Paide

**Paide**
Lidnanznam;	Flag;
Valdkund	Estinma
Eläjiden lugu (2024)	8,073 ristitud
Pind	10,12 km²
Pämez'	Priit Värk; (kül'mku 2017—)
Telefonkod	+372-xxx-xxxx
Aigvö	tal'vel UTC+2,; kezal UTC+3

Paide (mugažo estin kelel) om Estinman lidn da municipalitet (est.: Paide linn) valdkundan keskuzpalas. Se om Järva-makundan administrativine keskuz, suremb lidn kahtespäi.

Istorii

Eländpunktan aluz om pandud vl 1265 kuti Livonan ordenan Vaisenštain-lidnuz-zamk. Saudihe zamkad mouckivespäi (est.: pae), sišpäi lidnan nimituz libub. Vll 1918−1972 kaidraižuine «Türi — Tamsalu»-raudtekeskust mäni lidnas läbi, raudtestancijan sauvuz om kaičenus. Nevondkundaližen aigan lidn oli Paiden rajonan keskuseks (1950−1991), Koigi-aviabaz sijazihe lidnanno.

Paide šingotase penil edheotandoil, leibäntegimel, mašinansauvomižen tegimel (metalližkonstrukcijad, konvejerad da niiden palad, lumenkeradandtehnik).

Geografijan andmused

Lidn sijadase makundan keskuzpalan päivlaskmas.

Matkad Tallidnan keskuzpalhasai om seičemekümne seičeme kilometrad lodeheze orhal vai 92 km «Tallidn — Tartu»-avtotedme.

Tobmuz

Edeline lidnan pämez' om Siret Pihelgas (2015–2017).

Eläjad

Vn 2011 Estinman rahvahanlugemižen mödhe lidnan eläjiden lugu oli 8,228 ristitud. Kaikiš suremb lidnan ristitišt oli 10,849 eläjad vl 1989. Kaik 10,590 ristitud elihe Paiden municipalitetas vn 2019 augotišes 443 km² pindal.

Rahvahad (lidnalaižed, enamba 0,4 % vl 2011): estilaižed — 92,39 %, venänikad — 4,36 %, ukrainalaižed — 1,06 %, suomalaižed — 0,73 %, toižed rahvahad — 1,46 %.

Galerei

Lidnan tobmuden pert' (2013)
Lüteranine Pühän Ristan jumalanpert' (nügüdläine om saudud vll 1847−1848), nägu vn 2006 redukus
Vaisenštain-lidnusen jändused (vn 2013 redukun olend)
Paiden sportkeskuz (om avaitud vl 2009)
Lidnan kul'turkeskuz (2011)

Irdkosketused

Paiden municipalitetan ohjastusen oficialine sait (paide.kovtp.ee). (est.) (angl.)

Paide Vikiaitas