Djudo

Po des linwincieusès racsegnes sol mot "djudo", alez s' vey sol Wiccionaire

El djudo^[1], c' est on spôrt di toursixhaedje ki vént do Djapon.

glawenes s' apougnant e djudo
kimere al noere cingue
apougnaedje «coumicata»
riviersaedje

Mousmints et coleur del cingue

Les toursixheus u toursixheuses sont moussîs d' ene blanke camizole avou ene lådje blanke. Ele sont tnowe å coir pa ene cingue di coleur. Li coleur riprezinte l' apriyesse do djudoca u del djudocate. C' est ene schåle insi :

blanke cingue : kiminceu·se
djaene cingue : lûteu·se avou ene miete d' apriyesse
orandje cingue : djudoca·te dedja ene miete aprins / aprinjhe
vete cingue : djudoca·te bén aprins / aprinjhe
bleuwe cingue : bon cnoxheu·se
brune cingue : pitit·e mwaisse
noere cingue : grand·e mwaisse

Istwere

Li djudo a stî edvinté l' an 1882 å Djapon. Si lomaedje e djaponès vout dire «voye del demoutixhisté» (ployansté).

Li prumî tchampionat d' Beldjike s' a passé e 1949.

Li djudo s' a diswalpé gråce al «Ligue Bedje di Djudo» k' a skepyî e 1959. Mins, e 1979 li like s' a schåyî a deus, ene flamindje ey ene walone.

Kékes djudocates et djudocas walons

E 1954, José Schoovaerts, ki fwait li spôrt e-n amateur, arive al finåle do prumî tchampionat d' Beldjike (po les djonnes).^[2]

Georges Ravinet fourit l' prumî tchampion d' Beldjike (1949).

Dins les anêyes 1980 disk' ås 2000, gn a yeu deus tchampiones walones, Nicole Flagothier (9 côps tchampione di Beldjike senior) eyet Marie-Isabelle Lomba (7 côps tchampione di Beldjike).

E 2012, Charline Van Snick a ramoenné ene medaye di bronze^[3] Elle aveut stî tchampione di Beldjike l' anêye di dvant.