Մեր ռազմավարությունը
Մեր առաքելությունը
Արագ փոփոխվող աշխարհում լինել հուսալի գործընկեր, նպաստել համազգային բարեկեցությանը` գների և ֆինանսական կայունության ապահովման միջոցով: Մեր առաքելության իրագործման ճանապարհին պարզորոշ պատկերացնում ենք Հայաստանի մարտահրավերները։ Բարեկեցության մեր ընկալումը ներառում է հարատև տնտեսական աճ, կայուն զարգացում, ֆինանսական անվտանգություն, մարդկանց կենսամակարդակի բարձրացում՝ անհատի մրցունակությունը խթանելու միջոցով, ով ունակ է հասնելու բազմակողմանի զարգացման և ավելի մեծ բարիքի ստեղծման նպատակներին:
Մեր տեսլականը
Լինել առաջատար կենտրոնական բանկ, որի գործունեությունը հիմնված է հետազոտական գերազանցության և նորարարական լուծումների վրա։ Մեր տեսլականն իրագործելու ճանապարհին ուղղորդվում է բոլորի համար ընկալելի, գործընկերների հարգանքը վայելող և տաղանդների համար գրավիչ հաստատություն լինելու ձգտմամբ։ Դրան հասնելու համար ապահովում ենք մեր գործունեության թափանցիկությունն ու հաշվետվողականությունը, երկրի ներսում և երկրից դուրս գործընկերների հետ բազմակողմ համագործակցությունը, ինչպես նաև ստեղծում ենք հնարավորություններ ազատ մտածող, պրպտող ու թիմային աշխատանքին ապավինող անհատների մասնագիտական աճի և ներուժի լիարժեք իրացման համար։
Մեր արժեքները
- Գերազանցություն
Մենք ձգտում ենք գերազանցության՝ առաջատար հետազոտության, վերլուծության, արտաքին ու ներքին համագործակցության և մեր գործունեության բոլոր ոլորտներում նորարարության միջոցով:
- Բարեվարքություն
Մեր նպատակները ներկայացնում ենք բաց, արդյունավետ հաղորդակցման եղանակով, և հաշվետու ենք մեր գործողությունների համար։
- Հարգանք
Մենք հարգում ենք միմյանց և հաջողության հասնում՝ գնահատելով մարդկանց և գաղափարների բազմազանության արժեքը։
Ռազմավարություն
ՀՀ ԿԲ ռազմավարություն 2025 - 2027թթ.
Ռազմավարական առաջնահերթություններ
Մեր ռազմավարական առաջնահերթությունները կառուցված են չորս հիմնական ուղղությունների շուրջ՝ ֆինանսական համակարգի ամրապնդում, արդյունավետ մակրոտնտեսական քաղաքականության իրականացում, Կենտրոնական բանկի կարողությունների ընդլայնում և հստակ հաղորդակցության խթանում ինչպես ներքին, այնպես էլ արտաքին լսարանի հետ: Այս հիմնասյուներն օգնում են ապահովել կայունություն և հարատև տնտեսական աճ:
Ընթացիկ նախագծեր
Կենտրոնական բանկի ռազմավարությունը կենտրոնացած է ֆինանսական կայունության, նորարարության և ինստիտուցիոնալ աճի բարձրացմանն ուղղված հիմնական ծրագրերի իրականացման վրա։ Նախագծերի կոմիտեն առաջնահերթություն է տալիս այն նախաձեռնություններին, որոնք խթանում են արդյունավետությունը, արդիականացումը և կայուն զարգացումը` ամրապնդելով Բանկի հավատարմությունը առաջընթացին:
Տարեկան հաշվետվություն
Ամեն տարի մենք հաշվետվություն ենք ներկայացնում մեր առջև ծառացած մարտահրավերների, ձեռքբերումների և Կենտրոնական բանկի կայունության ուղղությամբ գրանցած առաջընթացի մասին։
