Իրացվելիության կառավարում
ՀՀ կենտրոնական բանկի կողմից գների կայունության ապահովման գործընթացը իրականացվում է գործառնական նպատակի՝ իրացվելիության շուկայի կարճաժամկետ տոկոսադրույքի կառավարման միջոցով։
Կենտրոնական բանկը կառավարում է այդ տոկոսադրույքը՝ շուկայում իր գործառնությունների միջոցով՝ անհրաժեշտության դեպքում ավելացնելով կամ նվազեցնելով իրացվելիությունը։
Իրացվելիության կարճաժամկետ կառավարման գործընթացը ներառում է հետևյալ փուլերը․
- Կանխատեսում – դրամային իրացվելիության կարճաժամկետ պլանավորում՝ պարտադիր պահուստավորման յուրաքանչյուր ժամանակահատվածի համար,
- Շուկայի ուսումնասիրում – Կենտրոնական բանկի կողմից մշտական կապի և տեղեկատվության փոխանակում ֆինանսական շուկայի մասնակիցների հետ,
- Գործառնությունների իրականացում – դրամավարկային քաղաքականության անուղղակի գործիքների կիրառում,
- Մշտադիտարկում – ֆինանսական շուկաների ամենօրյա մոնիտորինգ,
- Հաշվետվողականություն և թափանցիկություն – իրացվելիության կանխատեսումների, ԿԲ-ի գործառնությունների և ֆինանսական շուկայում կատարված գործարքների վերաբերյալ տեղեկատվության հրապարակում Կենտրոնական բանկի պաշտոնական կայքում։
ԿԲ կողմից կարճաժամկետ իրացվելիության կառավարում
