Boris Elcin

Boris Elcin
Elcin, 1997-jıl
Rossiya Prezidenti
Wákillik dáwiri 1991-jıl 10-iyul — 1999-jıl 31-dekabr
Jeke maǵlıwmatları
Tuwılǵan sáne	1-fevral 1931-jılı(1931-02-01)
Tuwılǵan jeri	Butka rayonı, RSFSR Oral wálayatı
Qaytıs bolǵan sáne	28-aprel 2007-jılı(2007-04-28) (76 jasta)
Qaytıs bolǵan jeri	Moskva
Puqaralıǵı	Úlgi:USSR→ Rossiya
Milleti	rus
Ómirlik joldası	Naina Iosifovna Elcina
Anası	Klavdiya Vasilevna
Ákesi	Nikolay Ignatevich Elcin
Tálim ornı	S.M.Kirov atındaǵı Oral politexnikalıq institutı
Qánigeligi	qurılısshı-injener
Dini	Pravoclav, Xristianlıq
Qolı

Boris Nikolayevich Elcin (russha: Борис Николаевич Ельцин^ⓘ1931-jıl 1-fevral, Sverdlovsk wálayatı — 2007-jıl 23-aprel, Moskva) — sovet hám rossiyalı siyasatshı, 1991–1999-jılları — Rossiya Federaciyasının' birinshi prezidenti. 1961–1990-jılları KPSS aǵzası bolg'an Elcin 1990-jıldan baslap partiyasız boldı. Onıń siyasiy kózqarası liberal hám milletshi dep sıpatlanadı.

Biografiyası

Elcin 1931-jıl 1-fevralda Ural wálayatının' Butka awılında (ha'zirgi Sverdlovsk wálayattının' Talickiy rayonında) dúnyag'a keldi. Elcinnin' ózinin' memuarına súyensek, kulaklanıw (rasakulachivaniye) siyasatının' na'tiyjesinde huqıqınan ayırılg'an diyqanlar shan'araǵında ósti. Butkada dúnyaǵa kelse de, Elcin Basmanovskoye awılına jaqınraq boldı, deydi Elcinnin' biografı Boris Minayev.

1955-jılı Ural politexnika institutın bitirgennen keyin, Sverdlovsk qalasındag'ı qurılıs trestlerinde sheber, prorab, aǵa prorab, bas injener, qurılıs baslıg'ı bolıp xızmet etken.

1968-jıldan Sverdlovsk wálayatı partiya komitetine jumısqa shaqırılıp, 1976–1985-jıllar aralıg'ında onın' 1-xatshılıg'ına saylandı.

1985-jıldın' aprel ayınan baslap KPSS OK-nin' apparatına awıstırılıp, qurılıs bóliminin' meńgeriwshisi, KPSS OK-nin' xatshısı (1985–1986), Moskva qalalıq partiya komitetinin' 1-xatshısı (1985–1987) xızmetlerinde boldı.

1987-jılı noyabr ayında ótken plenumnan keyin ornınan alınıp, eki jıl mámleketlik qurılıs komiteti baslıǵının' 1-orınbasarı, SSRB ministri da'rejesine túsirildi. 1990-jılı ótken saylawda RSFSR xalıq deputatı bolıp, 29-mayda ótken RSFSR xalıq deputatlarının' 1-syezdinde RSFSR Joqarg'ı Keńesinin' baslıǵı sıpatında saylandı. SúKP 28-syezdinde ashıq túrde partiya qatarınan shıqtı.

1991-jılı 12-iyunda ótken Rossiyadag'ı birinshi prezident saylawında jeńiske eristi. Tariyxıy avgust (19–21-avgust 1991) bastırıwda sheshiwshi ról oynap, Sovet Awqamının' ıdırawın, onı uslap turǵan jetekshi partiya SúKP-nı biylikten shetletiwdi tezlestirdi.

1991-jıl 8-dekabrde ótken Belovej kelisimine Belarus, Ukraina respublikaları basshıları menen birge qol qoyıp, Sovet Awqamının' ıdırawın ra'smiylestirdi. G'árezsiz Mámleketler Doslıq awqamının', Evraziya ekonomikalıq awqamının' tikarın qalıwǵa úles qostı. Rossiya prezidenti xızmetin atqarg'an jılları birneshe mártebe rásmiy sapar menen Qazaqstanda bolıp qayttı. Eki tárepleme qatnasıqlardı rawajlandırıwǵa sińdirgen miyneti úshın 1998-jılı ol Qazaqstannın' eń joqarı sıylıǵı «Altın Qıran ordeni» menen sıylıqlandı. Rossiyada 1996-jıl 3-iyulda ótken gezektegi prezident saylawında qayta saylandı. 2000-jıl 1-yanvardan baslap prezidentlikten óz erki menen ketti.

Sırtqı siltemeler

Boris Elcin memuarları