Maria di Rohan

Maria di Rohan
Título     Maria di Rohan (it)
Instancia de obra dramáticomusical
Características  Xénero artístico ópera  Forma artística ópera  Personaxes A familiar of Chevreuse (en) Maria (en) Enrico (en) Aubry (en) Riccardo (en) de Fiesque (en) The visconte of Suze (en) Armando di Gondì (en) Q63676469  Lingua lingua italiana
Implicados  Compositor/a Gaetano Donizetti  Libretista Salvadore Cammarano
Datas  Data de publicación século XIX  Data de estrea 5 de xuño de 1843
Cifras e dimensións  Número de partes    3
Localización  Lugar estrea Theater am Kärntnertor  País de orixe Italia
Fontes e ligazóns VIAF 176983039 Freebase /m/0f5z8n
Wikidata C:Commons

Maria di Rohan (en galego María de Rohan) é unha ópera tráxica en tres actos con música de Gaetano Donizetti e libreto en italiano de Salvatore Cammarano, baseado en Un duel sous le cardinal de Richelieu de Lockroy e Edmond Badon. A súa estrea tivo lugar no Kärntnertortheater de Viena o 5 de xuño de 1843.

Esta ópera é moi pouco representada na actualidade, figurando nas estatísticas de Operabase con unicamente 3 representacións no período 2005-2010.

Personaxes

Personaxe	Tesitura	Elenco na estrea, 5 de xuño de 1843
Maria, condesa de Rohan	soprano	Eugenia Tadolini
Riccardo, conde de Chalais	tenor	Carlo Guasco
Enrico, duque de Chevreuse	barítono	Giorgio Ronconi
Armando di Gondì	tenor (daquela contralto)	Michele Novaro
O vizconde de Suze	baixo	Friedrich Becher
de Fiesque	baixo	Gustav Hölzel
Aubry (secretario de Chalais)	tenor	Anton Müller
Un familiar de Chevreuse	baixo
Cabaleiros, o gabinete do Rei, paxes, gardas e criados domésticos de Chevreuse

Argumento

Maria, casada co Duque de Chevreuse (encarcerado por matar o sobriño do Cardeal Richelieu nun duelo), pide axuda ao seu antigo amante e Conde de Calais, Riccardo. Maria é insultada e Riccardo sae na súa defensa, retando a un duelo ao ofensor. Chevreuse sae en liberdade e xúralle lealdade. Maria tenta inutilmente impedir o duelo e confesa o seu amor por Riccardo, quen lle escribe unha carta de despedida que debería serlle entregada a Maria no caso de morrer. Chevreuse loita no seu lugar no duelo e resulta ferido levemente, mais, mentres tanto os homes do Cardeal entran no cuarto de Riccardo e levan varios documentos. Chervreuse amósalle un pasadizo secreto a Riccardo polo cal poder escapar e este pídell a Maria que o siga. Riccardo regresa para levar a Maria con el, mais Chevreuse atopa a súa carta, admitindo Maria a súa culpa. Chevreuse reta a un duelo a Riccardo, que se suicida.

Momentos destacados

Maria ten unha conmovedora escena de entrada no primeiro acto con Culpa, fatal mestizia. No terceiro acto hai unha fermosa escena de Chevreuse con Bella e di sol vestita. Mentres que Riccardo ten o seu momento de lucimento no segundo acto coa aria Alma soave e cara, na que pensa no duelo co home que insultou a Maria.