sirio

Irako

• 1921-1933 Fajsal la 1-a (Irako), filo de Husejn ibn Ali, reĝo de Irako
• 1933-1939 Ghazi la 1-a (Irako), filo de la antaŭa, reĝo de Irako
• 1939-1958 Fajsal la 2-a (Irako), filo de la antaŭa, reĝo de Irako

En 1958, armea puĉo brutale murdis la regantojn kaj finis la regadon de la haŝemida dinastio en Irako.

Jordanio

• 1946-1951 Abdullah la 1-a (Jordanio), Abdullah ibn Husejn, filo de Husejn ibn Ali, reĝo de Transjordanio (la nuna Jordanio)
• 1951-1952 Talal (Jordanio), filo de la antaŭa, reĝo
• 1952-1999 Husejn (Jordanio), Husejn ibn Talal, filo de la antaŭa, reĝo
• 1999- nun Abdullah la 2-a (Jordanio), Abdullah ibn Husejn, filo de la antaŭa, reĝo

Tronheredonto:

• Husejn ibn Abdullah, kronprinco, filo de la antaŭa