تانزانیا

تانزانیا

République unie de Tanzanie  (فرانسوی)

ملّی شعار:

آزادی و اتحاد

ملّی سرود:

خدا تانزانیا ره خنابدونه!

جوغرافی

بلند چکل	Mount Kibo (۵٬۸۹۵ متر)
جول‌ترین نقطه	هند اوقیانوس (۰ متر)
گتی	۹۴۵٬۲۰۳
ئو	۶٫۲

جمعیت

نیشتگا	دودوما
رسمی زوون(ون)	سواحىلی — انگلیسی
جمعیت	۳۷٬۸۴۹٬۱۳۳
مرد	۲۹٬۵۶۳٬۴۳۹ (۲۰۱۹) — ۳۰٬۴۷۵٬۴۵۴ (۲۰۲۰) — ۳۱٬۴۱۷٬۶۵۳ (۲۰۲۱) — ۳۲٬۳۷۰٬۹۳۱ (۲۰۲۲)
زن	۳۰٬۳۰۹٬۱۴۱ (۲۰۱۹) — ۳۱٬۲۲۹٬۰۶۴ (۲۰۲۰) — ۳۲٬۱۷۰٬۶۸۱ (۲۰۲۱) — ۳۳٬۱۲۶٬۸۱۷ (۲۰۲۲)
شهری جمعیت	۲۰٬۶۵۶٬۰۴۰ (۲۰۱۹) — ۲۱٬۷۳۶٬۶۵۱ (۲۰۲۰) — ۲۲٬۸۶۲٬۵۵۰ (۲۰۲۱) — ۲۴٬۰۲۵٬۸۸۴ (۲۰۲۲)
روستایی جمعیت	۳۹٬۲۱۶٬۵۳۹ (۲۰۱۹) — ۳۹٬۹۶۷٬۸۶۷ (۲۰۲۰) — ۴۰٬۷۲۵٬۷۸۴ (۲۰۲۱) — ۴۱٬۴۷۱٬۸۶۴ (۲۰۲۲)
امید زندگی	۶۵٫۶۷۵ (۲۰۱۶)

نٮظام

حکومت نوع	جمهوری
بالاترین مقوم	سامیه حسن (۲۰۲۱ – )
حکومت رئیس	سامیه حسن
موقننه قووه	مجلس ملی تانزانیا
موجریه قووه	Cabinet of Tanzania

دکته إتفاقون

بساتن	استقلال بریتانیا جه
تانگانیکای ِاستقلال زنگبار ِاستقلال دِتا کشور ِاتحاد	۹ دسامبر ۱۹۶۱ ۱۰ اکتبر ۱۹۶۳ ۲۶ آوریل ۱۹۶۴

جینی ضریب

عدد	۴۰٫۵ (۲۰۱۸)

إنسانی توسعه شاخص

شاخص	۰٫۵۴۹ (۲۰۲۱)
بیکاری نرخ	۳ (۲۰۱۴)

إقتٮصاد

پول واحد	شیلینگ
مرکزی بانک	بانک مرکزی تانزانیا
أفزوده أرزش مالیات نرخ	۱۸
قانونی سند	۱۸

نمادون

اینترنت کد	.tz
دریایی شىناسایی إشماره	674 — 677
ایزو ۳۱۶۶–۱ آلفا-۲	TZ
تٮلفون کُد	۲۵۵

دیگه چیون

رانندگی جهت	چپ
وبسایت	tanzania.go.tz

تانزانیا اتا آفریقایی کشور هسته که این قاره‌ی ِشرق دَره و کشورون ِکنیا، اوگاندا، روآندا، بوروندی، کنگو دمکراتیک جمهوری، زامبیا، مالاوی و موزامبیک جه هم‌سامون هسته و شرق جه هند اوقیانوس ره وَر خانّه.

سال ۱۹۹۶ تانزانیای ِرسمی نیشتنگا (= پایتخت) دارالسلام جه بورده دودوما دله ولی هَنتا دارالسلام این کشور ِگت‌ترین اقتصادی مرکز هسته. این کشور ِدیگه گت ِشهرون آروشا، امبیا، موانزا، موروگور و زنگبار هستنه.

تانزانیا نوم ره تانگانیکا و زنگبار ِترکیب هاکِردِن جه بِساتنه. این دِتا کشور سال ۱۹۶۴ هِدی جه وَصله بَخاردنه (= متحد بَیینه) و «تانزانیای ِجمهوری» ره تشکیل هِدانه.

چندین سال این کشور دله اتا طرح، که «آفریقایی سوسیالیسم» نوم بی‌یه، اجراء بیّه و مردِم ره زور کاردنه که هم‌بازی و کایری کشاورزی هاکِنِن. این طرح نتیجه نِدائه و همینسه دههٔ ۱۹۸۰ جه اصلاحات شروع بَیینه.

