Arbolí é un municipio da comarca do Baix Camp, na provincia de Tarragona, na comunidade autónoma de Cataluña. Dentre do seu térmimo municipal atópase o lugarciño de Gallicant. Escasamente poboado, en 2006, tiña 105 habitantes, sobre unha área de 20,77 km². As súas coordenadas son 41º14'38 N e 0º56'59L.
Cóidase que a súa orixe atópase nun antigo asentamento sarraceno, mais até o 1600 no aparece en documentos a forma Arbolí. Pertenceu á baronía de Entença e máis tarde ao condado de Prades.
A igrexa parroquial està dedicada a Santo André (Sant Andreu en catalán). É un edificio de tres naves con coro, de estilo neoclásico que ten acaroado o campanario. Este templo foi destruído en 1936, e até mesmo acabar fixo funcións de cortello.
Na zona de Colls áchase unha capela adicada a San Salvador. Construída no século XVII, consta dunha nave única.
Igrexa parroquial de Sant Andreu
Los Castillejos foi un acampamento militar destinado a albergar aos que realizaban milícias universitarias. Estas instalacións mantéronse en activo desde 1950 até o ano 2001.
A principal actividade económica é a agricultura de secaño, salientando o cultivo de abeleiras. Hai na zona dúas minas de cobre, que están sen se explotar. Tamén desapareceron os antigos moíños de papel e de fariña.
Arbolí celebra a súa festa maior a primeira fin de semana do mes de outubro. En xaneiro conmemora a San Paulo (Sant Pau en catalán) a festa maior do inverno.
.svg){kind=small}
