Comarca dos Ancares

Para outras páxinas con títulos homónimos véxase: Os Ancares.

Comarca dos Ancares
Nome oficial     Os Ancares (gl)
Instancia de comarca de Galicia  Composto por Baralla Cervantes Navia de Suarna Becerreá As Nogais Pedrafita do Cebreiro
Localización  Situado en  provincia de Lugo, Galicia, España  Contén división administrativa Baralla Navia de Suarna As Nogais Cervantes Becerreá Pedrafita do Cebreiro  Coordenadas 42°50′00″N 7°05′00″O  Mapas
Cifras e dimensións  Poboación 9.365 (2022) 9.164 (2024) sumatorio  Superficie    1.049,96 km²
Códigos e identificadores Freebase /m/026x0l9
Fontes e ligazóns
Wikidata C:Commons

Os Ancares é unha comarca situada ó leste da provincia de Lugo cuxa capital é Becerreá, que á súa vez é o concello máis poboado. Toma o nome da serra que está situada na parte máis oriental de Galiza, nos límites con Asturias e Castela e León. Pertencen a ela os concellos de Becerreá, As Nogais, Baralla, Cervantes, Navia de Suarna e Pedrafita do Cebreiro.

Localización e características

É unha zona montañosa que forma parte das serras orientais, que tamén inclúen a comarca da Fonsagrada (ao norte) e O Courel (ao sur). Os Ancares tiña 9 662 habitantes no 2020, e 1 049,96 km², polo que posúe unha baixa densidade de poboación de 9,20 hab/km². Os concellos que conforman Os Ancares galegos son Becerreá, As Nogais, Baralla, Cervantes, Navia de Suarna e Pedrafita do Cebreiro.

Nos Ancares hai importantes masas forestais de carballo e bidueiro, acompañados de abeleiras, cancereixos, acivros, pradairos e teixos. Tamén hai mato abondo, como é o caso das uceiras e piornais predominantes. Na comarca aínda se pode ver ocasionalmente o oso pardo, en vías de extinción, e podería quedar algún exemplar illado da pita do monte.

Os concellos de Becerreá, Cervantes e Navia de Suarna confroman dende o ano 2006 a Reserva da Biosfera dos Ancares Lucenses e Montes de Cervantes, Navia e Becerreá.

Poboación

Padrón municipal 2020	9.662 habitantes
Menores de 15 anos	572 (5,92 %)
Entre 16 e 64 anos	5.182 (53,63 %)
Maiores de 65 anos	3.908 (40,45 %)

Galería de imaxes

Artigo principal: Galería de imaxes da comarca dos Ancares.

• 
• 
  O Cebreiro, Pedrafita do Cebreiro.
• 
  Panorámica da vila de Baralla

Véxase tamén

Outros artigos

• Serra dos Ancares