اسلام، مسیحیت و بومی ادیان، سه‌تا اصلی دین این کشور دله هستنه که هرکامین حدوداً یک‌سوم جمعیت ره ساجِنّه.

تانزانیا رسمی زوون ندانّه اما سواحلی غیررسمی ملی زوون هسته و اتجور نماد هسته که مردمون ره متحد داره. آموزش وسّه این کشور دله دَرنه انگلیسی جه استفاده کانّه.

تاریخ

• اولین‌بار عرب ِتاجرون سال ۷۰۰ میلادی این منطقه دله شه وسّه کولونی بساتنه.
• پرتغالی‌ئون سال ۱۵۰۰ تا ۱۵۰۳ میلادی این ناحیه جه بَرِسینه و تا قرن ۱۷ تانزانیای ِکنترل ره شه میس دله داشتنه
• سال ۱۶۹۸ میلادی عمان ِسلطون اینجه ره پس بَییته.
• زنگبار سال ۱۸۶۱ عمان جه اعلام استقلال هاکرده
• روآندا و بوروندی و تانگانیکا ره سال ۱۸۸۵ آلمان فتح هاکرده.
• جهونی جنگ اول ِپه ملل جامعه این منطقه ره هِدائه بریتانیا ره.
• سال ۱۸۹۰ زنگباریون بریتانیای ِتحت‌الحمایتی ره قبول هاکِردنه.
• تانگانیکا ۹ دسامبر ۱۹۶۱ بریتانیا جه اعلام استقلال هاکرده.
• زنگبار ۱۰ دسامبر ۱۹۶۱ بریتانیا جه سِوا بیّه.
• این دِتا کشور ۲۶ آوریل ۱۹۶۴ هِدی جه متحد بَیینه و «تانگانیکا و زنگبار ِمتحد ِجمهوری» ره بساتنه
• شیش ماه بعد این جمهوری نوم «تانزانیا» بیّه.

مردمون

زنگباری زنا، دهه ۱۸۸۰

سال ۲۰۰۶ کشور ِجمعیت ۳۸٬۳۲۹٬۰۰۰ و ونه رُشد حدود ۲٪ بی‌یه. این کشور دله جمعیت ِانبِسی (= تراکم) اصلاً متوازن نی‌یه یعنی مردِم ات‌جا انبس و ات‌جا تَنِک هستنه. بیش از ۸۰٪ مردمون مَله‌ئون دله درنه. با اونکه تانزانیا خله فقیر هسته ولی باسوادترین افریقایی کشورون جه هسته و بیش از ۸۵٪ مردم بتونّه بخوندِن و بَنویسِن. این کشور دله اقوام مختلفی دَرنه که هِدی جه خله دِشمن نینه و همدیگه دَرون قاطی بَیینه.

عیید

نوروز ِعیید زنگبار دله ۲۸ تیر برگزار وانه که تابستون میون قِرار گیرنه این تاریخ خله مازرون و گیلان ِعیید جه نزدیک هسته. ۲۸ تیر پنجک شروع وانه و ۲ مرداد رسماً نو سال تبری تقویم دله شروع وانه. دیلمی تقویم نوروز هم ۱۷ مرداد هسته. این همزمونی دلیل این هسته که زنگباریون ِتیر-و-تِبار شیراز جه رِسِنه و وشون اتی ایرانی نژاد هستنه که اونجه دَیینه و وشون دله بعضی اشتراکات هَنتا باقی بموندسته.

تقسیمات

تانزانیا سی‌تا استان دانّه:

1. آروشا (Arusha)
2. دارالسلام (Dar es Salaam)
3. دودوما (Dodoma)
4. ایرینگا (Iringa)
5. کاگرا (Kagera)
6. کیگوما (Kigoma)
7. کلیمانجارو (Kilimanjaro)
8. لیندی (Lindi)
9. مانیارا (Manyara)
10. مارا (Mara)
11. امبیا (Mbeya)
12. موروگورو (Morogoro)
13. امتوارا (Mtwara)
14. موانزا (Mwanza)
15. شمالی پمبا (Pemba North)
16. جنوبی پمبا (Pemba South)
17. پوانی (Pwani)
18. روکاوا (Rukwa)
19. روووما (Ruvuma)
20. شینیانگا (Shinyanga)
21. سینگیدا (Singida)
22. تابورا (Tabora)
23. تانگا (Tanga)
24. مرکزی-جنوبی زنگبار (Zanzibar Center / South)
25. شمالی زنگبار (North Zanzibar)
26. شهری-غربی زنگبار (Zanzibar Urban / West)
27. گیتا (Geita)
28. کاتاوی (katavi)
29. انجومبه (Njombe)
30. سیمیو (Simiyu)

منابع

• ویکی‌پدیای کارزنون، «Tanzania»، انگلیسی ویکی‌پدیا، آزاد دانشنومه، دله. (هارشی‌یه بَیی ۵ ژوئن ۲۰۱۱).